Балалар оешмаларының эшчәнлеген тормышка ашыру максатында,  республика буенча "Ватан сагында" исемле рәсем конкурсы игълан ителде. Бу конкурста башлангыч класс укучылары бик актив катнаштылар. Иң яхшы рәсемнәр сайлап алына, район Укучылар сараенда үтәчәк икенче турга тапшырыла. 

10 нчы класс укучысы Хәбибуллин Илмир  бүген олимпиадаларга әзерләү буенча Республика үзәгенә экономика фәненнән  укулар узарга китте.

Әдәбият елын инде йомгакладык. Нәтиҗәләр чыгарыр вакыт та җитте. Китапханәче Халисә Камилевна "Иң күп китап укучы", "Иң күп китап укучы класс", "Иң кечкенә китап укучы бала" номинацияләре буенча җиңүчеләрне билгеләде.   Бүген  китапханә    балалар бакчасына йөрүче нәни  кунакларны үзендә кабул итте. Балалар китап белән куллану кагыйдәләрен тыңладылар.

Бүген 11 нче класс укучылары математика һәм рус теле фәне буенча фән укытучыларыннан  консультацияләр ала.

Заместитель директора по учебной работе Закирова Лилия Ахатовна заняла III место в соревнованиях по шашкам среди членов профсоюза учреждений образования Арского района РТ. Поздравляем!

4 нче ноябрь көнне безнең мәктәптә профсоюзларның чираттагы ярышы узды. Укытучылар һәм хезмәткәрләр шашка, шахмат буенча  көч сынаштылар. Әлеге чарада Курса разъезды, Урта Курса, Иске Чүриле, 5 нче гимназия, үзебезнең мәктәп укытучылары, 1нче балалар бакчасы тәрбиячеләре катнашты.   Безнең мәктәп укытучылары арасында шашка буенча Закирова Л.Ә -1 нче урын, Хәбибуллин Р.Р.-3 нче урын, шахмат буенча Фазылҗанов Г.Г.-3 нче урынга ия булдылар.

Бүген бездә профсоюз оешмасы членнарының балалары өчен елка бәйрәме оештырылды. Балаларның күңелен күрүчеләр - үз укучыларыбыз. 9 нчы класс укучысы - Хәсәнова Зөлфия, 10 нчы класс укучылары-Шиһабиева Энҗе, Рәхимҗанова Рәзилә, Хәбибуллин Илмир. Хезмәткәрләрнең балаларына шундый матур бәйрәм оештырган өчен, профсоюз рәисе Мәннанова Лилия Равил кызына зур рәхмәтебезне җиткерәбез!

Бүген бездә 2 нче чирек нәтиҗәләре буенча педагогик совет утырышы узды. Педагогик советта 2нче чирек нәтиҗәләре буенча сыйныф җитәкчеләренең анализы тыңланды, укучыларның яртыеллык буенча  уңышлары турында мәгълүматлар җыелды. "Яңа технологияләргә нигезләнеп укучыларның белем сыйфатын һәм иҗади сәләтләрен үстерү" темасына Рәхмәтуллина А.А. чыгыш ясады. Фикер алышуларда Шакирова Г.К., Әскәрова Р.Ә., Муллагалиева Г.Н. катнашты.    Мәктәп директоры Ибраһимов А.Р. мәктәпнең республикакүләм тәҗрибә мәйданчыгын оештыру турында сөйләде. 

Башлангыч  сыйныф укучыларының Яңа ел бәйрәмен каршылау кичәләре ел да бик яхшы үтә. Укучыларның сәхнә осталыгын үстерүдә Сабирова Р.Г., Хәйретдинова В.Р., Шиһабиева Л.Р. күп көч куя.  Музыкаль бизәлеш өчен үзләрендә җаваплылык тоеп эш иткән Сәнгать мәктәбе җитәкчеләре Харисов Рәдис Рафисовичка , Чулпан Фердантовнага һәм балаларын шушы бәйрәмгә хәзерләгән ата-аналарга зур рәхмәтебезне җиткерәбез! Яңа ел барыбызга да тынычлык, гаилә иминлеге һәм сәламәтлек алып килсен!