Бүген гимназиянең 7 нче сыйныф укучылары КФУның Филология һәм сәнгать институты тарафыннан оештырылган рус теленнән "Категория состояния как часть речи" исемле онлайн видеодәрестә катнаштылар.

7 нче сыйныфта укучы Фаррахова Инзилә белән Минһаҗева Резеда 1998-2001 нче елгы кызлар арасындагы хоккей буенча республика беренчелегеннән алтын медальләр белән кайттылар. Котлыйбыз!

8б сыйныф укучысы Мөхәмметдинова Сөмбел (фотода уңда), Россия укучыларының VI Кышкы спартакиадасы кысаларында хоккей буенча ярышларда республика кызлар командасы составында чыгыш ясап, көмеш медальләр иясе булды. Афәрин Сөмбел!

3б сыйныф укучысы Солтанов Марат өстәл теннисы буенча район беренчелегендә 14 яшькә кадәр егетләр арасында 1 нче урынны яулады. Марат шулай ук өстәл теннисы буенча абсолют чемпион исемен йөртә.

Гимназия-интернат укытучылары 15 нче апрельдан башлап Казан федераль университеты галимнәре тарафыннан оештырылган "Современные подходы по работе с одаренными детьми в условиях поликультурного образовательного пространства" курсларында укуларын дәвам итәләр. Курслар дистанцион формада үтәчәк.

Авзалов Н.Г. истәлегенә багышланган 2005 елгы егетләр арасындагы хоккей ярышында Актаныш командасы составында уйнаучы гимназия-интернатның 3 нче сыйныф укучылары Хөрмәтуллин Таһир, Рәхимов Мансур 3 нче урынны яуладылар.

Гимназия-интернат директоры Ләйсән Фоат кызы Нурлыева 8-9 нчы апрель көннәрендә Мәскәү шәһәре "Интеллектуал" интернат-мәктәп базасында узган "Вышгород-2013" IX Укучыларның фәнни-эзләнү конференциясендә, "Укучыларның фәнни-тикшеренү эшчәнлеге проблемалары" исеме астында узган түгәрәк өстәлдә катнашты.

"Татнефтьнең "Сәләтле бала" фонды үткәргән "Укучылар - XXI гасыр фәненә X регионара фәнни-гамәли конференциядә 9б сыйныф укучысы Галимова Айсылу (укытучысы Әминова Ләйсән Галиәкбәр кызы), татар теле буенча уңышлы чыгыш ясап, кыйммәтле бүләккә ия булды.

Гимназия-интернатта “Туган телем– шагыйрьләр теле“ дип исемләнгән республикакүләм фәнни-эзләнү конференциясе дәвам итә. Бүген конференциядә республикабызның 20 районыннан 65 укучы катнаша. Конференция Халык шагыйре Роберт Миңнуллин иҗатына багышланган. Роберт Мөгаллим улы секцияләр утырышларында, балалар белән очрашуда катнаша.

Бүген гимназия-интернатта “Туган телем– шагыйрьләр теле“ дип исемләнгән укытучыларның республикакүләм фәнни-эзләнү конференциясе уза. Конференциядә республикабызның 43 районыннан 115 мөгаллим катнаша. Күпчелек фәнни эшләр Халык шагыйре Роберт Миңнуллин иҗатына багышланган. Балаларның яраткан әдибе Роберт Мөгаллим улы укытучылар белән очрашуга үзе дә кайтты.