Нихаять, укучыларыбыз көтеп алган балмаскарад көне дә килеп җитте. Һәрбер сыйныф зур теләк белән берсеннән берсе матур, кызыклы концерт номерлары әзерләгәннәр. Монда әтәчләр, рус кызлары, тавыклар, хәтта хәләл чебеш тә бар иде. Шулай ук фән олимпиадаларының район этабында призлы урыныннар алган укучыларыбызны да котлап үттек. Ә алар бездә быел 19 урын!

Бөтенроссия физкультура олимпиадасынынң район этабында 8 нче сыйныф укучысы Мортазина Назгөл укытучысы Зарипов Булат Абдул улының тырышлыгы белән җиңү яулады. Афәрин, Назгөл! 

Республикакүләм татар әдәбияты олимпиадасында да уңышларыбыз шатланырлык. 9 нчы сыйныф укучысы Газизова Зөһрә - җиңүче, ә 10 нчы сыйныф укучысы Галиахметова Дилә - призер. Әлеге укучыларны татар теле һәм әдәбияты укытучысы Сөнгатова Гөлнара Зөлкәрь кызы әзерләде. 

Республикакүләм татар теле олимпиадасының район этабында уңышларыбыз куанырлык: монда безнең өч призлы урыныбыз бар. 10 нчы сыйныф укучысы Галиахметова Дилә - җиңүче (укытучысы Сөнгатова Гөлнара Зөлкәрь кызы), 7 нче сыйныф укучысы Хафизов Булат - призер (укытучысы Закирҗанова Энҗе) һәм 4 нче сыйныф укучысы Гараева Зәлия - җиңүче (укытучысы Сафина Резеда Рашат кызы). Афәрин, укучылар, булганнан бар да була! 

Җәмгыять белеме бөтенроссия фән олимпиадасының район этабы җиңүчесе 10 нчы сыйныф укучысы Садриева Энҗе (укытучысы Хәкимҗанов Фәнис Хәбир улы). Шулай ук Энҗе әлеге фәннән районыбыз данын Республикада да яклыйачак. 

Главная миссия учителя - передать свои знания ученикам. Но для этого он не только должен знать свой предмет, но и уметь правильно преподавать. С этой целью учителя повышают свою квалификацию проходя курсы, участвуюя в различных семинарах, конкурсах. А самым главным экзаменов является педагогическая аттестация, где они защищают свою квалификацию. В этом году из нашей школы прошли педагогическую аттестацию учитель математики и информатики Хакимзянова Нурания Идерисовна и учитель татарского языка и литературы Сунгатова Гульнара Зулькаровна. 

Кыш - әкияти ел фасылы. Ул күңелдә ниндидер тылсымлы хис уята. Шушы тылсымны безнең укучыларыбыз да түземсезлек белән көтә. Шул уңайдан мәктәп тирәли 5-11 нче сыйныф укучылары кардан төрле әкият геройларын, кыш бабай һәм кар кызын ясадылар. 

9 нчы сыйныф укучылары сыйныф җитәкчеләре Төхфәтуллина Фардия Римхатовна белән "Яшәү мәгънәсе нәрсәдә?" дигән темага ачык тәрбия сәгате күрсәттеләр. Сайланган тема әлеге сыйныф укучылары өчен бик актуаль, чөнки алар сайлау алдында торалар, төрле каршылыклар белән очрашалар. Тәрбия сәгате әңгәмә рәвешендә үтте. Шулай ук укучылар үзләренең хыяллары һәм теләкләре белән дә уртаклаштылар. 

2 нче сыйныф укучылары укытучылары Борханова Римма Нурмөхәммәт кызы белән математика фәненнән "Квадратның периметры" дигән темага ачык дәрес күрсәттеләр. Дәрестә укучылар актив катнаштылар, төрле типтагы биремнәр башкардылар. Дәресне ныгыту ягыннан егетләр төзүче, ә кызлар тегүче булып биремнәр башкардылар. 

Укучыларыбыз кошларга ярдәм итергә әзер торалар: җимлекләр ясыйлар, оя коралар. Кыш җитүгә 2 нче сыйныф укучылары кошларга яңа җимлекләр эшләп, мәктәп тирәли элделәр, искеләрен яңарттылар, җимнәр салдылар.