Гимназиянең 3А сыйныфы укучысы Шакирова Зилә бөек татар шагыйре, меценат Закир Рәмиев (Дәрдемәнд) истәлегенә оештырылган "Туган телем" дип исемләнгән VI Халыкара шигырь сөйләүчеләр бәйгесендә II дәрәҗәдәге дипломга ия булды.
Зиләне һәм җитәкчесе Гөлфия Рөстәмовнаны чын күңелдән котлыйбыз!

Инглиз теле атналыгы кысаларында башлангыч сыйныф укучылары белән викториналар үткәрелде. 7 нче һәм 8 нче сыйныф укучылары белемнәрен брейн- рингта сынадылар. Алар төрле юнәлешләр буенча сорауларга җаваплар бирделәр. Җанатарлар үз командаларына көч биреп тордылар.

Укучыларга һөнәри юнәлеш бирү башлангыч сыйныфтан ук башлана. Шул уңайдан, 1А һәм 2А сыйныфында ачык сыйныф сәгате үткәрелде. Кунакта Россия Тикшерү комитетының Татарстан Республикасы буенча Тикшерү идарәсе җитәкчесе ярдәмчесе Әхәтова Алсу Мансуровна булды. Алсу Мансуровна укучыларны тикшерүче һөнәренең үзенчәлекләре белән таныштырды. Әлеге өлкәдә эшләгән кешеләрнең шәхси сыйфатлары, нинди күнекмә һәм белемнәргә ия булырга тиешлеге турында аңлатты. Сөйләшү барышында балалар белән тематик уен үткәрелде. Әлеге очрашу бик файдалы һәм кызыклы булды!

Гимназия базасында эшләп килүче каратэ түгәрәгенә йөрүче укучыларыбыз Чемпионат һәм Татарстан Республикасы Беренчелегендә югары нәтиҗәләргә ирештеләр:
- 5В сыйныфы укучысы Ахатов Гомәр - III урын;
- 3А сыйныфы укучысы Жданов Алмаз - II урын;
- 3В сыйныфы укучысы Каримов Аскар - II урын.
Укучыларыбызны һәм тренерлары Ильсур Ильгизовичны зур җиңүләре белән котлыйбыз, алга таба уңышлар телибез!

24 нче февраль көнне үткәрелгән "Мөһим сөйләшүләр" дәресләр циклында укучылар белән "Минем кече Ватаным" дигән темага сөйләшү алып барылды. Әңгәмә барышында укучылар Татарстан Республикасының тарихы, үсеше, табигый байлыклары һәм төбәкнең илебез икътисадына керткән өлеше турында белделәр. Безнең Ватаныбыз гаять зур һәм гүзәл, табигате һәм мәдәнияте бик бай, кешеләре һәм аларның хезмәте данлыклы дигән нәтиҗә ясалды.

Инглиз теле фәне атналы бик кызыклы башланып китте. Укучылар иртән төрле сорауларга инглиз телендә җаваплар бирделәр, тәнәфесләрдә флешмоб биеделәр, дәресләргә кергәндә биремнәр эшләделәр.

Видеога сылтама: https://vk.com/club216931602?z=video-216931602_456239372%2F40cf5693c6e8970ef3%2Fpl_wall_-216931602

Гимназиядә "Аҗаган 2.0" Бөтенроссия хәрби- патриотик уенының мәктәп (сайлап алу) этабы тәмамланды. Уен төрле сынауларны үз эченә алды. Укучылар үзләренең җитезлекләрен һәм көчләрен күрсәттеләр. Уен барышында спорт күнекмәләрен, тактика нигезләрен, хәрби әзерлекне тикшерделәр. Бердәм булу һәм үзара ярдәмләшү җиңүләргә ирешергә ярдәм итә дигән нәтиҗәгә килделәр. Барлык катнашучыларны да котлыйбыз! Алдагы этапларда уңышлар телибез!

Видеога сылтама: https://vk.com/club216931602?z=video-216931602_456239367%2F0d3bcf983c69212019%2Fpl_wall_-216931602

Гимназиянең 9А сыйныфы укучысы Сөнгәтуллина Җәннәт "Звёздный билет" яшь шигырь сөйләүчеләр бәйгесенең шәһәр этабында II урынга лаек булды. Җәннәтне һәм җитәкчесе Светлана Федоровнаны җиңүләре белән котлыйбыз! Афәрин!

Татар теле һәм әдәбияты фәннәр атналыгын йомгаклап, башлангыч сыйныф укучылары арасында театр бәйгесе үткәрелде. Укучылар бөек татар язучыларының әсәрләреннән өзекләр сәхнәләштерделәр. Афәрин! Балалар әлеге чарадан яхшы кәеф белән таралыштылар.
    
  
  

21 нче февраль Халыкара туган тел көнендә 362 нче номерлы балалар бакчасында гимназиябез активистлары белән берлектә тәрбияви чара үткәрелде. Төп максат: балаларга туган телдә сөйләшә белүнең мөһимлеген күрсәтү.
Гимназия активистлары "Россиянең туган телләре" дип исемләнгән уен үткәрделәр. Балалар төрле милләтнең традицион уеннарында рәхәтләнеп уйнадылар, шигырьләр сөйләделәр, биеделәр, биремнәр башкардылар һәм барысы бергә татар халкының "Туган тел" җырын башкардылар.

Видеога сылтама: https://vk.com/club216931602?z=video-216931602_456239371%2F2369a5be75f2c592b2%2Fpl_wall_-216931602