"Дуслык" ял лагере Россия көнен каршылау буенча үз эшчәнлеген дәвам итә . Көннең беренче яртысында малайлар белән мини футбол оештырылса, икенче яртысында отрядта эш дәвам итте. Укучылар Россия символлары турында сөйләштеләр. Аннары алар матрешкалар ясадылар. Иң оста ясаучыларны сез фотода күрәсез.

Бүген "Дуслык" ял лагерена йөрүчеләр Г.Тукай музей-комплексында экскурсиядә булдылар. Г. Тукайның тормыш юлына күзәтү ясалды. Тукай турында матур истәлекләр тыңланды.

10 -12 нче июньдә безнең укучылар Фазылҗанов Адель, Фазылҗанов Ришат, Гайнетдинова Илзия, Рәхимҗанова Айзирә, Гыйбадуллина Илүзә һәм аларның җитәкчеләре Җәләлиев Илфат Илсурович Балтачта булачак Республика буенча туризм ярышында катнашачаклар.Ярыш Кара күл буенда булачак. Безнең районнан Лесхоз һәм Арчаның икенче мәктәбеннән дә укучылар бар. Без аларга зур уңышлар телибез.

Бүген укучылар Россия көнен уңаеннан төзелгән күргәзмәдә катнаштылар. Россия турында композиторлар язган җырларга тукталдылар. Аннары Россия шәһәрләре турында төзелгән интерактив китап аркылы("Юная Россия)" мультфильмнар карадылар

Бүген лагерьга йөрүче укучылар" Россия көне" планы буенча төркемнәрдә Россия флагы аппликациясе ясадылар. Аппликация ясау техникасын вожатыйлар Потехина Л.А. һәм Йосыпова Р.К. өйрәтте.

Бүген лагерьда тәрбияләнүче 20 бала үз җирлегебездә урнашкан халыккка дини яктан белем бирүче изге урын, мәчеттә, экскурсиядә булдылар. 

Арча районы халыкны эш белән тәэмин итү бүлеге аркылы 10 укучыга хезмәт лагеренда эшләү мөмкинлеге тудырылды. Укучылар мәктәпнең тәҗрибә участогындагы яшелчәләрне тәрбияли, дару үләннәре җыя, территорияне төзекләндерүдә катнаша.

1 нче июнь - балалар хокукын яклау көне буларак билгеләп үтелә. Бу бәйрәм безнең мәктәптә башка еллардан үзенчәлеклерәк үтте. Укучылар төрле станцияләрдә билгеләнгән 15 минут вакыт эчендә үз белемнәре буенча көч сынашып чыктылар. "Асфальтта рәсемнәр", "Спорт-сәламәтлек", "Туган як", "Биергә яратабыз", "Җырлыйк әле!", "Тел дигән дәрья бар". Һәр станциягә укучылар Советыннан 1 җаваплы укучы билгеләнде. Алар 10 нчы класстан, укытучыларга ярдәмгә килделәр.  Ярыш нәтиҗәләре буенча 5, 6 нчы класс укучылары җиңүче булдылар. Көннең икенче өлешендә ел дәвамында иң актив булган, "5" ле билгеләренә генә укыган, бер дә дәрес калдырмаган укучыларга рәхмәт хатлары тапшырылды.  

Сегодня участники проекта "Самостоятельные дети" провели акцию "Россия без табака". Устанавливали  плакаты с антитабачной символикой , проводили разъяснительную работу с прохожими, рассказывали им о пректе.  Участники проекта с прохожими   подписали однодневный контракт об отказе от сигарет Прохожие завязали на дереве ленточки  голубого цвета. Голубая лента символизирует чистый воздух. Завязанных голубых ленточек  на дереве - 21. 

Бүген 4 нче чирек нәтиҗәләре буенча педагогик совет утырышы үткәрелде. Көн тәртибендә түбәндәге мәcьәләләр каралды:

- 4 нче чирек нәтиҗәләре, алда торган бурычлар;

-киләсе уку елында укытучыларның тарификацион эш бүленеше, җәйге ялларын оештыру;

-җәйге чорда мәктәпнең эксперимент мәйданчыгы буенча башкарасы эшчәнлеге;

-"Куркынычсыз җәй"-балалар, ата-аналар арасында элемтәне ныгыту.