"Көз" проектын йомгаклап әниләребез табигый хәзинәләрдән төрле композицияләргә җан өрделәр. Аларга зур рәхмәтебезне белдерәбез. 

"Алтын көз" проекты кысаларында нәниләр төркемендә "Көздэ кунакта" исемле бәйрэм иртәсе узды. Балалар бу чарада бик теләп катнашып көзнең сихри мизгелләре, аның муллыгы, матурлыгы белән танышып үзләренең көз турында белемнәрен ныгыттылар. "Көздә кунакта" булу балалар күңелендә бик матур истәлекләр калдырды. 

Бүген бакча балалары көз патшалыгында кунакта булдылар. Көзге табигатьнең матурлыгына сокланып карадылар. Сары күлмәкле каеннар, көнбагышлы басу, көзнең җылы җиле белән дулкынланып торган бия суы балаларны көлеп каршылады. Күктәге кояш та нурларын мулдан койды. Көннең җылылыгы, матурлыгы карап туймаслык иде. 

Көзге икмәкне җыеп алуга бакчабыз хезмәткәрләре дә үзләреннән өлеш керттеләр. Туган совхозыбызга бик теләп булыштык.

Зурлар һәм мәктәпкә әзерлек төркеме балалары җәен дә үз участокларында бик тырышып эшләгәннәр иде. Менә хәзер шул хезмәтнең нәтиҗәсе: алар үстергән кишерләр зур булып үскәннәр, тәмле булып пешкәннәр. "Үзең үстергәч тәмлерәк тә әле ул",- дип, алар уңышны җыярга да булыштылар. 

Бу көннәрдә бәрәңге басуында кызу эш кайный. Бакча балалары икенче икмәкне алучыларны карарга, өлкәннәр хезмәте белән танышырга кырга бардылар. Бәрәңге комбайнының эшләвен кызыксынып күзәттеләр, өстәлгә килеп җиткәнче бәрәңгенең озын юл үтүен, аны алуда катнашкан хезмәт ияләренең эше авыр  икәнен күреп кайттылар.  

Мәктәпкә әзерлек төркеме балалары уен мәйданчыгында коелган яфракларны җыюда булыштылар. Авыл малайлары икәнлекләре әллә каян күренеп тора: себеркене дә бик оста тоталар, артларында чүп тә калмый, бик яхшы себерәләр.

Хәрмәтле Розалия Харисовна!

Уңган да , сез, белган, кешелекле,

Һәр хезмәткәр Сезне хөрмәтли.

Күк йөзендә балкып бүген кояш

Әйтерсең лә, Сезне тәбрикли.

     Гомер бәйрәмегез - Туган көнегездә

     Ишетегез бездән мең рәхмәт.

     Киләчәктә, алгы көннәрдә дә

     Бирсен Сезгә ходай бәрәкәт.

Зурлар төркеменә йөрүче балалар тәрбиячеләре Раилә Фатыйховна белән шифалы үләннәр турында сөйләштеләр. Кайсы үләннең нинди авыруга дәва икәненә төшенделәр. Үзләре дә дару үләннәре җыйдылар. 

Бүген нәниләр төркемендә йөрүче балалар төркемдәшләре Рамзанны туган көне белән котлап җырладылар, биеделәр.