Шимбә көнне, традицион рәвештә, Фирдәвис Шәемов исемендәге районкүләм җиңел атлетика ярышлары булып узды. Гимназиянең кечкенәләр  командасы гомуми зачетта III урынга лаек булды. Шәхси беренчелектә 9а классы укучысы Ибрагимов Раил II-III урынны алды. Остазлары Харрасова Алсу Рәскат кызы. Котлыйбыз!

Гимназия укучылары үзидарәсенең президент сайлаулары булып узды. 7-11 класс укучылары арасыннан 6 кандидат тәкъдим ителде: 9а классыннан Фардиева Алисә, Ибрагимов Раил, Салахова Ләйсән,  10б классыннан  Вахитов Булат, 9б классыннан Вазетдинов Булат, 10а классыннан Садеков Амин.  Сайлау көне җиткәнче алар үзләренең программалары  белән таныштырдылар. Кандидатларга уңышлар телибез, нәтиҗәләр белән алдагы яңалыкларда таныштырырбыз.

Илкүләм үткәрелгән “Милләтләр кроссы – 2018” спорт   чарасыннан гимназия коллективы да читтә калмады, укытучылар да, укучылар да үз дистанцияләрендә көчләрен сынап карадылар. VIP – йөгерүчеләр арасында исә, гимназия директоры Гарипова Рузилә Илдар кызы һәм үз яшь категориясендә интернат тәрбиячесе Хафизова Зөлфия Мазгар кызы мактаулы өчлектә урын алдылар. Котлыйбыз!

Татар милләте күренекле шәхесләргә бай. Шуларның берсе, балалар язучысы - Абдулла Алишның тууына быел 110 ел тула. Әлеге истәлекле көн гимназиядә дә билгеләп үтелде. Укучылар, тәрбиячеләре белән берлектә, Алиш әкиятләренә иллюстрацияләр ясадылар, "Чукмар белән Тукмар" әкиятенә видеоролик эшләделәр, китаплары белән таныштылар.

Укучыларны кечкенәдән үк яхшыны яманнан аера белергә өйрәтергә кирәк. Әлеге максаттан чыгып, интернат өлешендә "Экстремизмга - юк!" айлыгы кысаларында, тәрбиячеләр “Явызлык һәм яхшылык” темасына әңгәмәләр һәм рәсем конкурслары оештырды. Мондый чараларда балалар, бигрәк тә уртанчы класс укучылары, зур кызыксыну белән катнаша.

Сәламәт тәндә – сәламәт акыл. Сентябрь аеның беренче атнасында традицион рәвештә гимназиякүләм “Сәламәтлек көне” билгеләп үтелә. Бу елда да сәламәтлеге ягыннан каршылыклар булмаган барлык укучылар да Нөркә урманы янына көзге кросска чыктылар. Кызлар һәм егетләр, яшь үзенчәлекләренә бәйле рәвештә,   өч төрле дистанциядә йөгерү буенча ярыштылар. 

Бүген гимназиягә Актаныш һәм Минзәлә муниципаль районнары янгын куркынычсызлыгы буенча баш инспекторы Тимерханов Альберт Фларит улы килде. Янгын очракларын кисәтү буенча укучылар белән әңгәмә оештырылды. Альберт Фларит улы  хәзерге заман көнкүреш техникасының (смартфоннар, планшетлар, компьютер-ноутбуклар һ.б.)  кеше тормышына файдасы белән беррәттән, куркынычлы яклары да күплеге турында искәртте. Гимназиянең куркынычсызлык кагыйдәләрен үтәү документлары тикшерелде.

Мәктәпләрдә янәдән тәүге кыңгырау чыңлады. Быел гимназиядә 159 бала белем алачак. Укучыларга зур тырышлык, белемгә омтылыш, максатка ирешү үҗәтлеге, укытучы-тәрбиячеләргә исә сабырлык, сәламәтлек, иҗади уңышлар юлдаш булсын. Хәерле сәгатьтә!

"Талантлар университет"ында һәркөн кызыклы очрашуларга бай һәм файдалы үтә. Бүген анда Татарстан Республикасының яшьләр эшләре министр Дамир Ильдус улы Фаттахов белән очрашу булып узды. Алдан уздырылган бәйге нәтиҗәсендә, "Сәләтләр ачылышы" мәктәбендә шөгыльләнүче 400 баланың 80е әлеге чарада катнашу хокукына ия булды, алар арасында гимназия укучысы Сөмбел Газизова да бар.

Чтобы реализовать себя и стать успешным, необходимо не только понять, в чем  твой талант, но и работать над его развитием. 18 августа стартовала главная образовательная площадка Университета Талантов – Летняя молодежная школа «Открытие талантов», где принимает участие и наша ученица Газизова Сюмбель. В стенах Поволжской государственной академии физической культуры, спорта и туризма (г. Казань) 400 одаренных молодых людей с достижениями и 100 наставников собрались с общей целью – развить себя и построить свою траекторию развития. В течение восьми дней участники будут развивать свои навыки согласно индивидуальному плану развития.