Иртән уянып, сөенеп-көлеп,

Ашыга-ашыга бакчага килдек.

Сәламләштек без, аннан күрештек,

Елмаешып бергә тезелдек. 

Бакчабыз мөдире Розалия Харисовна "Мәктәпкәчә белем бирүнең нәтиҗәле муниципаль моделен формалаштыру: тәҗрибә һәм перспективалар" темасына август киңәшмәсендә чыгыш ясады. 

Балаларда көндәлек хәрәкәт эшчәнлегенә ихтыяҗ формалаштыруны җәйге саф һавада сәламәтлек сукмагында дәвам итәбез. Сәламәтлек сукмагында йөргәндә балаларның табан астына алган массаж акыл эшчәнлегенә, сөйләм үсешенә, хәрәкәт координациясенә, гәүдә тотышына күп файда бирә. Ихтыяр көче, сабырлык, кыюлык, мөстәкыйльлек  кебек сыйфатлар тәрбияләнә; иптәшләре алдында җаваплылык хисе тоярга да өйрәнәләр.

Ел саен бакчабыз территориясен бизәүгә әти-әниләр һәм хезмәткәрләр күп көч куя. Быел Исрафилов Фәнил ясаган кое бакчабызга матур бер ямь биреп тора.

Бакчабызда сөенеч!

Бүген яңалар килде.

Игезәк, матур кызларыбыз -

Дилия белән Зилиягә

Һәммәбез дә сөенде.

Яшелчәләр гөрләп үсте, уңышы мул булды быел бакчаның. Вакытында яңгыры да яуды, җылысы да җитәрлек. Өлкәннәр белән беррәттән зурлар төркеме балалары бакча эшләрендә актив катнаштылар: чүп үләннәрен утадылар, сирәкләделәр, су сиптеләр. Ә хәзер үзләренең зур нәтиҗәләргә ирешүләренә куаналар: түтәлләрне тутырып үскән суган, кишер, чөгендер, ташкабак, алар өчен кышка витамин гына түгел, ә үз хезмәтләренең җимеше дә.

Комнан кызыксынып нәрсәдер эзләүче бу балалар - нәниләр төркеменнән. Аларга әле һәрнәрсә яңа, һәрнәрсә кызык. Әле дөньяны ачасылары бар...

9 нчы Бөтенрәсәй Мөселман балар Сабан туен ачып җибәрү, оештыруда катнашу безнең бакча коллективына зур җаваплылык йөкләде. Безнең балаларыбыз бик матур чыгыш ясадылар.

Балаларыбызны кояшның, кызу, эссе, хәлне ала торган нурларыннан саклау өчен нәниләр төркеменә йөрүче балаларның әти-әниләре  нинди матур, ерактан балкып, елмаеп каршы алучы корылма ясап бүләк иттеләр. рәхмәт сезгә, әти-әниләр!