8 март бәйрәме уңаеннан Яңа Кенәр урта мәктәбенең 2-4 класс укучылары "Әнием-күз нурым "дип аталган кичә үткәрделәр.Бәйрәмдә укучылар әниләргә багышлап матур җырлар,күңелле биюләр башкардылар.Әниләргә,  әбиләргә,дәү әниләргә багышланган шигырьләр сөйләделәр. Үзләре ясаган бүләкләр ясаган бүләкләр тапшырып,әниләрен сөендерделәр.Бәйрәм бик күңелле үтте.

Әни, әнием,әнкәй! Кадерләп, назлап әйтәбез, күңелебездәге бөтен рәхмәтне шушы гади сүзгә салабыз, һәрвакыт яныбызда булган, уңышларыбыз өчен шатланып, кайгыларыбызны уртаклашып яшәгән газиз әниебезгә дәшәбез.

  7 март көнне Сөрде башлангыч мәктәбе укучылары да әниләрен мәктәпкә бәйрәмгә чакырдылар.Укучылар әниләрен язның иң матур бәйрәме белән котладылар,матур җыр-биюләр бүләк иттеләр,үз куллары белән ясалган бүләкләрен тапшырдылар.Балаларының үз куллары белән ясалган бүләкләре әниләр өчен аеруча кадерле.

                             Бәйрәмегез котлы булсын,

Языгыз шаулы булсын,

Йөзләрегез нурга тулсын,

Кояштай балкып торсын.

                              Тагы гүзәлрәк таңнар

Уянсын туган җиргә.

Әниләр! Кояш Гомере

Телибез бүген сезгә!

6 март көнне Яңа Кенәр урта мәктәбендә 9 класс укучылары математика фәненән сынап карау имтиханы тапшырдылар.Имтиханга барлыгы  мәктәптән 170 укучы килгән иделәр.Аларга чын имтихан тапшыргандагыча шартлар булдырылды:һәрберсенә аерым урын,  кабинетларга төрле мәктәп укучылары белән аралаштырып  кертү.Бу сынап карау имтиханын тапшыру  укучыларда  җаваплылыкны арттыра. 

5 март көнне Яңа Кенәр урта мәктәбендә 5-8 класс кызлары арасында "Ягез әле,кызлар" конкурсы үтте.Конкурста 5-8 класс кызларыннан торган ике команда көч сынашты.Кызлар төрле яктан үзләренең осталыкларын күрсәттеләр.Җырладылар,биеделәр,матур чәчәк букеты эшләделәр. Конкурста "Улыбка" командасы җиңүче булды.Кызларны чын күңелдән җиңүләре белән котлыйбыз.

Бөек Җиңүнең 70 еллыгын каршылау планы нигезендә  Яңа Кенәр урта мәктәбе филиалы булган Кзыл-Яр башлангыч мәктәбендә "Аҗаган-2015" уены үткәрделәр. Уенда 3-4 класс укучылары ярышты.Алар шуышып барып иптәшләрен дә алып чыктылар,граната ыргыту буенча осталыкларын күрсәттелә,яшерелгән флагны эзләп таптылар,"окоп" казыдылар.Иң күп очконы Бакиев Камил һәм Ахматсалихов Адел җыйдылар.

Яңа Кенәр урта мәктәбенең 1-11 класс укучылары  инглиз теле фәненнән  олимпиадада катнаштылар.Инфоурок проекты буенча оештырылган  дистанцион олимпиадада катнашкани укучылар   беренче,икенче,өченче дәрәҗә диплом белән һәм катнашкан өчен сертификат белән бүләкләнделәр.Укучыларны һәм укытучылары Самигуллина Фәридә Ахматхасановнаны чын күңелдән котлыйбыз һәм киләчәктә уңышлар телибез.

Бөек Җиңүнең 70 еллыгын каршылау планы нигезендә Яңа Кенәр урта мәктәбе филиалы Югары Оры башлангыч мәктәбендә Батырлык атналыгы үтте.Укучылар герой-шәһәрләр буйлап сәяхәт иттеләр,Аҗаган уены уйнадылар,герой-шагыйрь Муса Җәлилгә багышланган КВН да көч сынаштылар.Шулай ук тыл ветераны  Марданов Альтаф абый белән очраштылар.Альтаф абый Югары Оры авылында исән калган ике тыл ветеранының берсе. Ул укучыларга сугыш вакытындагы авырлыкларны ,ничек итеп җир эшкәрткәннәрен,иген иккәннәрен сөйләде. атларны сугышка алып китеп бетергәч үгезләр җигеп эшләргә туры килгән тылда эшләүчеләргә.Укучылар Альтаф абыйга узләрен кызыксындырган сорауларын бирделәр һәм  аның өчен матур җыр һәм биюләр күрсәттеләр.
Тыл ветераны Альтаф абый Мәрдәнов белән очрашу укучыларның күңелендә тирән эз калдырды.

  Март аенда “Бөек Җиңүнең 70 еллыгына  - 70 бишле” һәм “Бөек Җиңүнең 70 еллыгына  - 70  оя” акцияләре старт алды.

     Кадерле укучылар, әлеге акцияләрдә актив катнашыйк! 

Яңа Кенәр урта мәктәбе филиалы булган Югары Оры башлангыч мәктәбенең 3-4  класс укучылары инглиз теле фәненнән  олимпиадада катнаштылар.Инфоурок проекты буенча оештырылган  дистанцион олимпиадада Фазуллина Динә(4 кл.)-икенче дәрәҗә,Бадретдинов Алмаз(3 кл.)-беренче дәрәҗә,Ахметова Рәдинә(3 кл.)-өченче дәрәҗә  диплом белән бүләкләнделәр.Укучыларны һәм укытучылары Самигуллина Фәридә Ахматхасановнаны чын күңелдән котлыйбыз һәм киләчәктә уңышлар телибез.