«Туган телем-шагыйрьләр теле» Республикакүләм фәнни-эзләнү конференциясен йомгаклау тантанасына чакыру турында...

Язгы каникуллар вакытында балалар катнашында юл-транспорт хәләкәтләрен кисәтүне күз алдында тоткан "Игътибар - балалар!" акциясе үтә. Бу юлы рейдка гимназия-интернатның яшь инспекторлары чыкты. Алар машина йөртүчеләр һәм җәяүлеләрнең юл йөрү кагыйдәләрен үтәүләрен тикшерделәр, алар белән профилактик әңгәмәләр оештырдылар.

26-28 нче март көннәрендә гимназия-интернат укытучылары Казан федераль университетының Филология һәм сәнгать институты базасында "Современные подходы по работе с одаренными детьми в условиях поликультурного образовательного пространства" курсларында укуны дәвам иттеләр. Курсларны п.ф.д., профессор Мочалова Н.М., п.ф.д., профессор Фахрутдинова Р.А., п.ф.д., профессор Аухадеева Л.А., п.ф.к., доцент Егерева С.Ф., п.ф.к., доцент Валиахметова Н.Р. алып бардылар.

2 нче апрель көнне “Яшьлек” милли мәдәни үзәгендә “Мини-мисс Актаныш 2013” бәйгесенең финал ярышы үтәчәк.
Сәләтлеләр дөньясында үз урыннарын биләп, һәрчак хәрәкәттә булган балалар өчен нинди генә чара, бәйгеләр оештырылмый. 26 март көнне гүзәлләрнең дә гүзәлен сайлау йөзеннән, 5 яшьтән 12 яшькәчә кадәрге кызлар арасында “Мини Мисс Актаныш 2013” бәйгесенең сайлап алу туры оештырылган иде. Анда барысы 56 нәни сылу катнашып, үзләре белән таныштырдылар, жюри хөкеменә сәләтләрен күрсәттеләр. Сайлап алу турыннан игътибарга лаек дип табылган 20 кыз бала алдагы бәйге – 2 апрель көнне узачак финал өлешендә гүзәллектә, тапкырлыкта, сәхнә осталыгында сынашачак. Алар арасында гимназия-интернаттан Сөмбел Газизова һәм Айзилә Нургалиева булуы бик куанычлы. Кызларга уңышлар телибез.

Яр Чаллы шәһәрендә узган республикакүләм "Сәхнә көзгесе" театр бәйгесендә гимназия-интернатның театр группасы Т.Миңнуллинның "Әлдермештән Әлмәндәр" әсәре буенча куелган спектакль белән катнашып, III нче дәрәҗә дипломга ия булды.

26 нчы март көнне Казан шәһәрендә узган "Каюм Насыйри укулары" республикакүләм фәнни-эзләнү конференциясендә гимназия-интернат укучысы Шәйхин Айдар (җитәкчесе Хәева-Хәмитҗанова Венера Хаматнасыйх кызы) Р.Миңнуллин иҗаты буенча "Ана образы" эше белән 2 нче дәрәҗә дипломга ия булды булды. Булдырасың, Айдар!

Бүген Актанышның 1 нче мәктәп базасында гимназиянең 9 нчы сыйныф укучылары рус теленнән дәүләт йомгаклау аттестациясе кысаларындагы имтиханда катнаштылар.

23 нче март көнне гимназиянең 8а сыйныф укучысы Минниярова Элина (җитәкчесе Фәрдиева Р.Р.) Яр Чаллы шәһәрендә узган республикакүләм "Ломоносов укулары" фәнни-эзләнү конференциясендә математика секциясендә чыгыш ясап, мактаулы 2 нче дәрәҗә дипломга ия булды. Котлыйбыз! 

Гимназия-интернат укытучылары өчен Казан федераль университеты галимнәре тарафыннан оештырылган "Современные подходы по работе с одаренными детьми в условиях поликультурного образовательного пространства" курслары дәвам итә. 23-24 нче март көннәрендә гимназия-интернат базасында курсларны п.ф.д., профессор Мочалова Н.М., п.ф.д., профессор Фахрутдинова Р.А., п.ф.к., доцент Егерева С.Ф. алып бардылар. 26-28 нче мартта курслар КФУ базасында дәвам итәчәк.

Гимназия-интернатның 6 нчы сыйныф укучылары Саррахов Данияр (укытучысы Хаҗиева Р.Ә.) 6 нчы апрель көнне Казан шәһәрендә узачак математика буенча XV Республика олимпиадасының III нче финал турына чакыру алды. Даниярга уңышлар телик.