Бүген нәниләр төркемендә "Көз белән бергә" исемле бәйрәм иртәсе булды. Балалар бу иртәдә көз турында күзаллауларын тирәнәйттеләр, белемнәрен ныгыттылар. 

5 октябрь - Укытучылар көне уңаеннан мәктәпкә әзерлек төркемендәге балалар тәрбияче апалары белән мөгаллимнәрне котладылар. Аларга җылы сүзләрен, изге теләкләрен җыр һәм бию белән үреп бүләк иттеләр.

Әле бер ай элек кенә ТНВ ның "Халкым минем" тапшыруында безнең Бөрбаш балалар бакчасыннан матур сюжет әзерләнеп күрсәтелгән иде. Бу атнада "Татарлар" тапшыруында күргәзмәдәге экспонатларны һәм балалар белән хәзерләнгән "Бәби ашы" күренешен тәкъдим иттеләр. 

Районда уздырылган "Бәби ашы" конкурсы бакчабызның якты йолдызы, сәләтле баласы Әдел Корбангалиев башкаруында "Туган тел" җыры белән тәмамланды. Яшь җырчыга киләчәктә дә зур өметләр баглыйбыз. 

Балаларның көзге бакчада өлгергән яшелчәләр һәм җиләк-җимешләр турында алган белемнәрен гомумиләштерү максатыннан,  нәниләр төркеменә йөрүче балаларның әти-әниләре ясаган кул эшләреннән күргәзмә оештырылды.

Өлкәннәр көне уңаеннан уртанчылар төркемендә тәрбияләнүче балалар әби-бабаларына бүләккә үз куллары белән матур чәчәкләр ясадылар.

Район мәгариф хезмәткәрләре Спартакиадасында муниципаль этабының VIP - йөгерешендә безнең бакча мөдире Розалия Харисовна III урынга лаек булды. Без аны бу зур җиңүе белән котлыйбыз! Алга таба да зур уңышлар телибез.

Район күләмендә әхлак укытучылары өчен "Бәхет ул - башкаларга игелек эшләүдән тәм табу" дип исемләнгән семинарда безнең бакча балалары чыгыш ясадылар.

Түтәлләрдә үсте бик күп яшелчә:

Кыяр, кабак, чөгендер, кишер, кәбестә.

Алар ничек үсә, нинди төстә?

Без бу сорауларга җавапны яхшы беләбез, чөнки участокта яшелчә үстерүдә актив катнашабыз.