Табигать без теләгәнчә булмаса да,  күңелләрне төшермибез, Яңа ел бәйрәменә хәзерләнәбез. Укучылар классларны бизәделәр. Нинди генә мөмкинлекләр юк бит!  Класс  бүлмәләре  сихри дөньяга охшап калды! 

6 нчы класс укучылары һәм аларның класс җитәкчеләре Гаффарова Д.В.1 нче класс укучыларына "Табигать-тиңсез хәзинә"исемле ачык чара күрсәттеләр. 6 нчы класс укучылары , балалар оешмаларында вожатый  буларак, кыш бизәге булган  чыршы ясау буенча мастер-класс оештырдылар. 

"Коррупциягә каршы көрәш” айлыгы кысаларында мәктәптә төрле чаралар үтә . Китапханәче Сәгъдиева Х.К укучыларга белешмә сәгате уздырды. 9-11 нче класс укучыларына “Сез кррукциягә ничек карыйсыз?” исемле анкета сораулары таратылды. Җаваплар буенча әңгәмә корылды. Ә менә 9 нчы класс укучысы Гаффарова Әнисә һәм Мөндеш башлангыч мәктәбенең 3 нче класс укучысы Хөсәенова Фирүзә  Республика буенча игълан ителгән  укучылар иҗаты конкурсының муниципаль этабына үз эшләрен тапшырдылар.

Республика буенча  яктылык  бүләк итүчеләрне  зурлау, хөрмәтләү темасына   укучылар иҗаты  конкурсы игълан ителгән иде. 9 нчы класс укучысы Гаффарова Әнисе әлеге конкурска “Лампочка турында төш” исемле  шигырен юллады һәм җиңү яулады. Җитәкчесе  Фазылҗанов Г.Г. белән берлектә алар 17 нче декабрь көнне Казан шәһәрендә оештырыласы җиңүчеләрне бүләкләү тантанасында катнашачаклар. Афәрин Әнисә!

Тиздән Яңа ел бәйрәмнәре җитәр. Бәйрәм булгач, аны күңелле итеп үздырырга да кирәк бит. Әзерлек эшләре дә бик күп: кардан сыннар ясарга, классларны бизәргә, елка уенчыкларын барларга, булмаганнарын булдыру өстендә эшләргә, ярты елга йомгак ясап, газеталар чыгарырга... Санап бетергесез эшләр көтә алда. Тик шулай да барысы  үзебез өчен, күңелле булсын инде ул. Башлап йөрүчеләр  - үзебез- укучылар. Һәр класска эш бүлеп бирелде. Инде кар сыннары ясый да башладык.

11 нче класс укучылары  рус теле буенча булган белемнәренең ныклыгын сыныйлар . 2 нче декабрь көнне алар, бврлык укучылар белән берлектә, сочинение яздылар. Укучыларга үзләре көткән нәтиҗәләр телибез. 

1 нче декабрь-Бөтендөнья СПИДка каршы көн буларак игълан ителгән. 8 нче класс җитәкчесе Исмәгыйлева Г.А., укучыларның яшь үзенчәлекләрен искә алып, класс сәгатендә әңгәмә оештырды. Бүгенге көндә сәламәт тормыш рәвешен пропагандалаучы  "Мөстәкыйль балалар" проектында катнашучылар буларак, 8 нче класс укучыларына бу көннең бөтендөнья күләмендәге урынын аңлатты. Укучылар белән видеороликлар каралды. 

6 нчы класс укучысы Нәбиуллина Камилә Җиңүнең 70 еллыгы уңаеннан  "Сабантуй" газетасы һәм Арча укучылар сарае оештырган иҗади эшләр конкурсында катнашкан иде.Үз хезмәте белән 1 нче дәрәҗәле дипломга ия булды сәләтле укучыбыз.   Ул җитәкчесе белән бергә  җиңүчеләрне бүләкләү тантанасында катнашып кайтты.  Үз яшьтәшләре белән очрашып, мәртәбәле балалар язучылары кулыннан бүләк алу анда тагын да зуррак иҗади омтылышлар тудырыр дип ышанып калабыз.