Нәниләр төркеме балалары апайларны бәйрәм белән котлыйлар. Бәйрәмнәр мөбәрәк булсын!

Бакчабызга Бөрбаш урта мәктәбенең 5 нче сыйныф укучылары тәрбиячеләрне һөнәри бәйрәмнәре белән котларга килделәр. Балалар бакча хезмәткәрләренә үзләренең матур шигырьләрен, җыр-биюләрен  һәм чәчәк бәйләмнәрен бүләк иттеләр.

Бүген бакчабызда әти-әниләр җыелышы  булды. Җыелышта узган уку елына анализ ясалды һәм алдагы уку елында эшләнәчәк эшләрнең максат-бурычлары билгеләнде.

Авылыбызда күп кешеләрне эшле иткән эшмәкәрләр бар. Алар якын-тирә район халкына да хезмәт күрсәтәләр. "КФХ Гильмуллин ширкәте", "Агач эшкәртү" цехына, балаларда һөнәр осталарының матур  эшләренә соклану, аларның хезмәтенә хөрмәт, горурлык хисләре  тәрбияләү максатыннан  экскурсиягә бардык. Цехта эшләүчеләр үз хезмәтләре турында сөйләделәр, заманча эш кораллары белән таныштырдылар.

Кешеләр белән исәнләшү, бер-берңә ярдәм итү, әти-әниеңә булышу - яхшы эшләр булып санала. Яхшылык эшләсәң, кешеләргә изгелек кылсаң, күңел сөенә. Син эшләгән яхшылыклар үзеңә дә яхшылык булып кайта. Яхшы эшләр эшлик! Җирдә яхшылык артсын! - дигән теләк белән нәниләр төркеме балалары эш атнасын башлап җибәрде.

Бөтенроссия "Милләтләр кроссы - 2017" йөгерү көненә багышланган чарада безнең коллектив йөгерешкә чыкты. Кросста катнашучыларны команда капитаны Ярулла улы Фирдәвес Галимуллин сәламләде. Безнең максат - физик әзерлекне  ныгыту, сәламәт яшәү рәвешен пропагандалау.

Абдулла Алиш үзенең иҗаты белән сабыйларны туган илне яратырга, аны сакларга, табигатьнең матурлыгына сокланырга, күңел белән тоемлый белергә өндәгән.

Бүген бездә мөселманнарның олуг бәйрәме Корбан гаетенә карата чара үткәрелде. Балаларга Җәлил хәзрәт Фазлыев дини йолаларны сакларга кирәклеген, изгелек төшенчәләрен аңлатты, күчтәнәчләр өләште, изге теләкләр теләде. Кунакка балаларның бабайлары да килде. Алар оныкларының күркәм чыгышларыннан канәгать калдылар. Бу көнне корбан итеннән аш белән сыйландылар.

Уртанчылар төркеме балалары белән берлектә бакчабызның чисталыгы, матурлыгы өчен тырышабыз.

ЮХИДИ хезмәткәрләре биргән бүләкләр белән балалар куанып уйныйлар, белемнәрен ныгыталар.