11 нче сентябрь көнне безнең укучылар, район мәктәбе укучылары белән берлектә, Җиңү паркында экскурсиядә булдылар. Балалар  өчен  махсус  уен программасы да төзегәннәр. Укучылар, командаларга бүленеп, конкурсның төрле этабында көч сынаштылар.Парк белән якыннан таныштырып, укучыларның ялын файдалы оештырганнары өчен район мәгариф бүлегенә рәхмәтебезне җиткерәбез.  

   Бүген китапханәче Сәгъдиева  Х.К. "Изгелек кыл" акциясе кысаларында 1 нче класс укучыларына информацион-белешмә сәгате уздырды. Ул укучыларны китапханә эшчәнлеге белән таныштырды. Китап белән эш иткәндә үтәлергә тиешле кагыйдәләрне сөйләде. Укучыларны китапка карата игътибарлы булырга, өйрәтте." Бүген мөмкинлеге чикләнгән кешеләргә ныграк ярдәм итү көне дә . Әгәр дә сез аларны көндәлек  яңалыклар белән таныштырып торсагыз, үзегез яраткан китаптан  бер өзек укып китсәгез, алар зур рәхмәт җиткерер сезгә, балалар",-дип, тәмамлады ул чыгышын. 

С 7 по 14 сентября в республике проходит добровольческая акция «Осенняя неделя добра – эстафета добрых дел», которая призвана служить  продвижению идеи совершения благих  поступков .

  Сегодня среди начальных классов провели «Веселые старты». Среди старшеклассников был проведен товарищеский матч по баскетболу. Все учащиеся проявили  активность . 

"Балалар куркынычсызлыгы" айлыгы кысаларында бүген мәктәптә эвакуацияләнү планы тормышка ашырылды. Укучылар, укытучы, хезмәткәрләр билгеләнгән вакыт аралыгында тиешле урынга барып җитә алдылар. Куркыныч туганда югалып калмау,тирә-ягыңдагыларны барлау күнекмәләренә ия булуның никадәр җаваплы әйбер икәненә төшенде укучыларыбыз.

4 нче сентябрь көнне 8 нче класс җитәкчесе Исмәгыйлева Г.А. “Экстремизм,терроризм безне читләп үтсен!” исеме астында ачык класс сәгате үткәрде. Класс сәгатендә укучыларда  терроризм, экстремизмга каршы тискәре мөнәсәбәт ачыкланды. Укучылар халыклар дуслыгын яклап чыктылар.

3 нче сентябрь көнне табигать фәннәре укытучысы Гаффарова Дамирә Вәкилевна "Яшел Россия" акциясе буенча класс сәгате үздырды. Укучылар туган як, аның табигате буенча күзаллауларын рәсемнәрдә сурәтләделәр. Бу атнада экологик өмә оештырырга планлаштырабыз.

1 нче сентябрь көнне “Без талантлылар” исеме астында класс сәгатьләре узды. 10 нчы класс җитәкчесе Мәннанова Л.Р.-ның класс сәгатендә, безнең мәктәпне тәмамлап, Казан федераль университетының журналистика факультетында белем алган  бүгенге көндә “Безнең гәҗит” газетасында, “Сөембикә” журналында  махсус хәбәрче булып эшләүче Мостафина Фәнзилә Рамилевна катнашты. Ул укучыларны журналист булу серләренә төшендерде, эштә килеп чыгарга мөмкин кыенлыклар белән таныштырды.

1 нче сентябрь. Бу айга аяк басу белән шатлыклы да бераз мәшәкатьле дә көннәр башлана. Бүген мәктәпләрдә һәр бала көтеп алган , кызыклы вакыйгаларга бай булган , яңа уку елы башланды. Бүгенге бәйрәм белән котларга безнең мәктәпкә  кунаклар да күп килде. Район Cоветы депутаты, шәхси эшмәкәр Төхбәтуллин Динар Илдарович, җирле үзидарә рәисе Сираҗетдинов Фәргать Гарәфетдинович, шәхси эшмәкәр Сабиров Айдар Фәритович укучыларга матур теләкләрен җиткерделәр, бүләкләр тапшырдылар. Мәктәп директоры Ибраһимов Алмаз Ринатович  бу уку елында мәктәп алдында торган бурычларны атады. Үз чыгышында килгән яшь белгечләр белән таныштырды, ветеран укытучыларның хезмәтен бәяләп, бүләкләр тапшырды. Күңелләрдә сөенеч, йөзләрдә шатлыклы елмаю балкый. Яңа уку елы һәркемгә шатлык, бары тик 4 һәм 5 билгеләре генә алып килсен. 

   29 нчы август көнне районыбыз мәктәпләре укучылар ярминкәсендә катнашты.  Бу чарада безнең мәктәп коллективы да активлык күрсәтте. Җәй буена укучылар һәм укытучылар, хезмәткәрләр көче белән үстерелгән җиләк-җимеш, яшелчә сатуга куелды.Һава торышы бераз комачаулап торса да, сату уңышлы булды. Район халкы алып килгән продукциядән канәгать калды.