Ташкичү Культура йорты, китапханәсе хезмәткәрләре белән берлектә мәктәп коллективы, традиция буенча, ветераннарны иске Яңа ел белән котлау оештырдык. Бәйрәмчә бизәлгән залга аларны котларга Кыш бабай, Карчәчәк килделәр, авыл үзешчәннәре, мәктәп укучылары аларны җырлар, дәртле биюләр белән котладылар. Ризык тулы өстәл артында ветераннар истәлекләр белән уртаклаштылар, яшьлек елларын искә төшерделәр. Бәйрәм күңелле үтте.

    Каникул чорында өлкән класс укучылары өчен Культура йортында дискотека оештырылды. Дискотеканы китапханә, Культура йорты хезмәткәрләре белән берлектә оештырдык. Татар халкының милли уеннары, биюләрен искә төшердек. Культура йорты хезмәткәрләренә зур рәхмәт!

 Кышкы каникулларда укучылар белән төрле чаралар планлаштырылды. Шуларның берсе - саф һавада чаңгыда шуу. 6 январь көнне укучылар белән чаңгыда шуу оештырылды

  Бүген мәктэптэ шашка буенча мәктәп беренчелеге уздырылды. Малайлар арасында 6 класс укучысы Шәйхетдинов Булат, кызлар арасында 5 класс укучысы Галаветдинова Ралина җиңү яуладылар.

     30  нчы  декабрциясенә  йомгак  ясалды. Укучылар  туплаган  бүләкләрне  авыру  балалары  булган, һәм  тулы  булмаган  гаиләле балаларга  тапшыру, аларны  бәйрәм  белән  котлау  үткәрелде.

Сезне чын күңелебездән якынлашып килүче Яңа 2015 нче ел белән котлыйбыз. Яңа елда саулык-сәламәтлек, гаиләгездә татулык һәм тынычлык, тормышыгызда һәм эшегездә яңа уңышларга ирешүегезне телибез. Яңа елның  туган һәр яңа көннен  елмаеп, зур өметләр һәм хыяллар белән каршы алыгыз! Күңелегез саф, хисләрегез эчкерсез, хыялларыгыз якты һәм матур булсын.

Иң  изге  теләкләр белән Ташкичү мәктәбе коллективы һәм профсоюз  комитеты исеменнән И.И.Гибадуллин`.

29 декабрь көнне МБГБУ "Ташкичү төп гомуми белем мәктәбе" базасында шахмат, шашка, өстәл теннисы буенча зона ярышлары узачак. 6 мәктәп профсоюз вәкилләре көч сыначачак. Ярышларга рэхим итегез!

       26 декбрь көнне мәктәптә Яңа ел бәйрәмнәре узды. Балалар янына кунакка Кыш бабай, Кар кызы килде. Укучылар ул көнне уйнадылар, җырладылар, төрле экиятләрдән вакыйгалар күрсәттеләр. Кыш бабай да нинди иде соң?! Үзе сөйли, үзе бии, бүләкләр өләшә, тамашачыларның күңелен күрә белә! Рәхмәт сиңа, Кыш бабай! Йомшак ап-пакъ кар, шугалаклар, кышкы матурлык өчен!

  Мәктәбебезнең иң актив укучысы, Г.Тукай исемендәге район премиясе лауреаты, 9 класс укучысы Кадриева Алинә Татарстан Республикасы Президенты елкасында булып кайтты. Ул бу бәйрәмгә бик теләп барды. Елкадан алган тәэсирләре белә классташлары, укытучылар белән уртаклашты. Бәйрәм атмосферасы, тантананың үзе укучыны бик канатландырган. Ул укучыларны актив булырга, шушындый бәйрәмнәргә барырлык эшләр күрсәтергә чакырды.