1961 нче елның 12 нче апреле- дөнья күләмендә тарихка кереп калган истәлекле дата. Галәмгә беренче мәртәбә юл ачкан тарихи вакыйганы һәм легендар Юрий Гагаринны искә алмаган кеше юктыр.
Гимназиядә Космонавтика көненә багышланган төрле чаралар үткәрелде:
- "Бөтен Галәмдә беренче" дип исемләнгән рәсем, китап күргәзмәләре, мәгълүмат почмагы оештырылды;
- Башлангыч сыйныф укучылары галәм темасына төрле поделкалар ясадылар;
- Укучылар белән викториналар, мастер- класслар уздырылды.

Видеога сылтама: https://vk.com/club216931602?from=groups&z=video-216931602_456239386%2F9c585f1c0794287503%2Fpl_wall_-216931602

7 нче апрель- Бөтендөнья сәламәтлек көне. Бу көнне дөньяның барлык илләрендә дә сәламәт яшәү рәвешен пропагандалаучы төрле акцияләр, спорт чаралары үткәрелә.
Гимназия укучылары тәрбия эшләре буенча директор киңәшчесе Гөлчәчәк Әсхәтовна җитәкчелегендә "Сәламәтлекне ныгыт" акциясенә кушылдылар һәм тәнәфесләрдә флешмоб биеделәр, физик күнегүләр ясадылар. Китапханәче Зөлфия Рафаильевна укучылар белән "Сәламәтлек иленә сәяхәт" дип исемләнгән чара үткәрде. Сөйләшү барышында балалар табышмакларга җаваплар эзләделәр, кроссвордлар чиштеләр, видеоөзекләр белән таныштылар.
Укучылар "Сәламәт бул!" Бөтенрәсәй сәламәтлек дәресенә кушылдылар. Әлеге юнәлеш активисты Миндубаев Хәсән сәламәт яшәү рәвеше турында әңгәмә оештырды. Сынлы сәнгать укытучысы Гөлфинә Әсхәтовна "Сәламәтлек- зур байлык" дип исемләнгән күргәзмә әзерләде.

Видеога сылтама: https://vk.com/club216931602?from=groups&z=video-216931602_456239385%2Fb58c9eec3111d89b6f%2Fpl_wall_-216931602

7 нче апрель көнне үткәрелгән "Мөһим сөйләшүләр" дәресләр циклы "Россия һәм Беларусия халыклары бердәмлеге көне" дип аталды. Әлеге көн- дәүләт бәйрәме, ул безнең халыкларыбызның патриотлык, бердәмлек, үз тарихыңа хөрмәт белән карау һәм гаделлеккә омтылуны чагылдыра.
Дәрес барышында укучылар видеоөзекләр карадылар, презентация белән таныштылар, фикер алыштылар.

Гимназиянең 1В сыйныфы укучылары Галимуллина Асылъяр, Зарипова Мәдинә һәм Хәбибрахманова Дилия "Шигърият бакчасында" II шәһәр әдәби- иҗат бәйгесендә җиңү яуладылар һәм йомгаклау тантанасында катнашып кайттылар. Афәрин!
Укучыларны һәм җитәкчеләре Рамилә Рифатовнаны чын күңелдән ирешкән уңышлары белән котлыйбыз!

 3 нче апрель көнне Габдулла Кариев исемендәге Казан татар дәүләт яшь тамашачы театрында балалар һәм яшүсмерләр театр коллективлары катнашында "Сәйяр- 2025" фестиваленең шәһәр этабына йомгак ясалды. Быел "Сәйяр- 2025" фестивале бөек драматург Туфан Миңнуллинның 90 еллыгына багышланган иде. Финалга 26 мәктәп һәм 18 балалар бакчасы театры үтте.
Гимназиябез укучылары әлеге бәйгедә Туфан Миңнуллинның "Диләфрүзгә дүрт кияү" спектаклен сәхнәләштерделәр һәм II урынга, 200 мең сум күләмендә сертификатка лаек булдылар. Афәрин, укучылар! Без сезнең белән горурланабыз!
"Бу безнең өчен зур нәтиҗә, зур җиңү! Укучыларыбыз бик сәләтле! Әлеге җиңү- уртак эшчәнлекнең нәтиҗәсе. Киләчәктә дә шатлыклы вакыйгалар, сөенечләр көтеп торсын!"- дип матур теләкләрен җиткерде гимназия директоры Гөлшат Әбүзәровна.

Гимназиянең 2А сыйныфы укучысы Гиззатуллина Сәрбиназ "Йөрәкләрдә, уебызда, телебездә Тукай мәңгелек" шәһәр бәйгесендә лауреат исеменә лаек булды. Сәрбиназны һәм җитәкчесе Резеда Фатыховнаны җиңүләре белән котлыйбыз!

Гимназия базасында эшләп килүче каратэ түгәрәгенә йөрүче 3А сыйныфы укучысы Жданов Алмаз "Открытый Кубок России МОКК Тольятти" бәйгесендә I урынны яулады. Алмазны һәм тренеры Илсур Илгизовичны зур җиңүләре белән котлыйбыз, алга таба уңышлар телибез!

Гимназиянең 3А сыйныфы укучылары белән берлектә "Кошлар- безнең дуслар" дип исемләнгән танып- белү сәгате үткәрелде. Чара барышында укучылар кошларның файдасы, аларның табигатьтә һәм кеше тормышында роле турында белделәр, кызыклы фактлар турында сөйләштеләр, мавыктыргыч уеннар уйнадылар: "Тапкырга табышмак",  "Очты, очты, кошлар очты..", "Нәрсә артык?", "Тиз әйт". Ахырда укучылар төсле кәгазьдән аппликация алымын кулланып эшләнмәләр ясадылар. Балаларның кошлары матур һәм оригиналь килеп чыкты.

Видеога сылтама: https://vk.com/club216931602?from=groups&z=video-216931602_456239384%2F79a1f74568d0ff8be5%2Fpl_wall_-216931602

27 нче март- Халыкара театр көне. Шул уңайдан, гимназия активистлары тәрбия эшләре буенча директор киңәшчесе Гөлчәчәк Әсхәтовна җитәкчелегендә 362 нче номерлы балалар бакчасында "Күләгә театры" исеме астында иҗади остаханә оештырдылар.
Чара барышында активистлар балаларга интерактив формада театрның нәрсә икәнен, аның төрләре һәм театрда үз- үзеңне тоту кагыйдәләре турында сөйләделәр.
Балалар күләгә театры белән таныштылар, тамашаны кую өчен атрибутлар әзерләделәр һәм "Шалкан" әкиятен сәхнәләштерделәр. Чара "Беренчеләр хәрәкәте"нең традицион флешмобы белән тәмамланды.

Видеога сылтама:https://vk.com/club216931602?from=groups&z=video-216931602_456239383%2Fab90bf28887a0cd7e7%2Fpl_wall_-216931602

Каникуллар җитү белән гимназиядә язгы лагерь эшли башлады. Лагерь көннәре бик кызыклы, файдалы һәм күңелле үтте. Укучылар белән төрле мастер- класслар, бәйгеләр, чаралар, флешмоблар үткәрелде. Көн тәртибе буенча куркынычсызлык кагыйдәләре белән таныштыру, иртәнге зарядка, саф һавада йөрүләр оештырылды.
Укучыларга күңелле каникуллар оештырган өчен лагерь җитәкчесе Фәния Наилевнага, укытучыларга бик зур рәхмәт!