15 апрель якташ шагыйрь, эзтабар Самат Шакирның туган көне. Шул уңайдан татар теле һәм әдәбияты укытучысы Сөнгатова Гөлнара Зөлкаәрь кызы укучыларыбыз белән искә алу кичәсе үткәрде. 5 - 8 нче сыйныф укучылары арасында шигырь бәйгесе, ә башлангыч сыйныф укучылары белән шагыйрьнең музеена сәяхәт кылдык. 

12 апрель - космонавтика көне уңаеннан мәктәптә төрле чаралар үткәрдек. Башлангыч сыйныф укучылары сочинение язсалар, 5-8 нче сыйныф укучылары космонавтика турында видеофильм карадылар. Ә югары сыйныф укучылары тәрбия сәгатьләрендә әңгәмә кордылар. 

7 апрель - сәламәтлек көне буларак билгеләнеп үтә. Без дә әлеге көнне билгеләп китергә уйладык. Укучылар мәктәп формасын спорт киемнәренә алмаштырдылар, ә тәнәфесләрдә спорт уеннары уйнадылар. Шулай ук сәламәтлек көне кысаларында "Нәрсә ул ГТО" акциясе дә уздырдык. 

Язның хәбәрчеләре сырчыклар килделәр. Ә без үз чиратыбызда аларга шартлар тудырырга тиеш. Шул уңайдан 1-8 нче сыйныф укучылары өчен "Иң матур сыерчык оясы" конкурсы игълан ителгән иде. Конкурста укучыларыбыз актив катншатылар, ә аерым укучылар бүләкләнеп киттеләр. 

Укыту эшләре буенча директор урынбасары Ганиева Ләйсән Фәргат кызы 8 нче сыйныф укучылары белән химия фәненнән мавыктыргыч ачык дәрес күрсәтте. Дәрес яңа стандартлар нигезендә төзелеп, кызыклы тәҗрибәләр белән үрелеп барды. 

Яз җитү белән тирә-юньне чистартасы, игелекле эшләр кыласы килә башлый. Укучыларыбыз игелекле эшләр айлыгын зарыгып көтеп алалар. Аның иң беренче эше - макулатура җыю өмәсе. Әлеге эш мәктәбебез традициясенә әйләнде дисәк тә ялгыш булмас. 

3 чирек нәтиҗәләре буенча 1-11 нче сыйныф укучылары өчен ата-аналар җыелышы үтте. Җыелышта Әтнә районы мәгариф бүлегеннән мәгариф бүлеге җитәкчесенең тәрбия эшләре буенча урынбасары Шәйхиев Рамил Рәшид улы "Яшүсмерләр арасында туган низагълар" исемле темага чыгыш ясады. Шулай ук ата-аналар февраль аенда узган медосмотр нәтиҗәләре белән дә таныштылар.  

4 нче чирек башланыр алдыннан чираттагы педсовет утырышы уздырдык. Педсоветта 3 нче чиреккә нәтиҗә ясалды, чыгарылыш сыйныф укучыларының имтиханга әзерлекләре турында да сөйләшенде. Шулай ук аерым укытучыларның ата-аналар белән эш, укучыларда культуралылык компетентлыгын үстерү һәм рухи әхлакый кыйммәтләр дигән темаларга чыгышлар тыңланды. 

Г. Тукай исемендәге Әтнә авыл хуҗалыгы техникумы базасында 8 нче сыйныф укучылары арасында 4 компетенция буенча ярыш узды. Мәктәбебездән әлеге чемпионатта Василова Лилия һәм Мөһәммәдиев Айнур катнаштылар. Нәтиҗәдә, Лилия 2 нче урынга лаек булды, ә Айнур электр эшендә 2 урын алды.

Районыбызның күрке булган Әтнә балалар фестивале чикләрен елдан ел киңәйтә. Быел мәктәпләребез укучыларыннан кала Саба районыннан да иҗат коллективлары катнашты. Ә жюри әгъзалары Миләүшә Ләбиб кызы Айтуганова һәм якташыбыз Гөлназ Фирдинант кызы Шәйхи эшләргә дөрес бәя бирделәр. Нәтиҗәдә, 10 нчы сыйныф укучылары Садриева Энҗе һәм Галиәхмәтова Дилә "Минем кече Ватаным" номинациясендә 1 урын, ә 6 нчы сыйныф укучысы Шиһапова Айзилә "Музыкаль клип" номинациясендә 3 урын яуладылар, җитәкчеләре Гыйззатова Айсылу Рафиз кызы белән Гайнетдинова Алия Рөстәм кызы.