Районкүләм үткәрелгән бәйгедә 9а сыйныфы укучысы Фәрдиева Алисә, татар кызларына хас булган сыйфатларын бәян итеп, мактаулы II урынга лаек булды. Алисәне җиңүе белән тәбрик итәбез!

Җылы кояш нурларына төренеп, йөгерек гөрләвекләре белән йөгереп язның беренче ае — март та килеп җитте.
Барыбызга да билгеле әлеге айның иң матур иң олы бәйрәме — СИГЕЗЕНЧЕ МАРТ — ХАЛЫКАРА ХАТЫН КЫЗЛАР КӨНЕ.
Хөрмәтле гүзәл затлар! Табигатнең суыктан җылылык чорына омтылган мизгеленә туры килгән бәйрәмегез һәрвакыт җылы матур истәлекләр генә калдырсын.

Сез барында ямь бар җирдә,
Сез булганда тәм дә бар.
Сез булганга дәрт бар җанда,
Көч-куәт тә тәндә бар.

Сез булганга иҗат та бар,
Сез булганга бар сәләт.
Бу сүзләрне әйтергә
Нәкъ сез булдыгыз сәбәп.

Әни дә сез апа да сез,
Һәм сөйкемле сеңел сез.
Сез булганга дөнья нурлы
Чытык йөзле түгелсез.

Сездә кешелек язмышы
Сездә олуг өметләр
Шундый теләкләрдә кала
Җирдә һәммә егетләр!

Гимназикүләм “Татар кызы- 2019” чарасы гөрләп узды. Бәйгедә катнашучы кызлар берсеннән-берсе матур, тырыш, җитез, тапкыр булдылар. Кичәне оештыручы 10 Б сыйныфы укучылары конкурсантларны төрле яктан сынадылар. 

27, 28 февраль, 1 март көннәрендә гимназия-интернатның бер төркем укытучы-тәрбиячеләр һәм укучылары, Казан шәһәренең “Казан EXPO” күргәзмәләр бинасында оештырылган, EDU RUSSIA 2019  Халыкара  мәгариф форумын    да булып кайттылар. Форум кунакларын, алар гимназиядә оешып, киң җәмәгатьчелеккә тәкъдим итәрдәй дәрәҗәгә җиткерелгән проектлар һәм гомумән, уку йорты белән таныштырдылар. Республиканың төрле районнарыннан, Россия төбәкләреннән килгән вәкилләр гимназия проектлары, уку шартлары белән кызыксындылар. Укучылар һәм укытучылар үзләре дә форум кысаларында оештырылган семинарларны күзәттеләр, мәгариф өлкәсендә барган алдынгы технологияләрне өйрәнделәр.

Бүген 11нче сыйныф укучылары район ЗАГС бүлегендә нәтиҗәле эшләп килүче ,,Гаилә мәктәбе” дәресләрендә катнаштылар. ЗАГС бүлеге җитәкчесе Гөлфинә Мөхәмәдиева оештырган очрашуда катнашкан район мөслимәләр берлеге җитәкчесе Зөһрә Закирова, өлкән психолог Фәймә Шәйгарданова һәм Актаныш муниципаль районы имам-мөхтәсибе Руслан хәзрәт Мортазиннар укучыларга үзләренең киңәш-тәкъдимнәрен җиткерделәр.

Традицион рәвештә, Ватанны саклаучылар көне уңаеннан, гимназия спортзалында әтиләр бәйрәме булып узды. Бәйрәм кичәсе, укучыларның җыр-биюләре һәм әтиләрнең командалар составында ярышлары белән үрелеп барды. Әтиләр эстафетада, турникта тартылуда, мишеньгә ату кебек бәйгеләрдә көч сынаштылар. Чара, ашханәдә, табын артында җанлы сөйләшү һәм концерт номерлары, уеннар белән дәвам итте.

Сегодня подведены итоги заключительного этапа  республиканской олимпиады по русской литературе, на которой наши ученицы Хазиева Тансылу (8 класс), Ганеева Эльвира (8 класс), Хуззятова Сюмбеля (10 класс), Ахматхузина Айгул (11 класс)  заняли призовые места. Поздравляем наших учеников  и  тренеров Саматову Гульнар Дильфасовну, Шагзамову Эндже Фирдависовну с заслуженной победой!

География фәненнән республикакүләм олимпиаданың нәтиҗәләре билгеле булды:  8 класс  укучысы Вәлиева Нәфисә призерлар исемлеген тулыландырды. Нәфисәне һәм остазы Фәйзуллин Рөстәм Уел улын җиңүләре белән котлыйбыз!

15 нче февраль көнне, Әфган сугышы тәмамлануга 30 ел тулу уңаеннан ,,Әфганстан- йөрәк ярам”дип исемләнгән әфганчылар белән очрашу кичәсе үткәрелде. Алар үзләренең истәлекләре белән бүлештеләр.  Укучыларга киңәшләрен бирделәр. Кичә ахырында укучыларыбызга үзләренең җырларын бүләк иттеләр. Мондый канкойгыч сугышлар беркайчан да кабатланмасын.