Мәктәпкә әзерлек төркеме балалары иң  гади математик күзаллаулларны формалаштыру буенча шөгыль барышында шакмаклы дәфтәрләрдә ориентлашуны камилләштерделәр.Предметларның озынлыгын шартлы үлчәм ярдәмендә үлчәргә өйрәнделәр. 

Мәктәпкә әзерлек төркеме балаларында хезмәткә мәхәббәт, хөрмәт һәм бакчачы һөнәренә соклану тәрбияләү максатыннан яшел почмакта эшне дәвам итәбез. Балалар белән чәчәк үсемлекләрен аерып, савытларга күчереп утыртуны башкардык.

Хәсәнов Исламны "Йорт хайваннары" бәйгесендә 1 урын яулавы белән котлыйбыз. Әзерләгән тәрбиячесе Гөлзада Гавис кызына киләчәктә дә уңышлар телибез! 

Балаларда сулыкларда, бозлыкларда куркынычсызлык кагыйдэлэрен утэу кирәклеге турында белемнэрен формалаштыру; игътибарлылык, зирәклек, кызыксынучанлык, уз-узенне саклау хисе тәрбияләү максатыннан "Сак булыгыз - юка боз!" темасына әңгәмә уздырылды.

Мәктәпкә әзерлек төркемендә рәсем шөгыле узды. Балалар дымка уенчыгың барлыкка килү тарихы белән таныштылар. Бу уенчыкларның үз төсе, үз формасы, үз орнаменты  белән башка уенчыклардан аерылып торуларына төшенделәр. Дымка аты фигурасына карап, аны рәсемгә төшерделәр. 

Тәрбиячебез Шайхутдинова Эльвира Сиренад кызы "Яшел ут-2022" район бәйгесендә уңышлы чыгыш ясап, "Балаларны юл йөрү кагыйдәләренә өйрәтүче иң яхшы тәрбияче" номинациясендә 1 урынга лаек булды. Эльвира Сиренадовнаны котлыйбыз! Республика этабында да аңа уңышлар телибез!

Бакчабызда мәктәпкә әзерлек төркемендә "Ватанны саклаучылар" көне уңаеннан бик күркәм бәйрәм оештырылды. Балалар әти-бабаларына җыр, шигырь, биюләр бүләк иттеләр. Әтиләр арасында оештырылган ярышлар да бик күңелле үтте.

15 февраль көнне Әфганчылар көне уңаеннан хәрби һәм хезмәт Даны мемориаль комплексында тантаналы митинг үтте, әфган сугышында  hәлак булган геройларнын hәйкәлләренэ  чәчәкләр салынды.

Бүген  үзәк балалар китапханәсендә МБОУ Мөслим гимназиясенең 3 б сыйныфында укучы һәм “Яшь театр сөючеләр” дигән түгәрәккә йөрүче балалар тарафыннан А. Алишның “Койрыклар” дигән әкияте сәхнәләштерелде. Бу чарага безнең балалар бакчасыннан да нәни тамашачылар чакырылды. Балалар әкиятне бик ошаттылар. Әкияткә кагылышлы кызыклы сорауларга да бик теләп җавап биреп бүләкләр алучылар булды. 

Танып белү өлкәсе эшчәнлеге. Уртанчылар төркем балалары орлыкларның, туфракның үзенчәлекләре белән таныштылар. Үзләре фасоль, укроп, суганнар  утырттылар.