Икенче кечкенәләр төркеме балалары Җиңү паркына тәүге тапкыр сәяхәткә бардылар.

Уртанчылар төркемендә "Табигать һәм бал кортлары" дигән исем астында иҗади сюжетлы-рольле уен оештырылды. Балалар җәйнең үзенә генә хас үзенчәлекләрен өйрәнделәр, рольгә кереп уйнау осталыкларын арттырдылар.

Гөрләп үткән милли бәйрәмебез - Сабантуйда бакчабызның өлеше дә керде. Мәктәпкә әзерлек төркемендә тәрбияләнүче Муллагалиева Илвина узган елдагыча быел да бәйрәмгә килгән зур кунакларны каршы алуда ныклы әзерлек белән катнашты. 

Кичә бакчабыз белән милли бәйрәм Сабантуйны каршы алу йолаларының берсе-бүләк җыюда катнаштык. Күркәм гадәт буенча йортларга кереп төрледән-төрле бүләкләр җыйдык. Әлеге йола бик күңелле үтте.

Икенче кечкенәләр төркеме балалары "Кызыл Калфак", "Теремкәй" әкиятләрен сәхнәләштерделәр. Театр уйнау балаларның игътибарын,  хәтерен үстерүгә; танып белү активлыкларын формалаштыруга, аваз ияртемнәрен  кабатлау юлы белән авазларны дөрес итеп әйтү күнекмәләрен үстерүгә ярдәм итә.

Мәктәпкә әзерлек төркемендә балалар "Туган як" темасына әңгәмә кордылар, Мөслимебез турында видеороликлар караганнан соң коллектив эш башкардылар. 

Мәктәпкә әзерлек төркеме балалары бүген бөек рус шагыйре А.С. Пушкинның туган көнен билгеләп үттеләр. Шагыйрьнең балачак еллары турында презентация карадылар, үзләре ятлаган шигырьләрне сөйләделәр, аннан соң Пушкинның әсәрләре буенча төшерелгән мультфильмнар карадылар.

Рус шагыйре А.С.Пушкинның туган көне уңаеннан зурлар төркеме балалары бүген "Пушкин" паркына сәяхәт ясадылар. 

Бүген бакчабызда сәламәтлек көне уткәрдек. Тематик көнне иртәнге гимнастикадан башладык. Балалар үзләрен төрле ярышларда да сынап карадылар. Аннан соң төркемнәрдә аерым сәламәтлек темасына әңгәмәләр узды.

Бакчабызның төрле яшьтәге балалары республикакүләм бәйгедә катнашып I дәрәҗә диплом белән бүләкләнделәр: Кадырова Сәйдә, Кадырова Әлфия, Андреева Сәйдә, Бохарова Әминә, Гыйлметдинова Әмирә, Ибраһимова Фирая, Нәбиева Амалия, Ногманов Ибраһим, Пупышев Василий, Ризатдинова Арина, Туктагулов Рамил, Фәрхетдинова Әминә, Шакирьянова Газизә. Җиңүчеләрне тәбриклибез!