Бүген икенче кечкенәләр төркемендә икеләтә туган көн бәйрәме. Туган көннәрен билгеләп үтүче балаларга иң изге теләкләребезне юллап, җырлап, биеп күңел ачтык.

Бакчабызның икенче кечкенәләр төркемендә балалар кисеп ябыштыру шөгылендә "Тузганак чәчәге" темасына аппликация ясадылар. Эшчәнлек барышында балалар өлешләрдән бербөтенне булдырырга, җилемне пумала белән дөрес итеп сыларга, киселгән өлешләрне дөрес итеп ябыштырырга, пөхтәлекне булдырырга өйрәнделәр.

Беренче кечкенәләр төркемендә рәсем эшчәнлеге узды. Шөгыль барышында балаларның сүзлек запасын баету максатыннан җиләк-җимешләр турында әңгәмә үткәрдек. Соңыннан алмалар ярдәмендә кечкенәләр әлеге җимешне рәсемгә төшерделәр.

Бакчабызның "Кояшкай" бию ансамбле "Бию" бәйрәмендә "Нетихий час" исемле бию белән уңышлы чыгыш ясап кино карарга сертификат белән бүләкләнде.

Бүген бакчабызда Нижнекамск  шәһәреннән килгән делегацияне кунак иттек. Алар Мөслим районына Р.Х. Муллинның туган җире белән танышу максатыннан килгәннәр. Шул уңайдан бакчабыз белән дә танышып чыктылар. Әлеге делегацияне Р.Т. Демидов җитәкләде. Килгән кунаклар бакчабыздан бик канәгать булып киттеләр.

Бакчабызның мәктәпкә әзерлек төркеме балалары республикакүләм "И туган тел, и матур тел - 2022" бәйгесендә катнашып төрле дәрәҗәдәге дипломнарга лаек булдылар. Җиңүчеләрне котлыйбыз: Бухарин Рамазан, Бухарова Әминә, Кадыйрова Әлфия, Нәбиева Амалия, Филипов Тимур. Алдагы бәйгеләрдә дә уңышлар телибез!

Бакчабызның мәктәпкә әзерлек төркеме балалары Бөек Җиңү бәйрәменә багышланган бәйрәмдә катнаштылыр. Балаларыбыз бик тигез итеп, чын солдатлар кебек атлаулары белән аерылып тордылар. Афәрин!

#Җиңүтәрәзәләре Бухарова Әминә җиңүнең 77 еллыгына багышланган "Җиңү тәрәзәләре" Бөтенрәсәй акциясенә кушылды. Хөрмәтле ветераннар, Ватанны саклаган өчен сезнең алда баш иябез,сезгә чиксез рәхмәтләребезне җиткерәбез!
#ДеньПобеды

Мәктәпкә әзерлек төркемендә грамотага өйрәтү буенча эш. Сүзләргә аваз анализы ясарга өйрәтү, [Й ] авазы белән таныштыру.Ике сүзнең моделе буенча чагыштыру анализы ясарга өйрәтү.Бирелгән авазга тәмамланган сүзләрне сайлап ала белүләрен ныгыту.

Бакчабызның мәктәпкә әзерлек төркемнәрендә ел да була торган дулкынландыргыч та, шатлыклы да, моңсу да бәйрәм көненә - чыгарылыш кичәсенә әзерлек башланды.