31 нче октябрьдә 1 нче сыйныф укучыларының "Сөмбелә бәйрәме" һәм "Сәламәтлек театры" чыгышлары булып узды. 

31 нче октябрь көнне китапханәдә 5 нче сыйныф укучылары белән Сәяси репрессия корбаннарын искә алу кичәсе булып үтте. Китапханәче Каюмова Г.В. укучыларны Р.Мостафинның "Репрессияләнгән татар әдипләре" китабы белән таныштырды. Шул чордагы татар язучыларының гыйбрәтле язмышлары турында сөйләде. Татар әдипләренең китапларыннан күргәзмә оештырылды.

Мәгариф журналы үткәргән  бәйгедә Күәм урта мәктәбенең җәмгыять  белеме укытучысы Садриев Равил Мөхтәр улы “Фаҗигам дә син, урман, хәзинәм дә” язмасы белән катнашты. Аның бу хезмәте  журналның №10 санында дөнья күрде. “Урманнар” темасына багышланган иң яхшы публистик  язма” номинациясендә III урынга лаек булып Диплом белән бүләкләнде.

26 октябрь көнне мәктәбебезнең "Сәламәтлек театры" "Без - спорт иленнән" дигән темага Көек урта мәктәбендә уңышлы чыгыш ясап кайтты.

19 октябрь көнне 5-6 сыйныф укучылары белән “Хәтер көне”нә багышланган тәрбия сәгате узды. Аны үткәрүче укытучы Садриев Равил видеороликлар һәм электрон презентация аша укучыларны бу фаҗигале көннең тарихы белән таныштырды. Укучыларның сорауларына җавап бирде.

В нашей школе проходят тренинги основного курса Программы Intel "Проектная деятельность в информационно-образовательной среде XXI века".

Район күләмендә призывниклар арасында оештырылган физик әзерлек бәйгесендә 11 нче сыйныф укучысы Гатауллин Реналь 1 урынны яулады. Арча һәм Әтнә районнарының хәрби комиссары Борханов Алмаз тарафыннан  "Рәхмәт хаты" белән бүләкләнде. Яшь буынга хәрби-патриотик тәрбия бирүдә башкарган хезмәтләре өчен физкультура һәм ОБЖ укытучысы Зарипов Булат шулай ук  "Рәхмәт хаты белән бүләкләнде. Котлыйбыз!

14 октябрь көнне Балык Бистәсенең Югары Тегермәнлек урта мәктәбендә экологик темага республика семинары узды. “Мәгариф” журналы оештырган “Шауласыннар яшел урманнар” конкурсында җиңеп III урынны яулаган тарих укытучысы Садриев Равил “Эзтабар” түгәрәге эшчәнлеге буенча семинарда мастер-класс күрсәтте. Истәлекле бүләк һәм диплом белән бүләкләнде.

5 октябрьдә 9 – 11 сыйныф укучылары белән “Парламент дәресләре” темасы буенча диспут үткәрелде. Укытучы Садриев Равил укучыларга Россия Федерациясенең парламенты турында тирән эчтәлекле мәгълүмат биргәннән соң, укучылар закон чыгару процессы һәм кайбер законнарның тормышчанлыгы буенча үз фикерләрен җиткерделәр, бәхәсләштеләр. 

Мәктәп укучылары бу көнне укытучыларны котлап матур теләкләрен җиткерделәр. Чәчәк бәйләмнәре бүләк итеп изге теләкләрен белдерделәр.

Зур өметләр белән киләбез без

Мәктәбемнең ачык капкасы

Биек булып үскән каеннары

Җил яңгырдан безне сакласын.

Җир йөзенең бөтен матурлыгын

Килә сезгә бүләк итәсе.

Дөньядагы матур сүзләрнең дә

Иң җылысын сезгә әйтәсе.

  Бу уңайдан 3 нче сыйныф укучылары тарафыннан (укытучысы Сафина Р.Р.) "Укытучым минем" темасына ачык тәрбия сәгате күрсәтелде.