"Мәгариф", "Гаилә һәм мәктәп" журналлары редакциясе тарафыннан оештырылган "Табигать баласы" бәйгесендә актив катнашканнары өчен мәктәпкә әзерлек һәм зурлар төркеме балалары Яббарова Камилә, Кәримуллина Регина, Әкбәров Әсхәт сертификат белән бүләкләнделәр. Һәрвакыт шундый актив булыгыз!

Балтач муниципаль районы яшүсмерләр "Факел" клубы призына 2010 елда  туган кызлар арасында рус шашкасы буенча ачык турнир булып узды. Анда мәктәпкә әзерлек төркемендә тәрбияләнүче Корбанова Зифа III урынга лаек булды. Зифаны җиңүе белән котлыйбыз, алдагы бәйгеләрдә зур уңышларга ирешүен телибез. 

Сөйләшеп, уйнап була,

Күп нәрсә белеп була,

Шаярып, көлеп була -

Дусларың гына булсын!

Мәктәпкә әзерлек төркемендә тәрбияләнүче Корбанова Зифа район беренчелегендә шахмат буенча Рамил Фазлыев истәлегенә оештырылган бәйгедә кызлар арасында I урынны яулады. Зифа шахмат, шашка ярышларында еш катнаша, гел призлы урыннар ала. Спортның бу төрендә кызларының зур уңышларга ирешүе - әтисе Илшатның тырышлыгы. Аларга зур уңышлар телибез. бүген генә шахматчы кыз Зифа киләчәктә шахмат буенча чемпион булыр дип ышанабыз.

Рус теле эшчәнлегендә зурлар төркеме балалары тәрбиячеләре Гөлфия Хәйдәровна белән "Гаилә чәчәге" ясадылар.

Үзебезнең туган авылыбызны, аның эшчән кешеләрен, ямьле табигатен яратабыз. Авыл тагы да матур, кешеләре шат булсын өчен аның табигате чиста булырга тиеш. Авылыбызда яшәүчеләр моның өчен күп көч куялар, ә без - нәни экологлар моңа өлешебезне кертәбез. Әле бүген Камилә чишмәсенә бардык. Салкын, тәмле суы белән чишмә авылның күп кешесен сыйлый. Су аккан ерганакларны таш, үләннәрдән чистарттык.

"Минем әйләнә-тирәм" проекты кысаларында балалар әти-әниләренең һөнәрләренә кагылышлы рәсемнәр карап, аларның эчтәлеген аңларга тырыштылар. Төрле һөнәр кешеләренә, әти-әниләр хезмәтенә карата кызыксыну уяту максатыннан төрле уеннар уйнадык. Балаларга "шофер". "табибә", "сатучы" булып уйнау бик ошады.

Табигый материаллар үзеннән-үзе фантазия һәм уеннар тудыру өчен зур байлыкларның берсе. Аларга оста куллар җан өреп икенче тормыш бирә. Зурлар һәм мәктәпкә әзерлек төркеме балалары әти-әниләре белән бергәләп табигый материаллардан сокландыргыч, күңелгә рәхәтлек, шатлык бирә торган кул эшләре иҗат иттеләр. Күргәзмә искиткеч матур булды, барысы да бер-берсенең эшенә сокланып, кызыксынып карадылар, тәэсирләрен уртаклаштылар.

Бүген мәдәният йортында Бөрбаш һәм Кариле балалар бакчалары арасында "Җырлыйк әле" дип исемләнгән бик эчтәлекле, моңлы җырларга, дәртле биюләргә бай бәйрәм чарасы булды.

Нәниләр төркеме балалары үзләренең яраткан мул уңышлы Көз бәйрәмендә! Алар Сөмбелә белән рәхәтләнеп уйнадылар, күңел ачтылар.