Әй, уйныйбыз, уйныйбыз,

Җыябыз да, төзибез.

Якты, матур бакчабыз

Көн саен куанабыз!

Бүген "Федераль дәүләт белем бирү стандартларындагы төп үзгәрешләр " темасына семинар булды. Семинарда Кариле, Кили, Алан, Бөрбаш Сәрдегәне балалар бакчасы мөдирләре  һәм өлкән тәрбиячеләр катнашты. Семинарны мәктәпкәчә тәрбия һәм белем бирү методисты Г.Ф.Нутфуллина, методик берләшмә җитәкчесе Р.Н.Шамсутдинова алып бардылар.

"Туган ягым - яшел бишек" проекты кысаларына нигезләнеп, зурлар төркеме балалары "Нәфис-нәфасәти" белем бирү өлкәсенең әвәләү эшчәнлегендә Татарстан Республикасы флагын картонга сылап эшләделәр. Флагтагы төсләрнең нәрсә аңлатуы ныгытылды, әвәләүнең бер төре - сылап эшләү эшкәртелде. 

Кулыма алдым китап

Шундый матур, рәсемле.

Рәссамнәр бик тырышып

Ясаган ул рәсемне.

Беркайчан да китапның

Үткән юлын онытма.

Рәнҗетмә син китапны

Аның битләрен ертма!

Уртанчылар төркеме бездә кышлаучы кошларны танып, истә калдыру максатыннан өлешләрдән бербөтен кош рәсемнәре җыйды. 

Безгә кунакка гаиләдә балигъ булмаган балаларның хокукын бозуны кисәтүче муниципаль хезмәткәрләр килделәр. Алар гаилә турында белемне ныгыту максатыннан, гаилә әгъзаларының бер-берсенә җылы мөнәсәбәттә булырга тиешлеген аңлатып әңгәмә уздырдылар, "Золушка" мультфильмын күрсәттеләр. 

Уртанчылар төркемендә "Икмәк - ил тоткасы" проектын тәмамлап, әниләр тозлы камырдан төрле татар халык ашлары ясап алып килделәр. Аларга зур рәхмәтебезне белдерәбез.

Уртанчылар төркемендә "Сөмбелә бездә кунакта" дип исемләнгән бәйрәм иртәсе үткәрелде. Балалар бу чарадан бик канәгать булдылар. 

Матур шигырьләр, җыр-биюләр өйрәнеп көз кызы Сөмбеләне каршыладык. Аңа үзебезнең җирлектә үсүче яшелчәләр турында белгәннәребезне сөйләдек, юмарт көз кызына рәхмәт әйттек. 

Көзге ярминкәдә безнең  коллектив та катшашты. Бакчабызда үстерелгән яшелчәләрне, алардан әзерләнгән салатларны тәкъдим иттек.