Юл йөрү кагыйдәләренә багышлап "Безнең авыл юллары" дип исемләнгән чара үткәрелде. Анда ике команда көч сынашты. Үзебезнең авыл юлларында куелган билгеләр, алар нәрсә аңлатуы турында балалар белемнәрен район ЮХИДИ хезмәткәрләре алдында күрсәттеләр. ЮХИДИ хезмәткәре Айрат Рафаэлович балаларның белемнәрен юлда йөргәндә дә файдаланырга чакырды. Очрашу истәлеге итеп буяу өчен китаплар, пазлолар бүләк итте.

Нәниләр төркеменә нәни Мәрьям, Руфинә, Инсаф бик яратып, теләп ияләнәләр.

Кояш кебек гел дә шулай,

Елмаеп торсак иде.

Нурлары ничек бербөтен,

Шулай дус булсак иде!

Без, тәрбиячеләр, балаларда комлыкта  уйнауга кызыксыну уятырга омтылабыз. Бу юкка гына түгел, ком белән уйнау баланың үзаңы үсешенә тәэсир итүе инде  борынгыдан ук билгеле. 

Бакча балалары бүген "Фиксиләр"  мультфильмын карадылар. Бу мультфильм популяр, күңелле, эчтәлекле.  Яраткан геройлары балаларның күңелләрен күтәрде. 

1 июнь - ул җәйнең көтеп алынган беренче көне һәм балачакның иң кояшлы бәйрәме - Балаларны халыкара яклау көне.

Бүген бакчабызда халкыбызның милли бәйрәме -  Сабантуй булды. Һәр бала үзенең осталыгын күрсәтте, көчен сынады, халык уеннарында бик теләп катнашты. Бәйрәмдә балалар рәхәтләнеп күңел ачтылар. 

Бүген зурлар һәм мәктәпкә әзерлек төркемендә  полиция хезмәткәре Раушания Ленаровна булып китте. Ул балаларны җәй көннәрендә аеруча сак булырга өндәде, куркынычсызлык кагыйдәләрен балалар белән бергәләп ныгыттылар. 

Бүген балалар бакчасында чыгарылыш кичәсе балалар, педагоглар, әти-әниләр күңелендә матур мизгелләр калдырды. Балаларның бәйрәмдә театральләштерелгән тамаша геройлары белән берлектә татар, рус телендә шигырьләр сөйләве, җырлавы, килешле итеп вальс әйләнүләре дә һәркемнең күңеленә хуш килде. Балалар үзләрен уңган, зирәк, акыллы итеп таныттылар. Бәйрәмдә сөенечле дә, моңсу да мизгелләр күп булды. Ак юллар сезгә, балалар! Сезне тылсымлы белем дөньясы көтә. 

Бүгенге көн нәниләр төркемендә "Көлке көне" дип билгеләп үтелде. Балалар кунакка килгән Убырлы белән бергәләп күңел ачтылар, уйнадылар. Ә Убырлы балалар белән рәхәтләнеп сөйләште, әңгәмә корды һәм сорау-җавап оештырды.