2015 ел РФ Президенты Владимир Путин указы буенча  Россиядә Әдәбият елы дип игълан ителде.Шул уңайдан Яңа Кенәр балалар китапханәсендә "Тамчы" дип аталган әдәби түгәрәк эшли башлады.

Түгәрәккә иҗади сәләтле балалар йөри. Китапханәче Газизова Суфия апа укучыларны "Яшъ талантлар үсә"дип аталган шигырь кичәсенә чакырды. Укучылар "Тамчы" түгәрәгенең эшчәнлеге белән таныштылар.Талантлы укучыларның шигырьләрен тыңладылар,күренекле шагыйрьләр турында сөйләштеләр.

Суфия апа укучыларга Бөек Җиңүнең 70 еллыгына багышланган рәсем,шигырь,хикәя конкурслары башланганын әйтте,укучыларны конкурсларда катнашырга чакырды.

29 январь көнне Бөек Җиңүнең 70 еллыгына багышланган "Батырлар эзсез югалмас.." дип исемләнгән тәрбия  сәгатьләре үтте.Дәрескә һәр класс җитәкчесе Бөек Ватан сугышы геройлары  турында чыгыш әзерләгәннәр иде.Алар укучыларны якташ геройлар белән таныштырдылар.Герой исеме ни өчен бирелгәнлеген аңлатып киттеләр.

Сугыш вакытында кешеләрнең батырлыкларын бернәрсә белән дә бәяләп бетерерлек түгел.Хәзерге һәм киләчәк буын моны онытмасыннар иде.

11 класс укучылары өчен бик тыгыз вакыт. Алда ЕГЭлар.ЕГЭларга әзерләнү барлык укучыларга җиңел бирелми.Кайберләре үзләрен тыныч тотса да ,бик нык курыккан укучылар да бар.Мондый вакытта укучыларга психолог киңәше бик кирәк.

11 класслар белән очрашу өчен без мәктәпкә "Өмет" тернәкләндерү үзәге психологы Гарифуллина Ф.Г.чакырдык.Ул укучылар белән аралашты,аларның үз-үзләрен ничек тотуларын билгеләү өчен тест эшләтте.Экзаменнар алдыннан үзеңне ничек тотарга кирәклеген аңлатты,киңәшләр бирде.Бу психологик ярдәм укучыларның үз-үзләренә ышанычларын арттырыр дигән өметтә калабыз.

Авыл китапханәсе һәм мәктәп һзәрвакыт тыгыз элемтәдә тора.Бүген китапханәчеләр җәмгыять фәне укытучысы Сагедиев Р.Д. белән берлектә 9 класс укучылары өчен  "Без һәм закон"дигән интеллектуаль  уен 

үткәрделәр.Укучылар законнар турында үзләренең белемнәрен күрсәттеләр.Яшүсмерләргә кагылышлы закон бозу очракларын карап киттеләр.Уенны оештыручылар   өлкәннәр өчен бернинди җәза бирелми торган кайбер гамәлләр,яшүсмерләр өчен бик кыйммәткә төшәргә мөмкинлеген ачык күрсәттеләр. 

Бөек Җиңүнең 70 еллыгына багышланган чаралар уздыру дәвам итә.Бүген һәр класс җитәкчесе  герой шәһәрләргә багышланган тәрбия  сәгатьләре уздырдылар. Алар укучыларны Бөек Ватан сугышында герой исеме бирелгән шәһәрләр белән таныштырдылар.Бу шәһәрләрнең ни өчен герой-шәһәрләр дип атап йөртелгәннәрен аңлаттылар.Шулай ук алар сугыш вакытында халыкның ничек яшәгенлеген,нинди авыр шартларда эшләгәнлекләрен дә әйтеп киттеләр.Бу тәрбия чарасы укучыларга сугыш чорындагы авырлыкларны  күзалларга ярдәм итте.

23 январь көнне Шушмабаш урта мәктәбенең башлангыч класс укучылары Яңа Кенәр урта мәктәбенең актлар залында   "Көлсылу" әсәре буенча буенча куелган спектакль күрсәттеләр.Спектакль бик эчтәлекле,күңелле булды,укучылар бик яратып карадылар .Шушмабаш урта мәктәбе укучылары сәхнәдә үзләрен чын артисларча тоттылар.Һәрбер укучы үзенә бирелгән рольне бик оста башкарды.

 Кечкенә артисларга киләчәктә зур уңышлар телибез.

4 нче Б сыйныфы  укучылары 1нче һәм 2 нче Б сыйныфы укучыларына Г.Корбановның "Аю булу кыенмы?"китабы буенча чыгыш күрсәттеләр.Табышмаклар әйттеләр,төрле хайваннар роленә кереп,шигырьләр сөйләделәр.Бу аралашу бик күңелле үтте.

"Безнең җиңү!" акциясе кысаларында мәктәптә Бөек Җиңүнең 70 еллыгына багышланган  стенд эшләнде.Стендта сугыш ветераннары,тыл ветераннары белән очрашу мизгелләре,сугыш ветераннарын бәйрәм белән котлау,тимурчылык эше чагылдырылган.

Мәктәптә Бөек Җиңүнең 70 еллыгы уңаеннан "Безнең җиңү!" акциясе старт алды.Акция кысаларында  укучылар сугыш геройларына куелган һәйкәлләрнең чисталыгын  карап ,карын көрәп,юлларын чистартып торалар.