Бүген гимназия-интернатта мәктәпкүләм "Сәламәтлек көне" узды.

Бүген бездә Арча педагогия көллияте җитәкчеләре гимназия-интернатның эшчәнлеге белән танышу максатыннан булып киттеләр.

"Өй алдыбыз гөлбакча - 2013" район бәйгесендә иң яхшы чәчәкләр күргәзмәсе өчен гимназия-интернат 2 нче дәрәҗә диплом белән бүләкләнде.

"Өй алдыбыз гөлбакча - 2013" район бәйгесендә гимназия-интернат 1 нче урынга ия булды.

Бүген яңа 2013-14 нче уку елы башлынды. Бәйрәм белән дуслар!

Педагогларның август киңәшмәсе кысаларында уздырылган күргәзмәләр конкурсында гимназия-интернат җиңү яулады.

28 нче август көнне гимназия-интернат коллективы Болгарга сәяхәт кылып кайтты.

"Иң төзек оешма - 2013" район бәйгесендә гимназия-интернат җиңү яулады.

2013 нче елның 6-16 нчы август көннәрендә Иерусалимда Татарстанннан килгән мәгариф хезмәткәрләренә Яд Вашем Халыкара интитуты Холокост темасы буенча укулар оештырды. Бу укуларда безнең гимназиядән тарих укытучысы Абдуллина Миләүшә Магъсум кызы да катнашты. Семинарда яһүд халкының тарихы, аларга карата нацистлар сәясәте, Советлар Союзы территориясендә язмышлары яктыртылды. Методик әсбәпләр белән таныштырылды. Һәм, әлбәттә, бай тарихлы Иерусалим буенча экскурсияләр үткәрелде.

Бүген Арчада республика мәгариф һәм фән хезмәткәрләренең традицион август киңәшмәсе уза. Киңәшмә быел “Татарстан Республикасы белем бирү практикасында заманча технологияләр” дигән темага багышлана. 
Анда ТР Президенты Рөстәм Миңнехановның, ТР Премьер-министры Илдар Халиковның, ТР Премьер-министры урынбасары вазыйфаларын башкаручы – мәгариф һәм фән министры Энгель Фәттаховның, федераль һәм республика дәрәҗәсендәге депутатларның, министрлык һәм ведомстволар җитәкчеләренең, урыннарда белем бирү өчен җаваплы органнар җитәкчеләренең, мәгълүмати-методика үзәкләре директорлары һәм методистларының һ.б. катнашуы көтелә.
Киңәшмә барышында гимназия-интернатның эшчәнлеге дә яктыртылачак.