Үткән атнада башлангыч сыйныф укучыларының атналыгы үтте. Атналык бик файдалы булды. Укучылар көз турында рәсемнәр ясадылар, китапчык чыгардылар. Проект эшчәнлеге җәелдерелде.  1 нче сыйныф укучылары сыйныф җитәкчеләре Сафина Резеда Рашат кызы белән берлектә  "Ел фасыллары" темасына ачык тәрбия сәгате күрсәттеләр. Тәнәфесләр гөр килеп торды. Вожатыйлар белән берлектә төрле уеннар, җыр конкурслары, бию һәм башваткычлар үрелеп барды. Укучылар бик канәгать калдылар.

  Мәктәбебездә шау - гөр килеп, көзге муллыкка шатланып "Уңыш бәйрәме" үтте.  Бәйрәм ике этапта булды. Башлангыч сыйныф укучылары һәм 5 - 11 нче сыйныф укучылары катнашында. Бәйрәм үз дәрәҗәсендә узды. Шундый мул итеп әзерләнгән өстәлләр күзнең явын алырлык иде. Һәр сыйныф үз өстәлен яклады. Барысы да  фантазия ярдәмендә, барлык мөмкинлекләрне кулланып әзерләнгән иде. Аннан соң концерт номерлары тезелеп китте: җыр, бию, скетч. Ә соңыннан дискәтүк. Укучылар чын мәгънәсендә ял итте, күңел ачтылар.

Узган атнада   район күләмендә Россия укучылар хәрәкәте үзенең чираттагы у утырышын үткәрде.   Үзенең сафына яңа активистлар кабул итте. Мәктәбебезнең 5 нче сыйныф укучылары бик теләп утырышка бардылар. Үзләрен горур тоткан хәлдә, ант биреп бу оешма сафларына бастылар.  Бу чара бик  дулкынландыргыч булды.  Олы буын укытучылар үзләре дә комсомол сафларына кергәннәрен тагын бер кат искә алдылар.  Укучылар алда эшләнәсе эшләрдә актив катнашырга сүз бирделәр.

Педсовет булып үтте. Көн тәртибендә хәл ителәсе берничә мәсьәлә һәм чирек нәтиҗәләре. Мәктәп директоры Хәкимҗанов Х.Г. "Педагог профстандартлары кертү, укытучыларга куелган таләпләр"  дигән темага чыгыш ясады. Укыту эшләре буенча директор урынбасары Ганиева Л.Ф. 1 чирек нәтиҗәләре  һәм алда торга бурычлар белән таныштырды. Сыйныф җитәкчеләре  сыйныфларның өлгереше һәм уку сыйфаты, тәртип турында сөйләде.

Октябрь ае мәктәпләрдә хокук айлыгы буларак билгеләнеп үтә. Шул уңайдан төрле чаралар, тәрбия сәгатьләрендә әлеге темага әңгәмәләр уза. Елдагыча полиция хезмәткәрләре белән очрашу да читтә калмады. Укучыларга  үз-үзеңне төрле ситуацияда, юлда, җәмәгать урыннарында дөрес тоту турында сөйләр өчен балигъ булмаган балалар белән эшләүче инспектор Хадиев Дамир, Муртазина Гүзәлия, Багаутдинова Наилә һәм районыбыз психологы Лидия Фазылҗанова килделәр. Укучылар һәм килгән кунаклар арасында тыгыз элемтә урнашты. Очрашу сорау-җавап формасында барды.

Олимпиадаларның мәктәп этабы  дәвам итә. Укучылар үзләре яратып укыган фәннәр буенча олимпиада эшләре эшлиләр. Аларны алда олимпиадаларның муниципаль этабы көтә. Аларга уңышлар телик.

"Укытучы - наставник", математика укытучысы Хәкимҗанова Нурания Идерис кызы  "Процент темасына мәсьәләләр чишү" темасына  яшь педагогларга дәрес күрсәтте.  Дәрес укытучыларның таләпләрен искә алып төзелгән. Дәрестә сингапур структурасы элементлары кулланылды, укучылар проект эшләре якладылар, тормышта кулланыла торган мәсьәләләр  чиштеләр. Дәрес ахырында "Яхшылык эшлә" дигән темага әңгәмә үткәрделәр. Дәрес яшь педагоглар өчен генә түгел, укытучыларның барысы өчен дә тәҗрибә туплау мөмкинлеге бирде.

2017 нче елның 23 нче октябреннан  "Парламент дәресләре "акциясе  кысаларында мәктәптә дәүләт советы депутаты Рахматуллин Равил Шәйдәүләтович белән очрашу узды. Очрашу  барышында директорның тәрбия эшләре буенча урынбасары Сөнгатова Г.З. "Нәрсә ул Ватан" дигән темага  тәрбия сәгате үткәрде. Депутат Равил Шәйдәүләтович "Нәрсә соң ул Конституция" дигән темага чыгыш ясады. Укучыларга тормышта югары үрләр яуларга һәм закон тыңлаучы гражданин булырга кирәклекне искәртте. Укучылар депутатыбыздан күп сорауларга җавап алдылар. Равил Шәйдәүләт улы укучыларның бу тема белән хәбәрдар булуын һәм активлыгын ассызыклады.

Хокук айлыгы кысаларында  участок инспекторы Сабиров Ф.Ф. укучылар белән очрашты. Кич чыгу, төрле урыннарда үзеңне ничек тотарга кирәклеге турында аңлатты. Бигрәк тә кечкенә сыйныф укучылары инспектор абыйларын үз итте.

13 октябрьда тарих укытучысы Хәкимҗанов Фәнис Хәбир улы 8 нче сыйныф укучылары белән тарих фәненнән ачык дәрес бирде. Яшь педагог методик осталыгын күрсәтте. Дәрес бик уйлап эшләнгән һәм җанлы үтте.