Математика укытучысы Хабибуллина Айсылу Мөбәрәкҗан кызы 6 нчы сыйныф укучылары белән математика фәненнән ачык дәрес күрсәтте. Әлеге дәрес федераль дәүләт белем бирү стандарталырына туры килгән үрнәк дәрес булды. 

11 нче сыйныф укучылары рус теленнән бердәм дәүләт имтиханнарына юллама итеп, рус әдәбиятыннан йомгаклау сочинениесы яздылар. Имтихан оффлайн режимда үтте. 

"Укытучы - остаз" грантына түгәрәк өстәл артында йомгак ясалды. Нурания Идерисовна яшь укытучыларга теләкләрен җиткерде, истәлекле бүләкләр тапшырды. Әлеге грант яшь белгечләр өчен бик отышлы булды. Алар үзләренең осталыкларын арттырдылар, остаз укытучы ярдәме белән дәрес бирү методикаларының яңа төрләре белән таныштылар. 

Россиякүләм фән олимпиадаларының муниципаль этабы дәвам итә. МХК фәне буенча олимпиадада да нәтиҗәбез бар. 8 нче сыйныф укучысы Төхфәтуллин Раил берничә баллга гына калышып призер булды. 

Мәктәп укучылары арасында спартакиада кызганнан кыза: чиратта ир-малайлар командалары арасында волейбол ярышы. Әлеге кызу ярышта 13 команда көч сынашты. Мәктәбебез укучылары, тренерлары физкультура укытучысы Зарипов Булат Абдул улы җитәкчелегендә 3 нче урынга лаек булдылар. Афәрин, егетләр!

Мәктәбебездә чираттагы ноябрь ае директор яны киңәшмәсе узды. Җыелыш түгәрәк өстәл формасында үтте. Анда чыгарылыш сыйныф укучыларының имтиханга әзерлекләре, ФДББС ның башлангыч сыйныфларда торышы, төрле оешмалар белән тәрбия өлкәсендә хезмәттәшлек турында әңгәмә кордык. 

Фән олимпиадаларының муниципаль этабы дәвам итә. Укучыларыбыз анда актив катнашып, уңышларга ирешүләрен дәвам итәләр. Физика фәненнән дә призерыбыз бар. Ул 7 нче сыйныф укучысы Хафизов Булат, укытучысы Хәкимҗанов Хәмит Газим улы.

Мәктәбебездә төрле фән атналыклары уза. Аның кысаларында төрле интеллектуаль чаралар, стенгазеталар ясау, кроссвордлар чишү, әдәби-музыкаль кичәләр уздырыла. Ноябрь аенда инглиз теле атналыгын үткәрдек. Фән укытучысы Гайнетдинова Алия Рөстәм кызы тарафыннан җыр бәйрәме уздырылды. 1-11 нче сыйныф укучылары инглиз телендә җырлар башкардылар, шигырьләр сөйләделәр. 

Рус теле фәненнән бөтенроссия олимпиадасының муниципаль этабы узды. Мәктәбебездән 5 укучы катнашты, шулар арасында призер да бар. Ул 4 нче сыйныф укучысы Гараева Зәлия, укытучысы Сафина Резеда Рашат кызы. 

20 нче ноябрь халыкара тәмәкедән баштарту көне буларак билгеләнеп үтә. Әлеге тема бүгенге көндә бик актуаль, чөнки тәмәке кулланучылар арасында мәктәп яшендәге балалар елдан ел арта. Моның сәбәпләре төрле. Шуларны ачыклау йөзеннән һәм тәмәкенең кеше организмына нинди зыян китерүен безгә 6 нчы сыйныф укучылары сыйныф җитәкчеләре Гайнетдинова Алия Рөстәм кызы белән берлектә дәлилләделәр. Алар күрсәткән ачык тәрбия сәгате кызыклы һәм бик файдалы узды.