22 нче февраль көнне "Ягез әле, егетләр" конкурсы булып үтте. Физкультура һәм ТИН укытучысы Зарипов Б.А. 10 төрле бәйге  этабы буенча биремнәр һәм ярыш төрләре әзерләде. Һәр 8-11 сыйныф егетләре үзләренең җитезлекләрен, активлыкларын, спорт төрләрен яхшы белүләрен күрсәттеләр. Нәтиҗәдә 11 сыйныф - 80 балл, 10 сыйныф - 54 балл, 9 сыйныф - 46 балл, 8 сыйныф - 47 балл җыйдылар. Гер күтәрү буенча 11 сыйныф укучысы Галиев Ильяс 1 урында (100 тапкыр), турникта тартылу буенча 11 сыйныф укучысы Шигапов Илназ (22 тапкыр), автомат сүтеп-җыю буенча 10 сыйныф укучысы Хәйретдинов Руслан (30 секунд), отжимание 11 сыйныф укучысы Хафизов Фәнис (1 минутка 58 тапкыр),  противогаз кию буенча 11 сыйныф укучысы Нәҗипов Илназ (6 секунд), скакалка сикерү буенча 8 сыйныф укучысы Хәнәфиев Илһам (62 тапкыр) иң матур нәтиҗәләр күрсәттеләр. 

21 нче февраль көнне Комыргуҗа урта гомуми белем бирү мәктәбендә оештырылган Ш.Мәрҗани исемендәге республикакүләм фәнни-гамәли конференциясендә мәктәбебезнең 10 сыйныф укучысы Ибраһимова Айгөл, укытучысы Ганиева Ләйсән "Туган якгеографиясе һәм экологиясе", 11 сыйныф укучысы Фәизова Алинә, укытучысы Сөнгатова Гөлнара "Фольклор һәм халык педагогикасы"секцияләрендә һәм тарих һәм җәмгыять укытучысы Садриев Равил, математика укытучысы Хабибуллина Айсылу укытучылар өчен "Милләт өчен тугры хезмәт итәм" секциясендә актив катнаштылар.   

Ш.Мәрҗани исемендәге республикакүләм фәнни-гамәли конференциясендә "Милләтемә тугры хезмәт итәм" секциясендә тарих һәм җәмгыять укытучысы Садриев Равил I урынны яулап, ТРның Мәгариф һәм фән министрлыгы һәм Фәннәр Академиясе дипломнары белән бүләкләнде.

19 нчы февраль көнне Казан Федераль университетының Филология һәм сәнгать институтында Татарстан Республикасы һәм Россия Федерациясе мәктәпләренең 9-11 сыйныф укучылары һәм махсус урта белем бирү йортларында белем алучылар өчен "Мин туган телемдә сөйләшәм" исемле иҗади бәйге үткәрелде. Бәйгенең максаты - укучыларда татар филологиясенә карата кызыксыну уяту, татар халкының телен, әдәбияты һәм мәдәниятын саклау, һәм үстерү, гуманитар юнәлештә сәләтле яшьләр белән эшләү, аларга ФСИда  белем алу мөмкинлекләре турында мәгълүмат бирү. Шушы бәйгедә 9 сыйныф укучысы Аптышев Максим укытучысы Гайнетдинова Алия катнашты.  Аңа катнашучы сертификаты, ә укытучыга ФСИның "Рәхмәт хаты" тапшырылды.

19 нчы февраль көнне 9 нчы сыйныф укучылары, Хөснетдинова Лилия һәм Яруллина Резедә, укытучылары Садриева Алия җитәкчелегендә, КФУ тарафыннан уздырылган татар теленнән 2 тур олимпиадада катнаштып кайттылар. 

Күәм урта мәктәбендә бүгенге көндә Берлинда яшәп, Берлин университетында магистратурада укучы 24 яшьлек якташыбыз (әнисе Югары Көектән), халыкара мөнәсәбәтләр буенча белгеч - Лилия Гомәр кызы Исхакова белән очрашу булды. Ул икенче магистратурасын тәмамлаучы 7 телне камил белүче шәхес буларак укучыларда, укытучыларда зур кызыксыну уятты.

18 нче февраль көнне 1 сыйныф укучылар китапханәгә кунакка чакырылдылар. 2-4 сыйныф укучылары аларга әдәби-музыкаль кичә күрсәттеләр. Китапханәче табышмаклар, мәкальләр, әсәрләрдән өзекләр әйтте. Укучылар сорауларга җавап таптылар.  Кичәдә китап, аның барлыкка килүе турында сөйләнде, укучыларда китапларга сакчыл караш тәрбияләнде.

17 нче февраль көнне мәктәбебезнең 10-11 нче сыйныф егетләре "Ватан сагында" дигән тема астында әфганстанда хезмәт иткән авылдашыбызТөхфәтуллин Булат белән очрашты. Оештыручы ТИН укытучысы Зарипов Булат Абдулла улы.

15 февраль көнне 5-7 сыйныф укучылары авылыбызның бердән-бер сугыш ветераны Рәхим абый һәм сугыш елы балалары Мөхәммәтшин Таһир һәм Дания апа белән очрашты. Очрашуның темасы - "Патриотизм тамырлары" дип атала. Тарих һәм җәмгыять белеме укытучысы Садриев Равил илебез кичергән сугышлар һәм аларның афәте турында кереш сүзе белән ветераннарга сүз бирде. Укучылар өлкәннәрнең фикерләрен кызыксынынп тыңладылар һәм ватанны саклау - изге бурыч, дигән нәтиҗәгә килделәр.

14 нче февраль көнне Күәм урта мәктәбендә "Гашыйкләр көне" бәйрәме билгеләп үтелде. Егет-кызларга кызыклы сораулар бирелде, уеннар уйнатылды, һәр сыйныф бу уңайдан плакат чыгарды. Иң күп котлау открыткасы алучыларны билгеләдек. Бәйрәмне инглиз теле укытучылары Борханов Ф., Гайнетдинова А. алып барды.