1 апрель- Кошлар көне! 1906 нче елның 1 апреленнән дөнья күләмендә Халыкара кошлар көне билгеләп үтелә. Илебездә кошлар көне 1927 нче елдан бирле үткәрелә. 2 апрель көнне мәктәптә кошлар көне уңаеннан күп төрле тәрбияви чаралар үтте.       

     “Ташкичү төп гомуми белем мәктәбе”нең “Симетбаш башлангыч гомуми белем мәктәбе” филиалы укучылары һәм класс җитәкчесе Гилазова Лилия Зиннуровна Симетбаш авылында яшәүче сугыш ветераны Сафин Габдрахман Сафа улында кунакта булдылар. “Ветеранга бүләк” акция кысаларында үзләре ясаган бүләкләрен тапшырдылар.

      22 март көнне Ташкичү авылы мәдәният йортында мәктәп укучылары катнашында концерт узды. Концертта  Диләрә Асатовна Иванова җитәкчелегендәге “Күңелле балачак” төркеме чыгыш ясады. 3 ел дәверендә Диләрә Асатовна үзенең иҗатташ дусларын чакырып, һәр елның март аенда иҗат- отчет концертын тәкъдим итә.  Концерт программасы бай эчтәлекле һәм югары дәрәҗәдә үтте. Киләчәктә дә Диләрә Асатовнага нык сәламәтлек һәм иҗади уңышлар телибез.

      24 март көнне район күләмендә уздырылган шигырь  уку конкурсында мәктәбебезнең 3 сыйныф укучысы Гәрәев Әсхәт катнашты. Алар сәнгатьле сөйләм буенча көч сынаштылар.

       21 март көнне мәктәбебездә халкыбызның яраткан бәйрәме "Нәүрүз" үткәрелде. Бәйрәмдә балалар җырладылар, шигырьләр сөйләделәр, биеделәр, рәхәтләнеп төрле уеннар уйнадылар.  Соңыннан барысы  да "Карга боткасы”ннан  авыз иттеләр. Бәйрәмнән  балалар  да,  кунаклар  да бик кәнагать калдылар.

Мәктәбебездә җимлек операциясе дәвам итә. Бу операциядә укучыларыбыз актив катнаша.

     8 март- халыкара хатын-кызлар көне - иң якты, матур бәйрәмнәрнең берсе. Язның беренче бәйрәме уңаеннан кояш кебек ягымлы, игелекле, аяз көн кебек якты күңелле, чәчәктәй гүзәл затларыбызга күңел түреннән ихлас котлаусүзләрен һәм иң изге теләкләребезне җиткерәбез.     

          7 нчы март көнне мәктәбездә 5-9 нчы класс кызлары арасында  “Ягез әле, кызлар!” бәйгесе узды. Бу чарада   кызларыбыз  тапкырлыкта, зирәклектә, уңганлыкта, булганлыкта көч сынаштылар.Төрледән-төрле конкурслар аша кызларыбыз үзләренең кечкенәдән чын оста хуҗабикә серләренә төшенеп,тырышып өйрәнүләрен күрсәттеләр.  Жюри   һәрбер номинациядә җиңүчеләрне билгеләп,  кызларга грамоталар тапшырды. Егетләребез классташ кызларын котладылар, истәлекле бүләкләр тапшырдылар.             

                                      Хөрмәтле җитәкчебезнең якты истәлегенә.

         2014 елның 21 феврале гадәти көн иде, югыйсә. Кичен телефон шалтыравы үзәкләрне өзәрлек, ышанып булмаслык, бәгырьләрне теләрлек яңалык җиткерде: Надия Гәптелфәт кызы вафат... Яңа гына 55 яшен тутырган, энергиясе ташып торган, һәр эшне җиренә җиткереп башкаручы, олы җанлы, кешелекле, акыллы, сабыр  җитәкчебезнең йөрәге тибүдән туктаган. Коллективыбыз, гомумән, авыл халкы өчен авыр югалту бу. Очраклылык микән, болай да сыкрап елаган җаныбызны, тәнебезне сыкы салкыны тагын да өшетеп, телеп- телеп алган кебек булды ул көнне. Әллә табигать тә фәрештәдәй кызы бакыйлыкка күчкәнгә шулай ярсыды микән? Һәрхәлдә безгә шулай тоелды.