2 нче апрель көнне “Яшьлек” мәдәни үзәгендә “Мини-мисс Актаныш 2013” бәйгесенең финал ярышы үтте. Сайлап алу турыннан игътибарга лаек дип табылган 20 кыз бала бу көнне гүзәллектә, тапкырлыкта, сәхнә осталыгында көч сынашты.
Бәйгедә катнашучы кызларның һәммәсе дә нык әзерлек белән килгәннәр, һәммәсе дә җиңүгә лаек. Кызлар иң элек үзләре белән таныштырдылар, сәхнә осталыкларын күрсәтеп шигырь сөйләде, җырлады-биеделәр. Шулай ук, аларның сәхнәдә затлы күлмәкләрдән үзләрен тәкъдир итүләре дә бик килешле чыкты.
Бәйге булгач, анда җиңүчеләр дә була. “Мини-мисс 2013” исемен Актаныштан гимназия-интернатның 5а сыйныф укучысы Сөмбел Газизова яулады. Котлыйбыз!

Бүген гимназия-интернатның 11 нче сыйныф укучылары математикадан интернет-тест тапшырдылар.

Бүген гимназия-интернатта "III чирек нәтиҗәләре. Фәнни-эксперименталь эш кысаларында педагогларның профессиональ үсеш стратегиясе" исеме астында педсовет узды.

27-30 нчы март көннәрендә Казан шәһәрендә узган "Надежды Республики Татарстан" өстәл теннисы буенча республикакүләм ярышларда Солтанов Марат I нче урынны яулады. АФәрин Марат!

Бүген гимназия-интернатның 11 нче сыйныф укучылары рус теленнән интернет-тест тапшырдылар.

Гимназия-интернатның математика укытучысы Фәрдиева Регина Равил кызы Казан (Идел буе) дәүләт университеты белән берлектә Татарстан Республикасы Мәгарифне үстерү институты тарафыннан үткәрелгән "Математика һәм логика", "Алгебра" олимпиадаларында призер булды. Афәрин! 

1 - Бөтендөнья кошлар көне. Көлке көне.
2 - Халыкара балалар китабы көне.
5 - Татарстанның һәм Россиянең халык артисты, Татарстанның Габдулла Тукай исемендәге Дәүләт премиясе лауреаты Равил Шәрәфиевка 75 яшь.
7 - Геологлар көне. Бөтендөнья сәламәтлек саклау көне.
10 - Татарстанның һәм Башкортстанның халык артисткасы Гөлсем Исәнгуловага 75 яшь. Шагыйрь Кол Галинең тууына 830 ел.
12 - Бөтендөнья авиация һәм косманавтика көне.
15 - шагыйрь Мәхмүт Хөсәеннең (Мәхмүт Хафиз улы Хөсәенов) (1923-1993) тууына 90 ел.
17 - Композитор Заһидулла Яруллинның тууына 125 ел.(1888-1964).
18 - язучы, галим, тәнкыйтьче һәм педагог, ТР Г.Тукай исемендәге дәүләт бүләге иясе Ибраһим Зиннәт улы Нуруллинның (1923-1995) тууына 90 ел.
18 - шагыйрь һәм мәгърифәтче Таҗетдин Ялчыголның (1768-1838) тууына 245 ел.
18 - язучы, мәгърифәтче Закир Һадиулла улы Һадиның (1863-1933) тууына 150.
18 - Халыкара һәйкәлләр һәм тарихи урыннар көне.
21 - Татарстанның атказанган сәнгать эшлеклесе Равил Тумашевка 90 яшь.
22 - Язучы Марат Әмирхановка 80 яшь.
24 - Халыкара яшьләр бердәмлеге көне.
26 - Шигърият бәйрәме көне. Татар халкының бөек шагыйре Габдулла Тукайны искә алу көне.
29 - Халыкара бию көне.
30 - Янгыннан саклану хезмәткәрләре көне.

Яр Чаллы шәһәрендә узган дзюдо буенча "Олимпийский" спорт мәктәбе беренчелегендә 2000-01 нче елгы кызлар арасында 44 кг. кадәр авырлыкта гимназия-интернат укучысы Госманова Алия - 2 нче, 36 кг. кадәр авырлыкта Дәүләтова Илина 3 нче урынны яуладылар. Котлыйбыз!

Йөзү буенча район беренчелегендә гимназия-интернатның 3а сыйныф укучысы Галиев Алмаз 2 нче урынны яулады. Афәрин!

МетаШкола оешмасы уздырган "Устный счет" математик олимпиадада 7 нче сыйныф укучысы Ваншина Алия 1 нче дәрәҗә дипломга ия булды. Котлыйбыз!