Бүген Бөтенрәсәй олимпиадаларының мәктәп турына старт бирелде. 5-9 сыйныф укучылары тарих фәненнән олимпиада эшләре эшләделәр.Укучыларыбызга уңышлар телибез!

Бүген мәктәбебезгә Кайбыч районы ЮХИДИ нең баш инспекторы Тимуршин Фирдүс Рашитович,Балигъ булмаганнар эше  бүлекчәсенең өлкән инспекторы Калимуллина Фәния Нәбиулловна килделәр. Алар мәктәп укучылары белән "Игътибар балалар " айлыгы баруына басым ясадылар,куркынычсызлык кагыйдәләрен исләренә төшерделәр. Беренче сыйныф укучыларына яктылыкны кире кайтаручы элементлар турында әңгәмә үткәрделәр. Укучыларны кызыксындырган төрле сорауларга җаваплар бирелде. 

Бүген Арча шәһәрендә педагогик хезмәткәрләрнең җәйге спартакиадасы уздырылды.Кайбыч командасы составында мәктәбебез директоры Хәмидуллин Ильмас Илдарович та бар.Ул аркан тату ярышында катнашты һәм команда 1 нче урынны яулады.Гомуми нәтиҗәләр буенча Кайбычның җыелма командасы 3 нче урынга лаек булды.

Өлкән сыйныф укучылары,укытучылар белән берлектә мәктәп бакчасында үскән кишер,кызыл чөгендер, ташкабак уңышын җыеп алдылар. Бәрәңгене сортларга аерып сакларга подвалга урнаштырдылар.Җыеп алган уңышыбызны саклыйк,ашханәдә витаминлы ризыклар белән тукланыйк!

Башлангыч сыйныф укучылары сыйныф җитәкчеләре белән берлектә "Тынычлык күгәрчене" акциясенә актив кушылдылар. Тынычлык символын аңлатучы күгәрчен кошларына сугыш кырында ятып калган бабалары исемнәрен язып,  шарларга бәйләп күккә очырдылар.Җир йөзендә беркайчан да сугышлар булмасын,ил-көннәребез тыныч,аяз булсын иде дигән теләктә калды укучылар.

Бүген Рус полкларының Куликово сугышында монгол-татар гаскәрләрен җиңү көне.Тарих укытучысы Вилданова Л.Х.сугыш турында мәгълүмат бирде. Бу чарада ЮНАРМИЯ сафына керүче укучылар да катнашты.

Беренче сыйныф укучылары сыйныф җитәкчесе Багавиева Э.Р. берлектә мәктәп территориясе буенча экскурсиягә чыктылар. Укучылар табигатьтәге көзге үзгәрешләрне күзәттеләр,мәктәп бакчасы белән таныштылар. Соңыннан саф һавада төрле хәрәкәтле уеннар уйнадылар. 

Бүген бездә кунакта  Өстәмә профессиональ белем бирү ассоциациясенең Казан шәһәре "БИНК" СДК вәкиле Ирина Викторовна Халяпина , Кайбыч мәшгүльлек үзәгеннән Марданшина Альбина Әнвәровна булдылар. Ирина Викторовна 8-9 сыйныф укучылары өчен кайсы һөнәргә тартылуларын ачыклау йөзеннән тест үткәрде. Укучыларга бу бик тә ошады. Алар үзләренә бик күп мәгълүмат алдылар.

Мәктәбебез чәчәклеге ел саен яңартылып,чәчәкләргә баетылып тора. Бүген чәчәклегебез тюльпан суганчалары белән төрлеләндерелде.

Бүген иртәнге линейкада "Милләтләр кроссы"-2017 ярышында җиңү яулаган укучыларны билгеләп үттек. Менә алар: 1-5 сыйныф кызлары арасында III урын -Гиниятуллина Алинә(4 нче сыйныф),II урын-Сиразиева Гөлназ(4 нче сыйныф), I урын- Насретдинова Алия(4 нче сыйныф). 1-5 сыйныф малайлары арасында III урын- Саттаров Илсаф( 4 нче сыйныф), II урын- Ахмадуллин Нияз (3 нче сыйныф), I урын- Садриев Гадел (4 нче сыйныф). 6-9 сыйныф кызлары арасында III урын Миңнуллина Исламия (6 нчы сыйныф), II урын- Хикматуллина Кадрия (7 нче сыйныф), I урын- Шәмсетдинова Камилә (7 нче сыйныф).6-9 сыйныф малайлары арасында III урын - Хәйретдинов Илмас(9 нчы сыйныф), II урын- Сәмигуллин Илназ ( 6 нчы сыйныф), I урын- Садриев Салават( 9 нчы сыйныф). Афәрин,укучылар!