Елның сихри фасылында - көз аенда татар халкы "Сөмбелә" бәйрәмен уздырган. Шимбә көнне мәктәптә халкыбызның онытыла башлаган матур бәйрәмен яңарту тантанасына җыелдык. Бу бәйрәмгә укучыларыбыз канатланып, бик тырышып әзерләнделәр. Әзерләнүләренең җимеше - бәйрәм уңышлы узды, килгән кунаклар да бик канәгать булып таралыштылар.  

Безнең Рифатыбыз (4 сыйныф укучысы) республикакүләм зона ярышында 2 нче урынны алып республикага чыкты. Рифат сиңа уңышлар телибез.

12 октябрь көнне КНИТУ "ГАЗЗ" командасын: Хаметшина З.М. ны, Сибатова А.Ш.ны , Гимаева Г.Ә. ны, Шамсетдинов З.Р. ны финалга чакырды.  Алар "Минем ачышым" номинациясендә өлкән группалар арасында 2 нче урынны алдылар. Укучыларыбызны һәм җитәкче Насыйхова Фәния Әсхат кызын җиңү белән котлыйбыз.

Авылдашыбыз Җәлилче А.Баттал һәм язучы С. Батталларның туганнан туган энесе Фәрит Баттал мәктәбебезгә очрашуга килде. Аның белән очрашу традициягә әйләнеп бара. Ул һәр елны сентябрь-октябрь айларында безнең укучыларны А. Батталга кагылышлы яңалыклар белән таныштыру өчен авылга кайта.  Аның белән очрашу һәрвакыт дулкынландыргыч һәм кызыклы уза.

Мәктәптә Укытучылар көненә багышланган бәйрәм узды. Бәйрәмне мәктәп директоры котлау сүзләре белән башлап җибәрде. Аннан соң, 7-11 сыйныф укучылары көче белән әзерләнгән Җ. Тәрҗемановның "Без театр уйныйбыз" исемле спектаклен карадылар. Спектакль уңышлы узды. Театрны сәхнәгә әзерләүче "Энҗе бөртеге" түгәрәге җитәкчесе Шамсетдинова Р.М. га һәм укучыларга уңышлар телибез.

Бадминтон ярышында 4 сыйныф укучысы Мустафин Рифат 3 нче урынны алып кайтты һәм республика зона ярышына чакырылды. Хәзер ул ярышка әзерләнә. Анда да уңышлар телибез сиңа Рифат.

Укытучым!

Юлларыңа гөлләр сибелсен,

Йөзләреңнән шатлык сирпелсен.

Бәхет килсен йөге белән.

Изгелегең, үзеңә кайтсын меңе белән!

                                Мәктәп администрациясе һәм укучылар

Шимбә, ягъни 1 октябрьдә мәктәбебездә эшләп лаеклы ялга киткән укытучылар һәм хезмәткәрләребез  мәктәпкә бәйрәмгә чакырылды.  Алар өчен ял концерты һәм чәй өстәле оештырылды.

Узган якшәмбедә бистәбездә дүрт йөзләп кеше Бөтенроссия йөгерү көнендә катнашты. Безнең мәктәптән Бәйрәмов Х.Х., Насыйхова Ф.А., Шамсетдинова Р.М, Яруллин И.Н. һәм 9 укучы ярыштылар.

Бүген 1 сентябрь - Белем  бәйрәме. Бүгенге бәйрәм, мәктәп бусагасын беренче тапкыр атлап керүче 1 сыйныф укучылары өчен көтеп алган бәйрәмнәрнең берсе. Безнең  мәктәп быел берсеннән-берсе матур өч кызчыкны каршы алды. Бу көн күңелле, күтәренкә рухта үтте. Яңа уку елы һәркемгә шатлык-сөенечләр, "4"ле һәм "5"ле билгеләре генә алып килсен. Бәйрәм белән дуслар!

Бәйрәмнән соң беренче кыңгырау 69 укучыны 1нче дәрескә чакырды. Һәр сыйныфта экологик дәресләр узды. 3 сыйныфта узган ачык дәрестә кунакка килгән әти-әниләр катнашты. Дәреснең темасы: "Кешелек дөньясы алдында торган экологик проблемалар".