Профилактическое мероприятие с учащимися о запрете игр с огнем

Физик тәрбия фәненнән республикакүләм олимпиадага йомгак ясалды.  6 класс укучылары Хөҗҗәтов Газиз һәм Харисов Ренат призерлар исеменә лаек булдылар. Егетләрне һәм остазлары Харрасова Алсу Рәскать кызын җиңүләре белән котлыйбыз!

Сегодня подведены итоги заключительного этапа  республиканской олимпиады по английскому языку, на котором наша ученица 8 класса Валиева Нафиса заняла призовое место. Поздравляем Нафису и её тренера Аюпову Ляйсан Рашитовну с заслуженной победой!

Тормыш иминлеге нигезләре фәненнән Россиякүләм олимпиаданың  республика этабы нәтиҗәләре билгеле булды:  9 класс  укучысы Гималтдинов Искәндәр һәм 11 класс укучысы Фәхерлегаянов Рөстәм  призерлар исемлеген тулыландырдылар. Егетләрне һәм остазлары Сибгатуллин Ришат Тимершәех улын җиңүләре белән котлыйбыз!

 Традицион рәвештә, районда  “Россия чаңгы юлы – 2019” кысаларында чаңгы ярышлары булып узды. Гимназия коллективы да әлеге чарадан читтә калмады, укучылар һәм укытучылардан торган команда уңышлы чыгыш ясады. Директор Гарипова Рузилә Ильдар кызы үз дистанциясендә I урын,  Саттарова Гөлгенә Глүс кызы II урын яуладылар. Котлыйбыз! 

“Яшьлек” милли-мәдәни үзәгендә ата-аналар өчен гимназиякүләм җыелыш булып узды. Очрашу, район башлыгы Энгель Нәвап улы Фәттахов, Яр Чаллы шәһәре мэрының мәгариф үсеше буенча киңәшчесе Фәйрүзә Зөфәр кызы Мостафина,   республика педагог-психологлары фәнни-методик координация советы рәисе Герасимова Вера Вадимовна,  КФУның финанс-икътисад институты фәнни эшләр бүлеге җитәкчесе Елена Владимировна Макарова катнашында, үзгә формада үтте. Эчтәлек тулысынча бала тәрбияләүдә ата-ананың ролен ачыклауга, психологик һәм шәхси үзенчәлекләрне таный белергә өйрәтүгә багышланды. Чакырылган белгечләр һәркайсысы үз юнәлешеннән чыгып, файдалы киңәшләрен җиткерделәр. Әти-әниләр исә үзләрен кызыксындырган сорауларга җаваплар алдылар.

Казан федераль университетының дин белеме кафедрасы галимнәре – доцент, фәлсәфә фәннәре кандидаты Токранов А.В., доцент,  фәлсәфә фәннәре кандидаты Фазлеева Р.Р., өлкән укытучы Кузьмина Е.В. гимназиябездә кунак булдылар. Алар 8-11 сыйныф укучылары өчен фәлсәфә, мантыйк һәм дин белеменә багышланган дәресләр һәм остаханәләр үткәрделәр, шулай ук Иҗтимагый-фәлсәфи фәннәр институты һәм дин белеме кафедрасы хакында сөйләделәр. Университет  галимнәре гимназия директоры Р.И. Гарипова һәм инновацион эшчәнлек буенча директор урынбасары Р.М. Гарипов белән очраштылар һәм киләсе эшчәнлек хакында сөйләштеләр.

Әтиләр белән спорт төрләрендә ярышу традициясен дәвам итеп, бүген гимназия спортзалында мини-футбол ярышлары үткәрдек. Ярышта, әтиләрдән торган ике команда һәм укучылардан җыелган бер команда көч сынаштылар. Кич буе җанатарлар тавышыннан гимназия гөрләп торды, чөнки командалар бик тә матур уен күрсәттеләр. Уенга дәрт биреп торучы әниләрнең дә булуы бәйрәмгә ямь өстәде. Очрашу чәй табыны артында әңгәмә белән дәвам итте. Катнашкан әти-әниләргә зур рәхмәт белдерәбез, киләчәктә дә очрашуларга көтеп калабыз. 

Әлмәт шәһәрендә оештырылган XXII регионара “Сандугач сайрар илем” балалар һәм яшүсмерләр иҗат фестивалендә, гимназиянең 8 класс укучысы Мухаметдинова Лиана уңышлы чыгыш ясап, дипломант исеменә лаек булды. Лиананы һәм әдәби остазы Илфак Мирзаевич Ибраһимовны әлеге җиңүләре белән котлыйбыз! 

Республикакүләм “Шәп әйдәман” конкурсының район этабы булып узды. Гимназиянең 10 класс укучысы Варина Лаура – лауреат, Садеков Әмин гран-при иясе булып танылдылар. Укучыларны һәм остазлары Хафизова Алсу Мирзамөхәммәт кызын уңышлары белән котлыйбыз, Әмингә республика этабында уңышлар телибез!