Бүген 11 нче класс укучылары татар теле фәненнән мониторинг эше башкардылар. Укучыларның 11 ел дәвамында үткән белем һәм күнекмәләрен бәяләү эше булды бу . Укучылар үзләре укыган әсәрдән китерелгән өзек буенча сочинение да язарга тиешләр. Сынау эшен көтелгән нәтиҗәләр белән башкарып чыгуларын теләп калабыз. 

Бүген  мәктәптә өмә узды. Бакчада күләмле эш башкарылды. Барлык орлыклар чәчелде, территория чистартылды, чәчәк үсентеләре утыртылды.  Өмәдә барыбыз да актив катнаштык. 

11 нче класс укучылары В. П. Энгельгард исемендәге Атрономия обсерваториясендә экскурсиядә булдылар. Обсерватория Казаннан ерак түгел, Яшел Үзән районының Октябрьский бистәсендә урнашкан. Экскурсия планетарий бинасында слайдлар күрсәтүдән башланган, аннары йолдызлы күк йөзенә сәяхәт ясаганнар, планеталар, аларның иярченнәре белән, йолдызлы күкнең тәүлеклек әйләнеше белән танышканнар. “Космик эраның башлануы” дигән 3D-фильм карау да бик кызыклы булган. Космик аппаратларга утырып очу, Ай өслегеннән йөгерү - күңелдә калырлык мизгелләр . Экскурсия соңрак башка биналарда дәвам иткән. Укучылар китапларда язылмаган яңалыклар белән танышканнар. Экскурсияне оештыручы физика, информатика укытучысы Фазылҗанова Н.М. бу чараның бик файдалы булуын хәбәр итте.

Тормыш иминлеге нигезләре программасында  каралган практик дәресләрне гамәлгә ашыру максатында,  8 нче класс укучылары экскурсиягә чыгып киттеләр. Алар бүген ел буена туризм буенча алган белемнәренең ныклыгын сынап караячак. ТИН укытучысы Фазылҗанов Г.Г. – ка һәм 8 нче класс укучыларына уңышлы эш көне телибез.

 Сәламәт яшьләр-сәламәт киләчәк. Районыбызда яшьләр арасында спортны  үстерүгә бик нык игътибар ителә. Мәктәпнең спорт ярышларында теләп катнаша торган сәләтле укучылары күп. Физкультура укытучылары ярышларга ныклы хәзерлек белән чыгалар. Бүген дә бер төркем укучылар Фазылҗанов Г.Г., Җәләлиев И.И.  җитәкчелегендә районга спорт ярышына киттеләр. Аларга яхшы нәтиҗәләр телибез.

Бүген укучылар татар теле буенча бердәм республика тестында катнаштылар. 9 ел буе алган белемнәрне гомумиләштереп, белем нәтиҗәлелеген бәяләү максаты куела алар алдына. Укучыларның  көтелгән уңай билгеләргә ия булуларын теләп калабыз. 

   Җиңүнең 70 еллыгын матур чаралар белән каршыладык . Җирлектә яшәүче сугыш, тыл ветераннарын, сугыш чоры балаларын чакырып, митинг үткәрдек. Сугыш ачысын үз җилкәләрендә татыган олы буын вәкилләренең чыгышын тыңлау укучыларыбызга тыныч тормышның кадерен белеп яшәргә кирәклеген тагын бер тапкыр искәртте.

9 нчы май көнне мәктәпнең “Туган як” музее үз экспонатлары белән Җиңү парадында катнашты. Музей җитәкчесе Закирова Лилия Әхәтовна, “Тыл” станциясендә тукталып, тарихи материаллар белән кызыксынучыларның берсен дә игътибарсыз калдырмады.   

     Бүген тарих фәннәре  укытучысы Якупова Хәнифә Зиннәтовнаның туган көне.

Хезмәттәшебезне юбилее белән котлап, район мәгариф бүлегенннән Кәлимуллина Зөлфия Рифовна да килде.

Туган көнең котлы булсын,

Тыныч үтсен көннәрең.

Язлар кебек наз китерсен

Җәйләрең һәм көзләрең.

Гомер буе хәсрәт күрми,

Аяз булсын  күкләрең.

Шатлык нуры чәчеп торсын

Елмаюлы күзләрең.