В нашей школе проходят тренинги основного курса Программы Intel "Проектная деятельность в информационно-образовательной среде XXI века".

Район күләмендә призывниклар арасында оештырылган физик әзерлек бәйгесендә 11 нче сыйныф укучысы Гатауллин Реналь 1 урынны яулады. Арча һәм Әтнә районнарының хәрби комиссары Борханов Алмаз тарафыннан  "Рәхмәт хаты" белән бүләкләнде. Яшь буынга хәрби-патриотик тәрбия бирүдә башкарган хезмәтләре өчен физкультура һәм ОБЖ укытучысы Зарипов Булат шулай ук  "Рәхмәт хаты белән бүләкләнде. Котлыйбыз!

14 октябрь көнне Балык Бистәсенең Югары Тегермәнлек урта мәктәбендә экологик темага республика семинары узды. “Мәгариф” журналы оештырган “Шауласыннар яшел урманнар” конкурсында җиңеп III урынны яулаган тарих укытучысы Садриев Равил “Эзтабар” түгәрәге эшчәнлеге буенча семинарда мастер-класс күрсәтте. Истәлекле бүләк һәм диплом белән бүләкләнде.

5 октябрьдә 9 – 11 сыйныф укучылары белән “Парламент дәресләре” темасы буенча диспут үткәрелде. Укытучы Садриев Равил укучыларга Россия Федерациясенең парламенты турында тирән эчтәлекле мәгълүмат биргәннән соң, укучылар закон чыгару процессы һәм кайбер законнарның тормышчанлыгы буенча үз фикерләрен җиткерделәр, бәхәсләштеләр. 

Мәктәп укучылары бу көнне укытучыларны котлап матур теләкләрен җиткерделәр. Чәчәк бәйләмнәре бүләк итеп изге теләкләрен белдерделәр.

Зур өметләр белән киләбез без

Мәктәбемнең ачык капкасы

Биек булып үскән каеннары

Җил яңгырдан безне сакласын.

Җир йөзенең бөтен матурлыгын

Килә сезгә бүләк итәсе.

Дөньядагы матур сүзләрнең дә

Иң җылысын сезгә әйтәсе.

  Бу уңайдан 3 нче сыйныф укучылары тарафыннан (укытучысы Сафина Р.Р.) "Укытучым минем" темасына ачык тәрбия сәгате күрсәтелде.

3 октябрь көнне 1 нче сыйныф укучылары яраткан әбиләрен, бабайларын чакырып "Өлкәннәр бәйрәме" уздырды. Бәйрәмдә укучылар матур чыгышлар һәм "Кире Маша" әкиятен сәхнәләштерделәр. Класс җитәкчесе Борханова Р.Н., түгәрәк җитәкчесе Төхфәтуллина Ф.Р.

1 октябрь -  өлкәннәр көне. Бу уңайдан мәктәпкә ветеран укытучылар чакырылды. Очрашуга Батталова Нурания, Фәизов Фәргать, Бәйрәмов Рәфкать абыйлар кунакка килде. 5-7 сыйныф укучылары әдәби-музыкаль чыгыш әзерләде. Өлкән буын укытучылары укучыларның сорауларына җавап бирделәр, хатирәләр белән уртаклаштылар, уеннарда катнаштылар.

26-27 нче сентябрь көннәрендә Әтнә районы Үзәк шифаханәсе белгечләре тарафыннан укучылар өчен медосмотр булып үтте. Укучыларның сәламәтлекләре торышы өйрәнелде. Медиклар тарафыннан нәтиҗәләр буенча диагностика ясалачак.  

Сентябрь иминлек ае уңаеннан, 22 сентябрь көнне 2-5 сыйныфлар катнашында юл йөрү кагыйдәләре буенча сбор булды. Һәр отряд юл йөрү кагыйдәләренә багышланган чыгыш әзерләде. Презентация ярдәмендә юл йөрү кагыйдәләре буенча белемнәре тикшерелде.