Бүген "Ак каен" лагерендә экология көне. Шушы көн кысаларында "Телевизор минем дошманым " дигән темага әңгәмә үткәрелде. Һәм укучылар анкета сорауларына җавап бирделәр. Көннең икенче яртысында авылыбыз чишмәләренә экскурсия ясалды. Укучылар чишмәләр тарихы һәм аларны саклау турында мәгълүмат белән таныштылар.

Бүген лагерьда әкиятләр көне. "Әкиятләр дөньясы" темасына викторина үткәрелде. Һәр звено үзе яраткан әкиятне сәхнәләштерде. Балалар үзләренең актерлык сәләтләрен күрсәттеләр.

  Көн кояшлы, җылы, матур. Шат күңелле балалар лагерьга килделәр. Балалар иртәнге линейка вакытында бүгенге көн тәртибе белән таныштылар. Иртәнге аштан соң, "Без җиребезнең  әкияттәй матур булуын телибез" темасы астында әңгәмә  уздырылды. Табигатькә чыгып төрле уеннар уйнадык. Лагерьның бишенче көне дә нәтиҗәле үтте. Аның мавыктыргыч мизгелләре балалар күңелендә озак сакланыр.

    “ Ак каен” лагерының янә бер көне матур башланып китте. Шат күңелле балаларның  бер-берсен сагынышып, елмаеп –көлеп килүләре күңелгә куаныч өсти. Иртәнге линейка,  гимнастика балалар күңеленә дәрт өсти. Иртәнге аштан соң  “Спорт һәм сәламәтлек” темасына әңгәмә, “Су патшалыгында”  дигән темага рәсем конкурсы  уздырылды.  Ә иң кызыгы , әлбәттә  “Нептун бәйрәме”н  үткәрү булды.

Күңелле, бик күңелле безнең лагеребызда!  "Чишмә чисталык башы" темасына әңгәмә үткәрелде. "Мин һәм чишмә" темасына рәсем конкурсы уздырылды.  "Яшел аптека" операциясендә дару үләннәре белән таныштырылды, табигатькә экскурсиягә сәяхәт кылдык. Кызыклы мультфильмнар карадык.

Лагерьның икенче көне дә күңелле башланып китте. Бу көнне  укучылар белән "Сәламәт булу өчен..." темасына әңгәмәләр үткәрелде, киңәшләр бирелде, шәхси гигиена кагыйдәләре кабатланды, күңелле спартакиада уздырылды. "Туган ягым Татарстан!" темасына карата асфальтта рәсем ясалды.

1 июнь- Балаларны яклау көне. Балаларны халыкара яклау көне – ул, беренче чиратта, өлкәннәргә балаларның яшәү хокукын, фикерләү, дин тоту һәм белем алу, ял итү иреген тәэмин итүнең, аларны физик һәм психологик көч кулланудан саклауның, балалар хезмәтен тыюның гуманлы һәм гадел җәмгыять төзүдә мөһим шартлар икәнлеген искә төшерүче көн. Жир йөзендә яшәүче барлык милләт вәкилләрен бүгенге бәйрәм көне белән котлыйбыз! Күк йөзебез аяз, балаларыбыз бәхетле. киләчәк тормышыбыз якты булсын!

  Бүген мәктәбебез балалар тавышына күмелде, чөнки "Ак каен" исемендәге мәктәп яны лагере үз эшен башлап җибәрде.  Бу көн балалар күңелендә бик озак сакланыр. Балаларны яклау көненә багышланган кичә, әңгәмәләр уздырылды. Балалар звеноларга бүленеп, үзләренә исем, девиз, җыр сайладылар, стенгазеталар чыгардылар. Лагерьның беренче көне эчтәлекле үтте.

Участок инспекторы Р.Г.Рахматуллин мәктәпкә укучылар белән очрашуга килде. Ул җәйге ял вакытында  юл йөрү, пожар куркынычсызлыгы техникасы кагыйдәләрен  төгәл үтәргә кирәклеген искәртте. Каникул вакытында барлык төр кагыйдәләргә дә  игътибарлы булырга кирәклеген әйтте.

       Ученица 8 класса Кадриева Алина победила в номинации «Журналистика» в районном этапе Республиканского фестиваля детской и юношеской молодежной прессы «Алтын калям» - «Золотое перо» - 2014 «Молодежь и государство».