Гимназиябез укытучысы Сиринә Ринатовнаны "Ел укытучысы - 2025" бәйгесенең финалисты һәм "Өметле киләчәк" номинациясе җиңүчесе булуы белән чын күңелдән котлыйбыз! Сиринә Ринатовна жюри әгъзаларына югары дәрәҗәдә әзерләнгән дәрес, сыйныф сәгате, методик остаханә һәм мастер- класс күрсәтте.
"Сиринә Ринатовна, сезнең тирән эчтәлекле һәм сыйфатлы чыгышларыгыз укучыларга, жюрига бик ошады! Без сезнең белән сокланабыз һәм горурланабыз! Киләчәктә уңышлар теләп калабыз!"- дип матур теләкләрен җиткерде гимназия директоры Гөлшат Әбүзәровна.

Гимназиядә 3 нче чирек нәтиҗәләре буенча линейкалар уздырылды. Төрле дәрәҗәдәге бәйгеләрдә, олимпиадаларда, фәнни конференцияләрдә актив катнашкан укучылар дипломнар һәм тәм- томнар белән бүләкләнделәр. Гимназия директоры Гөлшат Әбүзәровна язгы каникул вакытында үз- үзеңне тоту кагыйдәләре белән таныштырды, укучыларга күңелле һәм файдалы яллар теләде! 

Ял итеп, көч җыеп барлык укучыларны 1 нче апрель көнне гимназиядә көтеп калабыз!

Республика күләмендә гамәлгә ашырыла торган "Беренчеләр әкияте" проектында укучыларыбыз актив катнаштылар. Проектның максаты- балаларны төбәгебездә яшәүче төрле милләтләрнең гореф-гадәтләре һәм милли йолалары белән таныштыру.
Гимназия активистлары тәрбия эшләре буенча директор киңәшчесе Гөлчәчәк Әсхәтовна җитәкчелегендә 362 нче номерлы балалар бакчасында тәрбияләнүче балаларны Идел буе халыкларының әкият һәм риваять геройлары белән таныштырдылар.
Чара барышында балалар халык уеннары уйнадылар, "Беренчеләр хәрәкәте" нең флешмобын башкардылар. Очрашу дус һәм позитив атмосферада үтте!

Видеога сылтама: https://vk.com/club216931602?z=video-216931602_456239379%2F848b1e12ef47fc202d%2Fpl_wall_-216931602

Гимназиябез укучылары "Илебездә, телебездә, күңелләрдә Тукай мәңгелек" дип исемләнгән шәһәр күләмендә үткәрелүче шигырь сөйләүчеләр бәйгесенең район этабында уңышлы чыгыш ясадылар. Безнең нәтиҗәләр:
- 2А сыйныфы укучысы Гиззатуллина Сәрбиназ- I урын (җитәкчесе Резеда Фатыховна);
- 3А сыйныфы укучысы Гараева Сәмирә- II урын (җитәкчесе Гөлфия Рөстәмовна);
- 4В сыйныфы укучылары Галиева Эльвина һәм Галимуллин Рәйхан- II урын (җитәкчеләре Гөлчәчәк Мансуровна);
- 7А сыйныфы укучысы Фәхретдинова Ралинә- II урын (җитәкчесе Фәния Наилевна);
- 8А сыйныфы укучысы Шарапова Сылу- II урын (җитәкчесе Фәния Наилевна);
- 1В сыйныфы укучысы Зарипова Мәдинә- III урын (җитәкчесе Рамилә Рифатовна);
- 1А сыйныфы укучысы Ганиуллин Эльдар (җитәкчесе Рәмзия Рәлифовна), 4А сыйныфы укучылары Гараева Сәидә һәм Шарипова Руфинә (җитәкчеләре Дания Габдулловна) "Иҗади алым" номинациясе дипломнарына лаек булдылар. Афәрин!
Укучыларны һәм җитәкчеләрен зур җиңүләре белән котлыйбыз!

 “Россия - минем горизонтларым” һөнәри юнәлеш бирү курсы кысаларында 8- 11 нче сыйныфлар "Алабуга Политех" колледжы вәкилләре белән очраштылар. Кунаклар укучыларны уку процессы, төрле юнәлешләр, студент тормышы, укудан тыш чаралар белән таныштырдылар. Әлеге очрашу укучыларыбыз өчен кызыклы һәм файдалы булды.

Видеога сылтама: https://vk.com/club216931602?z=video-216931602_456239380%2F72cb6bfac8a9c57bae%2Fpl_wall_-216931602

 Гимназиянең 9Б сыйныфы укучысы Махмутова Камилә "Мир науки" фәнни- гамәли конференциядә катнашып II урынга лаек булды. Камиләне һәм җитәкчесе Энҗе Ильдусовнаны чын күңелдән котлыйбыз, киләчәктә уңышлар теләп калабыз!

2014 нче елның 18 нче мартында Кремльдә Кырым һәм Севастопольне Рәсәй Федерациясе белән берләштерү турында Указга кул куелды. Әлеге тарихи дата уңаеннан, гимназиядә "Кырым турында сөйләшүләр" дип исемләнгән интеллектуаль уен үткәрелде. Укучылар төрле сорауларга җаваплар бирделәр, белемнәрен сынадылар.

Халыкара елгалар көне уңаеннан, гимназия укучылары Татарстанның су киңлекләре буйлап мавыктыргыч экологик сәяхәткә чыктылар.
Китапханәче балаларга төбәкнең табигате, елгалары, аларның үзенчәлекләре һәм географиясе турында сөйләде. Укучылар Татарстан картасы аша һәр елганың үзәне, башы һәм тамагы турында белделәр. Шулай ук республиканың иң зур елгаларын атадылар, аларның кушылдыкларын өйрәнделәр.
Чара барышында балалар табышмакларга җаваплар таптылар, төрле уеннар уйнадылар.

Видеога сылтама: https://vk.com/club216931602?z=video-216931602_456239381%2Feaf81034cfcf169611%2Fpl_wall_-216931602

Гимназия активистлары тәрбия эшләре буенча директор киңәшчесе Гөлчәчәк Әсхәтовна җитәкчелегендә 362 нче номерлы балалар бакчасында яхшылык һәм изге эшләр турында сөйләшүләр үткәрделәр. Сөйләшү барышында балалар "Подари игрушку" акциясе белән таныштылар.

Видеога сылтама: https://vk.com/club216931602?z=video-216931602_456239382%2Fac8f754cedf4a072ab%2Fpl_wall_-216931602

Һөнәри юнәлеш бирү максатыннан, 8- 10 нчы сыйныф укучылары "Вкусно- и точка" тиз туклану челтәре оешмасы вәкилләре белән очраштылар. Килгән кунаклар укучылар белән интерактив һәм резюме язу буенча мастер- класс үткәрделәр, сорауларга җаваплар бирделәр.