Туган телгә мәхәббәт тәрбияләү бик авыр.  Сөйләм телен, туган телне үзләштерүнең төп чарасы – сыйныфтан тыш эшләр. Бу чаралар вакытында укучылар үзләрен иркенрәк тота, укытучы белән укучы якыннан аралаша. Туган телгә, халык җырларына багышланган бәйрәмнәр, жырлы-биюле уеннар балалар һәм ата-аналар күңелендә онытылмас эз калдыра. Без мәктәбебездә туган телгә багышланган чараларны шул максаттан чыгып оештырылды.

     19 гыйнвар көнне татар теле һәм әдәбият укытучысы Нигматуллина Л. С. “Туган телем-иркә гөлем” дип аталган  класстан тыш чара үткәрде.Чараның  максаты  туган телебезгә карата балаларда кызыксыну һәм мәхәббәт тәрбияләү; татар халык авыз иҗаты әсәрләрен белү күнекмәләрен тикшерү; бәйләнешле сөйләм телен үстерү. 

Татарстан Республикасының Хезмәт, мәшгульлек һәм социаль яклау министрлыгы ел саен мәктәп укучылары арасында “Киләчәккә билет” исемле сочинениеләр конкурсы үткәрә. Бу конкурста безнең укучыларыбыз  да актив катнаша. Бадретдинова  Айгөл(7 класс),Гайнуллина Гөлзилә(8 класс),Габдрахманов Райхан( 8 класс) Арчаның Хезмәт, мәшгульлек һәм социаль яклау үзәгенең грамотасы белән бүләкләнделәр.Гумеров Алмаз Арчаның Хезмәт, мәшгульлек һәм социаль яклау үзәгенең рәхмәт хаты белән бүләкләнде.

Укучыларны уңышлары белән котлыйбыз.

16 январь көнне Яңа Кенәр урта мәктәбенең спорт залында яшүсмерләр арасында район җитәкчесе призына көрәш буенча ярыш үтте.Ярышлар районның татарча көрәш федерациясе җитәкчесе  Ринат Алиев җитәкчелегендә үтте.Үз үлчәүләрендә мәктәпнең 7 Б класс укучысы Аяз Салихов -3 урын,6 Б класс укучысы Радик Лотфуллин -3 урын,8 Б класс укучысы Азат Хамзин-2 урын,8 Б класс укучысы Салават Мостафин -3 урынны алдылар.Аларны чын күңелдән җиңүләре белән котлыйбыз.Киләчәктә уңышлар телибез. Командалар арашында Шушмабаш мәктәбе беренче урынны алды.Тренеры Зөлфәт Хайруллин.Икенче урынны Яңа Кенәр мәктәбе алды.Тренеры Илгиз Салихов.Өченче урында-Сеҗе мәктәбе командасы.Тренеры-Марат Әхмәдиев. Җиңүчеләрне район башкарма комитеты җитәкчесе Илшат Нуриев,республиканың татар-башкорт  көрәш федерациясе җитәкчесе Равил Хайруллин котлап ,бүләкләр тапшырдылар.

Яңа Кенәр урта мәктәбендә әти-әниләр өчен ачык ишекләр көне үткәрелде. Көн дәвамында әти-әниләр дәресләргә килеп, үзләренең балаларының ничек укыганнарын,дәрестә үз-үзләрен тотышларын карап,класс җитәкчеләре,фән укытучылары белән сөйләшеп киттеләр.

Хөрмәтле Илсия Мәхмүтовна!

Сезне чын күңелдән матур бәйрәмегез - 50 яшьлек юбилеегыз белән котлыйбыз.Бүген гомер мизгелеңнең матур бәйрәме,хатын-кызның акыл туплаган,асыл,иң күркәм чоры.Киләчәктә дә сәламәтлек,җан тынычлыгы,яңадан-яңа куанычлар,мул тормыш,ныклы сәламәтлек,эшеңдә уңышлар гаилә бәхете,шатлыклыр телибез. 

Сиңа насыйп булган бәхет, шатлык,  
Якты көннәр мәңге үтмәсен. 
Сәламәтлек - ярты бәхет, диләр, 
Шунысы бигрәк читләп үтмәсен. 
Бәхет чишмәләрең мул аксын, 
Зур шатлыклар белән таң атсын. 

15 январь көнне Яңа Кенәр урта мәктәбендә ата-аналар җыелышы булды.1-8класслар,10 класс укучыларының әти-әниләре өчен җыелышлар аерым үткәрелде.Ә 9,11 класс укучыларының әти-әниләре өчен аерым җыелыш булды.Бу җыелышта район мәгариф идарәсенең әйдәп баручы белгече Гатауллина Лилия Мәхмүтовна катнашты.Җыелышта ЕГЭ,ОГЭ турында сөйләшенде.Математикадан ЕГЭ га әзерләнү,аның авырлыклары турында математика укытучысы Тухватуллина Л.Р. чыгыш ясады.Рус теле фәненнән ЕГЭга ,ОГЭ га әзерлек буенча рус теле укытучысы Гайнетдинова З.Р. чыгыш ясады.Математикадан ОГЭ га әзерлек буенча математика укытучысы Мустафина Г.Г. чыгыш ясады.Алар әти-әниләрне ЕГЭ.ОГЭ да булачак авырлыклар белән таныштырдылар.9 класс укучылары имтиханнарны видеокүзәтү астында бирәчәкләре турында әйтелде.Имтиханнарга кадәр тагын 4 ай вакыт бар,шул вакыт эчендә ОГЭ,ЕГЭны яхшы итеп тапшыру өчен бик нык тырышырга кирәклеге ассысызыклап үтелде. 

Озын-озакка сузылган кышкы  каникуллар тәмамланды.Бүген өченче чирек башланды.

Барлык укытучыларга һәм укучыларга да уңышлар телибез.

Бүген  мәктәптә педагогик совет утырышы булды.Утырышта  икенче чирек ,беренче яртыъеллык нәтиҗәләре,ЕГЭ,ОГЭ га әзерлекнең торышы турында сүз алып барылды.Икенче чирек нәтиҗәләре буенча укыту эшләре буенча директор урынбасары Гарипова Р.К. чыгыш ясады.Ул икенче чиректә белем сыйфатындагы үзгәрешләргә басым ясады,укучыларның  күп дәрес калдырулары турында әйтеп китте.Шулай ук ЕГЭ әзерлек буенча математика укытучысы Тухватуллина Л.Р. һәм  рус теле укытучысы  Гайнетдинова З.Р. үзләренең тәҗрибәләре белән уртаклаштылар.

Төрле уеннар уйнап,ярышларда катнашып, чана,чаңгы шуып каникулның үткәне сизелмәде дә.Бүген дә укучылар  мәктәпнең спорт залына җыелдылар.Алар командаларга бүленеп волейбол уйнадылар.

Бүген  мәктәптә сайлап алу  фәннәре буенча ресурс үзәк эшләде.

Укытучылар Самигуллин Т.Ф.,Марданова Н.А., Садикова Н.К.,Нигметзянов А.Д. физика,химия.биология,информатика фәннәреннән укучыларны имтиханнарга әзерләделәр.Имтиханнарга әзерләнергә Яңа Кырлай урта мәктәбе укучылары да килделәр.Ресурс үзәкнең эше киләчәктә дә дәвам итәчәк.