Бүген "Кояшкай" мәктәп яны ял һәм сәламәтләндерү лагерында "Спорт көне" иде. Исеменнән аңлашылганча,  балалар өчен бүген төрле спорт төрләре буенча уеннар, ярышлар үткәрелде. Җиңүче командаларга грамоталар тапшырылды. Шулай ук балалар өчен Кошман авылындагы чишмә-күлләргә экскурсия оештырылды. Көннең икенче яртысында балалар "Минем гаиләм" дип аталган рәсем конкурсында катнаштылар. Иң-иң дип табылган рәсем хуҗаларына грамоталар, бүләкләр бирелде һәм әлеге рәсемнәрдән күргәзмә ясалды.

Бүген "Кояшкай" мәктәп яны ял һәм сәламәтләндерү лагерында көн "Светофор төсләре ни сөйли" дип аталды.  Көндәгечә балалар иртәнге зарядканы ясадылар һәм иртәнге аштан соң малайлар һәм кызлар арасында бадминтон ярышлары үтте. Төшке аштан соң "Светофор" һәм "Дорожные ребята" командалары арасында "Светофор төсләре ни сөйли" исемле интеллектуаль-интерактив уен уздырылды. Шулай ук бүген "Юл йөрү кагыйдәләре" дигән рәсем конкурсы оештырылды. Уен-бәйгеләрдә җиңүчеләргә медаль - грамоталар тапшырылды.

Бүген "Кояшкай" мәктәп яны ял һәм сәламәтләндерү лагерында "Сәяхәтчеләр көне" иде.  Иртәнге аштан соң балалар бергәләп флешмоб  өйрәнделәр. Шуннан соң алар Кошман авылы китапханәчесе Сафиуллина Гөлия апага кунакка бардылар. Гөлия апалары балаларга күп төрле кызыклы уеннар әзерләгән иде. Тәмләп төшке аш ашаганнан соң төркемнәрдә табышмаклар бәйгесе үтте. Иң күп табышмаклар белүчеләргә грамоталар да тапшырылды.  Шулай ук бүген лагерьда "Төрле илләргә сәяхәт" исемле интеллектуаль марафон да оештырылды. Көн бик күңелле һәм мавыктыргыч үтте.

Бүген мәктәбебезнең 9 нчы сыйныф укучылары сайлап алынган фән буенча (химия, география һәм җәмгыять белеме) төп дәүләт имтиханын биреп кайттылар.

Бүген "Кояшкай" мәктәп яны ял һәм сәламәтләндерү лагерында көнебез "Таныш булыгыз, бу - без!" дип аталды. Көндәгечә балалар иртәнге күнегүләрен ясаганнан соң, пешекче апалары әзерләгән тәмле иртәнге аш белән сыйландылар. Көн матур булу сәбәпле балалар асфальтта рәсем ясадылар, авылның матур урыннарына экскурсия оештырдылар. Шулай ук, бүген балалар үзләренең сәләтләрен күрсәттеләр. Төшке аштан соң “Саннарның дуслары кем?”- математик уены уздырылды.

Бүген "Кояшкай" мәктәп яны ял һәм сәламәтләндерү лагеры "Дуслык белән көчле без" исеме астында үтте. Көн барышында балалар "Мин һәм минем отрядым - саннарда" дип аталган хәрәкәтле уеннарда катнаштылар,  дуслык темасына әнгәмә оештырдылар, төркемнәр үзләренең плакатларын ясадылар. Шулай ук бүген лагерьда "Халыкара рус теле көне" билгеләп үтелде: укучылар А.С.Пушкинның тормыш юлы, иҗаты белән таныштылар, әкият карадылар, Пушкин әсәрләрендәге геройларны рәсемгә төшерде.

Бүген мәктәбебезнең 9 нчы сыйныф укучылары математика фәненнән төп дәүләт имтиханын тапшырдылар.

Бүген "Кояшкай" мәктәп яны ял һәм сәламәтләндерү лагеры үз эшен башлап җибәрде. Иртәнге линейкадан соң, балалар физзарядка ясадылар, иртәнге аштан соң отрядларда оештыру эшләре үткәрелде. Шулай ук куркынычсызлык кагыйдәләре турында сөйләшү булды, балалар лагерьның көн тәртибе белән таныштылар. Бүген лагерьга йөрүче балалар авыл фельдшеры белән очраштылар. Көн дәвамында төрле хәрәкәтле уеннар оештырылды, "Бәхетле балачак" исемле рәсем конкурсы үткәрелде.

Җәйнең беренче көне – балачак иленең иң матур бәйрәме - Халыкара балаларны яклау көне. Шуңа да балалар бу көнне зур түземсезлек белән көтеп ала. Балаларны яклау көне 1950 нче елдан башлап дөнья күләмендә билгеләп үтелә. Әлеге бәйрәм безгә, өлкәннәргә, һәр баланың яклауга, кайгыртуга мохтаҗ икәнен искәртеп тора. Чөнки үсеп килүче буын – ул безнең киләчәгебез, илебезнең киләчәге. Әлеге бәйрәм уңаеннан районда активистлар Слёты һәм балалар Сабан туе үткәрелде. Бәйрәм барышында укучыларыбыз: Насретдинова А., Шәрәфиева А., Сабиров С. кә диплом-грамоталар тапшырылды. Барлык укучыларыбызны әлеге матур бәйрәм белән котлыйбыз!

Бүген 9 нчы сыйныф укучылары сайлап алу фәненнән (химиядән) төп дәүләт имтиханын тапшырып кайттылар. Сынауларда уңышлар теләп калабыз укучыларга!