3 декабрь – Халыкара инвалидлар көне уңаеннан гимназиякүләм төрле чаралар үткәрелә. Китапханәче Исламова Эльвира Мәүлетдин кызы җитәкчелегендә 5б, 9б класс укучылары өчен Фәнис Яруллинның “Җилкәннәр җилдә сынала” повесте буенча әңгәмә һәм презентация күрсәтү оештырылды, китап күргәзмәсе эшләде.

Укучыларыбыз Россия олимпиадасының муниципаль этабындагы уңышлары белән сөендерүләрен дәвам итәләр. Химия фәненнән Вәзетдинов Булат (9 класс) – призер, Галлямова Элвина (10 класс) – җиңүче исеменә лаек булдылар. Укучыларны һәм остазлары Гарипова Рузилә Илдар кызын котлыйбыз, уңышлар телибез!

Бүген гимназия базасында, алтынчы тапкыр, республикакүләм “Туган телем –әдипләр теле” укучылар фәнни-эзләнү конференциясе булып узды. Быел ул Татарстанның атказанган мәдәният хезмәткәре һәм фән эшлеклесе, А.Алиш исемендәге әдәби бүләк иясе, язучы, галим Фарсель абый Зыятдиновка багышланды. Конференциянең беренче турында барлыгы 85 фәнни хезмәт каралды, шулардан 51е яклауга лаек дип табылды. 

Россия фәннәр олимпиадасының район этабында катнашучы укучыларыбыз уңышлары белән сөендерүләрен дәвам итәләр. Бүген физика фәненнән көчләрен сынаучылар түбәндәге нәтиҗәләрне күрсәттеләр: Төхбәтуллин Булат (7 класс), Хәбиров Динар (11 класс) – призерлар,  Валиева Нәфисә  (8 класс), Хәйбиев Әмир (9 класс) – җиңүче исемнәренә лаек булдылар. Укучыларны һәм укытучылары Багаутдинова Римма Гранит кызын җиңүләре белән котлыйбыз!

Җәмгыять белеменнән Россия олимпиадасының муниципаль этабы нәтиҗәләре: Асадуллина Алсу (7 класс), Гарипов Булат, Ганеева Элвира (8 класс), Мансуров Газиз, Хурмаева Рузалия, Хузина Аилә, Салахова Ләйсән (9 класс), Хөҗҗәтова Сөмбелә, Вахитов Ренат, Агумов Әнвәр (10 класс), Габдрахманова Миләүшә, Хәйдаров Шамил (11 класс) - призерлар, Ибрагимов Раил (9 класс) - җиңүче исемлекләрен тулыландырдылар. Укучыларны һәм остазлары Абдуллина Миләүшә Мәгъсүм кызын җиңүләре белән котлыйбыз, киләчәктә уңышлар телибез!

Гимназиянең бер төркем укытучы-тәрбиячеләре һәм укучылары Казан шәһәрендә үткәрелгән “Гыйлем-Fest” Республикакүләм проектлар бәйгесендә катнаштылар. Бәйгедә республиканың төрле районнарыннан, шул исәптән Казан шәһәре мәктәп-гимназияләреннән дә 30 артык проект тәкъдим ителде. 

Әниләр бәйрәме көне уңаеннан, 5а, 5б сыйныф укучылары,  класс җитәкчеләре Рәмилә Әдип кызы Хазиева, Лилия Тәлгать кызы Исламова һәм тәрбияче Айгөл Ралиф кызы Әхмәтгалиева җитәкчелегендә,  әниләр һәм әбиләрен чакырып бәйрәм чарасы тәкъдим иттеләр. Кадерле кунаклар, балаларының чыгышларын тамаша кылдылар, классларда әңгәмәләр кордылар, чәй табыны артында аралаштылар, бәйрәмне оештыруда башлап йөргән класс җитәкчеләренә һәм тәрбияче апаларына  рәхмәтләрен әйтеп, очрашулар дәвамлы булсын иде дигән теләктә таралыштылар.

Бүген, гимназия базасында, биология фәненнән Бөтенроссия олимпиадасының муниципаль этабы үткәрелде. Хуҗина Адилә (9 класс), Исаева Эльза (10 класс), Давлетова Илина, Ахмадуллина Алия, Аглямова Алинә (11 класс) призер исеменә лаек булдылар. Кызларны һәм укытучылары Исламова Зөлфия Әскать кызын уңышлары белән котлыйбыз!

Ата-аналар һәм мәктәп белән берлектә оештырылган республикакүләм “Дус сыйныф серләре” конкурсының район этабы булып узды. Гимназиянең 6а классы коллективы (класс җитәкчесе Шәрипова Чулпан Рәмзил кызы, тәрбияче Хөсәинов Ленар Наил улы) әти-әниләре белән I урынга лаек булдылар. Аларны чын күңелдән котлыйбыз, зона этабында да уңышлы чыгыш ясауларын телибез.

(фото "Актаныш мәгълүмати-мөхәррият үзәге" сайтыннан)

Математика фәненнән олимпиаданың муниципаль этабы нәтиҗәләре түбәндәгечә: Султанов Самат, Валиев Вильдан (5 класс, укытучылары Хазиева Рәмилә Әдип кызы), Гилаев Айнур, Хуззятов Газиз, Галиев Альберт, Галиахметов Раян (6 класс, укытучылары Галиева Рузилә Ферроль кызы), Мухаметдинова Лиана (8 класс), Валиева Альбина (9 класс, укытучылары Фәрдиева Регина Равил кызы), Нуруллин Нияз (11 класс, укытучысы Хазиева Рәмилә Әдиповна)  - призерлар сафын тулыландырдылар. Укучыларны һәм остазларын уңышлары белән котлыйбыз!