Әтнә районы мәктәпләре арасында чираттагы "Без бит Әтнә яклары" смотр конкурсы булып узды. Быел смотрга укучылар спектакль әзерләделәр. Күәм урта мәктәбе укучылары Гөлшат Зәйнашеваның "Толымнарым" әсәрен сәхнәләштереп, III урынга лаек булды.  

Әтнә урта мәктәбендә "Ашыт" тыюлыгы хезмәткәрләре катнашында укучылар арасында экологик конференция узды. Күәм урта мәктәбеннән 8 нче сыйныф укучылары Газизова Зөһрә һәм Хәкимов Тәбрис катнаштылар.

Әтнә урта мәктәбендә кызлар арасында волейбол ярышы узды. Күәм урта мәктәбе командасы мавыктыргыч уен күрсәтте.

Дусым башлангыч мәктәбендә Фазылҗанова Рүзилә Илдусовна 2 нче сыйныф укучылары белән математика фәненнән ачык дәрес күрсәтте.

"Икенче буын стандартларын тормышка ашыруда мәктәпнең эшчәнлеген оештыру алымнарын камилләштерү" дигән темага Күәм урта гомуми белем мәктәбендә мәктәп директорлары семинары узды. 

Традиция буларак кереп киткән "Ягез, әле, кызлар" бәйгесен быел да үткәрергә булдык. Ярыш 8-10 нчы сыйныф кызлары арасында узды. Алар үзләренең һөнәрләрен, зирәклекләрен һәм белемнәрен күрсәттеләр. Нәтиҗәдә, 8 нче сыйныф кызлары 2 урын, 9,10 нчы сыйныфлар 1 урынга лаек булдылар.

Халыкара хатын-кызлар көне уңаеннан укучыларыбыз әниләрен, әбиләрен һәм укытучыларны бәйрәм белән котладылар. 3 нче сыйныф укучылары сыйныф җитәкчесе Сафина Резеда Рашатовна җитәкчелегендә әниләре өчен бәйрәм кичәсе дә үткәрде.

Имтиханнарга әзерлекне тикшерү максатыннан 4 март көнне 9 нчы сыйныф укучылары зонага бүленеп, татар теленнән ЕРТ тапшырдылар. Шулай ук 11 нче сыйныф укучылары математика фәненнән үзләренең белем дәрәҗәләрен сынап карадылар. 

Казан шәһәренең 14 нче гимназиясендә И. Халфин истәлегенә багышланган фәнни-гамәли укучылар конференциясе узды. Анда 8 нче сыйныф укучысы Газизова Зөһрә биология секциясендә чыгыш ясап, сертификатка ия булды. 

Гатауллина Гөлназ Рахимановна 4 нче сыйныф укучылары белән рус теленнән ачык әрес күрсәтте.