26 нчы март көнне Казан шәһәрендә узган "Каюм Насыйри укулары" республикакүләм фәнни-эзләнү конференциясендә гимназия-интернат укучысы Шәйхин Айдар (җитәкчесе Хәева-Хәмитҗанова Венера Хаматнасыйх кызы) Р.Миңнуллин иҗаты буенча "Ана образы" эше белән 2 нче дәрәҗә дипломга ия булды булды. Булдырасың, Айдар!

Бүген Актанышның 1 нче мәктәп базасында гимназиянең 9 нчы сыйныф укучылары рус теленнән дәүләт йомгаклау аттестациясе кысаларындагы имтиханда катнаштылар.

23 нче март көнне гимназиянең 8а сыйныф укучысы Минниярова Элина (җитәкчесе Фәрдиева Р.Р.) Яр Чаллы шәһәрендә узган республикакүләм "Ломоносов укулары" фәнни-эзләнү конференциясендә математика секциясендә чыгыш ясап, мактаулы 2 нче дәрәҗә дипломга ия булды. Котлыйбыз! 

Гимназия-интернат укытучылары өчен Казан федераль университеты галимнәре тарафыннан оештырылган "Современные подходы по работе с одаренными детьми в условиях поликультурного образовательного пространства" курслары дәвам итә. 23-24 нче март көннәрендә гимназия-интернат базасында курсларны п.ф.д., профессор Мочалова Н.М., п.ф.д., профессор Фахрутдинова Р.А., п.ф.к., доцент Егерева С.Ф. алып бардылар. 26-28 нче мартта курслар КФУ базасында дәвам итәчәк.

Гимназия-интернатның 6 нчы сыйныф укучылары Саррахов Данияр (укытучысы Хаҗиева Р.Ә.) 6 нчы апрель көнне Казан шәһәрендә узачак математика буенча XV Республика олимпиадасының III нче финал турына чакыру алды. Даниярга уңышлар телик.

Бүген Актанышның 1 нче мәктәп базасында гимназиянең 11 нче сыйныф укучылары математикадан БДИ тапшырдылар.

Кичә гимназия-интернатта КФУның Филология һәм сәнгать институты белән онлайн режимда "Татар филологиясенең актуаль проблемалары" исеме астында конференция үтте. Гимназия укучылары Гаязова Лилия, Гыйльманова Чулпан, Шәйхин Айдар, Әхмәтшин Данил, Галиева Алинә, Зәйнетдинова Алия үзләренең фәнни эшләре белән чыгыш ясадылар.

Бүген гимназиянең 9-11 нче сыйныф укучылары Татарстан Республикасы Хезмәт, халыкны эш белән тәэмин итү һәм социаль яклау министрлыгы вәкилләре белән укучыларның киләчәктә профессия сайлау буенча очрашуда катнаштылар. Министрлык вәкилләре укучылардан анкета алдылар, брошюлар тараттылар.

21 нче март көнне "Иман" спорт сараенда хокук бозуларга каршы профилактика отрядларының республикакүләм конкурсның район этабы узды. Гимназия-интернат командасы конкурста мактаулы I урын алуга иреште. Афәрин, кызлар-егетләр!

"Живая классика" Бөтенроссия конкурсының район этабында 6 нчы сыйныф укучылары Насртдинова Гөлшат - 3 нче урын, Латыйпова Ләйсән призер булдылар (укытучылары Сарварова И.А.). Котлыйбыз!