Бүген барлык мәктәпләрдә дә беренче зур өмә оештырылды. Башлангыч класс укучылары бигрәк тә актив булдылар. Алар бар тырышлыкларын куеп эшләделәр.

12 нче апрельдә Казан шәһәре "Пирамида" күңел ачу үзәгендә Татарстан Республикасы Мәгариф һәм фән министрлыгы , язучылар берлеге "Илһам" бөтенроссия яшь язучылар бәйгесенең җиңүчеләрен билгеләү тантанасын уздырды. Безнең мәктәптән 9 нчы класс укучылары Хәсәнова Зөлфия драматургия өлкәсендә III дәрәҗәле премиягә, Гаффарова Әнисә шигърият өлкәсендә җиңүче дипломына лаек булды. Укучыларыбыз күренекле фән эшлеклеләре, олпат язучыларыбыз, сәнгать әһелләре белән якыннан очрашу, аларның үткен фикерләрен тыңлау бәхетенә ирештеләр. Укучылар өчен экскурсиядә катнашу мөмкинлеге дә тудырылган иде. 

Бүген Арча педагогия көллиятендә укучылар һәм студентларның IX муниципаль фәнни-практик конференциясе узды. Бу чарада безнең укучыларыбыз да актив катнашты. 6 нчы класс укучысы Җиһаншина Дилбәр III дәрәҗәле җиңүче дипломына, 9 нчы класс укучысы Шәяхмәтова Сафия "Теманың актуальлеге" номинациясендә җиңүче дипломына ия булды(җитәкчеләре математика фәннәре укытучысы-Әскәрова Р.Ә).

Сәнгать мәктәбенең филиалына йөрүче укучылар музыкаль уен коралларында уйнау осталыгын көннән-көн үстерәләр. Харисов Айбулат, Ситдиков Булат һәм Гыйлаҗиев Рамил безне чираттагы уңышлары белән сөендерделәр. Алар "Уйна, гармун, моңлан, курай!" район укучылары иҗат конкурсында һәм "Арча ягы-данлы Тукай ягы" республика конкурсында җиңүче булдылар(Җитәкчеләре-Харисов Р.Р.)

Бу атнада "Изге эшләр" атналыгы узды. Бүген 7 нче класс укучылары үзләренә беркетелгән    Бөек Ватан сугышында һәлак булганнарга куелган һәйкәл тирәсен җыештырдылар. 6 нчы класс укучылары мәктәп тирәсен чүптән арындырды. Балангыч сыйныф укучылары "Изге сүзләр " көне оештырдылар.

Бүген Әтнә районы Комыргуҗа урта мәктәбендә  укучы һәм укытучыларның фәнни-гамәли конференциясе узды. Конференция үз эшен 6 секциядә алып барды. Чыгышларны республикабыздан килгән мәртәбәле кунакларыбыз, тарихчы-галимнәр, язучылар, дин әһелләре бәяләде. Безнең мәктәптән конференциядә география укытучысы Гаффарова Д.В., Барыева Эльвина чыгыш ясады. Гаффарова Д.В. III дәрәҗәле җиңүче дипломына лаек  булды. Эльвина өчен бу зур чара беренче чыныгу булды, ул катнашучы сертификатын алды. Аның чыгышын Рабит Батулла тыңлады, тарихчы буларак,  үз киңәшләрен бирде. 

Бу чарага ТНВ каналының "Татарлар" тапшыруыннан репортерлар да килгән иде. Эльвина аларга конференциягә  хәзерләнү барышында алган беренче тәҗрибәләре  турында интервью бирде. Бу хакта сез 11 нче апрельдә, ТНВ каналында чыгачак "Татарлар" тапшыруын карап, күбрәк белә аласыз. 

Районыбызда сөекле шагыйребез Габдулла Тукайның  130 еллык юбилеена багышланган  бәйгеләр дәвам итә. Бүген, 6 нчы апрель көнне, Габдулла Тукай исемендәге Ашытбаш урта мәктәбендә,  “Тукай төрле телләрдә яңгырый” дигән бәйгенең нәтиҗәләре  ясалды. Бу бәйгедә безнең  мәктәбезнең  7 нче класс укучысы Арсаева Чулпан белән (җитәкчесе Йосыпова Р.К.)  “Ядкәрләрдә Тукай рухы” дип аталган  шигыре  2 нче турга үтеп, 2 нче дәрәҗәдәге дипломга лаек булды.  Чулпанга киләчәктә дә иҗади уңышлар теләп калабыз.

6 апреля в МБОУ «Нижнеметескинская СОШ» проведена  акцию «Будь готов! Скажи нет!» . Участника проекта в назначенное время выходили на  центральную улицу с плакатами на антинаркотическую тему и символикой проекта. Члены  отряда UPS провели с жителями деревни  викторину «Знаешь ли ты закон?»  объясняли прохожим , что любые действия с наркотиками являются уголовно наказуемо . Потом они раздали всем участникам извлечения из закона, буклеты. Результатом проведения акции является  собранных 42 подписей.

Бүген бездә ТНВ каналының "Мәктәп " тапшыруы кунакта булды. Укучылар репортёрларга мәктәп тормышы, безнең мәктәпнең традицияләре, уңышлары турында интервью бирделәр, ә укытучыларыбыз дәрес элементлары күрсәттеләр. 

       Кошларны каршылау көне булачагы алдан хәбәр ителгән иде инде. Мәктәбебезгә “Ашыт” Дәүләт табигый заказнигыннан мохитне саклау буенча  инспекторлар Әхмәтҗанов Рәшит Зиннурович һәм Габдрахманова Гөлнара Ильясовна   кунакка килде. 1-8 нче сыйныф укучылары арасында үткәрелгән “Иң яхшы сыерчык оясы” конкурсына нәтиҗә ясалды.   Башлангыч сыйныф укучылары Заһидуллина Гөлфинә һәм Азалия җиңүче булдылар һәм грамота белән бүләкләнделәр. Калган укучыларга да грамота һәм рәхмәт хатлары тапшырылды. 5 һәм 6 нчы сыйныф укучылары арасында үткәрелгән КВН да бик күңелле узды. Кошлар турында иң күп белүче 5 нче сыйныф укучылары 1 нче урынга, 6 нчы класс укучылары 2 нче урынга лаек булды. Рәшит Зиннурович һәм Гөлнара Ильясовна КВНда катнашкан укучыларга, мохитне саклау буенча үткәрелгән чараларда актив катнашканнары өчен, грамоталар һәм истәлекле бүләкләр тапшырды. Укучылар белән эшне оештыручы химия-биолгия укытучысы Маннанова Лилия Равилевна һәм география укытучысы Гаффарова Дамира Вакиловна Татарстан Республикасы урман хуҗалыгы министрлыгының “Ашыт” Дәүләт табигый заказнигы дипломы белән бүләкләнде.