Бүген хәрби-патриотик айлык кысаларында район комиссары призына "Салют, Победа!" хәрби конкурсы башланды. 9 нчы сыйныф укучылары өчен ярыш вакытында чаңгыда узышу, турникта тартылу, АК-47 сүтеп-җыю, пневматик мылтыктан һәм гранату ату каралган. Иртәгә ярышта 10-11 нче сыйныф егетләре старт алачак. Егетләргә уңышлар теләп калыйк. 

Кичә "Яшьлек" милли-мәдәни үзәктә "Татар кызы - 2013" район конкурсының 1 нче этабы узды. Гимназия-интернат данын бу конкурста 9 нчы сыйныф укучылары Шәйхуллина Фирүзә һәм Калтакчян Ангелина яклый. Кызлар икесе дә 2 нче этапка үттеләр. Аларга уңышлар телик.

Кичә гимназиядә "Ягез әле, егетләр!" кичәсе үтте. 9 нчы һәм 11 нче класслар арасында барган бәйгедә 11ләр өстен чыкты.

Бүген гимназиянең 8-9 нчы сыйныф укучылары Казан (Идел буе) федераль унивеситетының Филология һәм сәнгать институты тарафыннан оештырылган, Татарстан Республикасы Президенты Р.Н. Миңнеханов катнашындагы онлайн-дәрестә катнаштылар. Дәресне әдәби тәнкыйтьче һәм әдәбият галиме Фоат Галимулла улы Галимуллин алып барды.

Бүген гимназия-интернатта инглиз теле укытучыларының "Актуальные аспекты преподавания английского языка" темасы астында республикакүләм семинар үтте. Семинарда КФУ ФСИ галимнәре, Мамадыш, Алабуга, Мөслим, Минзәлә һәм Актаныш районы укытучылары катнашты.

21 нче февраль көнне Казан (Идел буе) федераль университетында узган "Татар лингвокультурологиясе: проблемалар һәм перспективалар" гомуми урта, махсус урта һәм югары белем бирү йортларында укучыларның IV Бөтенроссия фәнни-гамәли конференциясендә гимназия-интернат укучылары уңышлы чыгыш ясап кайттылар. Валькова Алена, Галиева Алинә, Шәйхин Айдар һәм Галимова Айсылу үз секцияләрендә 1 нче урыннарны яуладылар. Аларны һәм укытучылары Әминова Ләйсән Галиәкбәр кызын, Хәева-Хәмитҗанова Венера Насыйх кызын һәм Әглетдинова Ландыш Филүс кызын котлыйбыз. Афәрин!

Бүген "Ел укытучысы - 2013" Бөтенроссия конкурсының район турына нәтиҗә ясалды. Гимназия-интернатның тарих укытучысы Мирзаянов Азат Фәрит улы лауреат исемен яулады. Котлыйбыз!

Гимназия-интернатның 9 нчы сыйныф укучысы Әхмәтшин Данил (фотода) 16 - 22 нче февраль көннәрендә Казан шәһәренең "Байтик" лагерендә оештырылган "Программирование на HTML" курсларында укып кайтты.

20 нче февраль көнне Минзәлә шәһәренең 1 нче санлы мәктәбендә тарих һәм җәмгыять белеме фәннәре укытучылары семинары узды. Семинарда гимназия-интернат укытучылары Мирзаянов Азат, Абдуллина Миләүшә һәм Мисбахова Лилия катнаштылар.

23 нче февраль - Ватанны саклаучылар көне уңаеннан бүген гимназия-интернатта 7-9 нчы сыйныф укучылары катнашында "Әтиләр бәйрәме" узды.