Укучыларга хезмәт юнәлеше бирү максатында, 2015 нче елның 5 февралендә ВУЗларда, техникумнарда, производствода эшләүче мәктәпне тәмамлаучылар белән очрашу кичәсе оештырылды. Кунаклар укуның кирәге, яшьлек елларын заяга уздырмау, гел кешегә ярдәмче булырга кирәклек турында сөйләделәр.

      Кичәне күңелле итеп Арча педагогия көллиятеннән практикага килгән Абдуллина Ләйсән һәм Кадыйров Раушан алып бардылар. Алар укучылар һәм студентларны ярыштырдылар, уйнаттылар. Бәйрәм күмәк җыр башкару  белән тәмамланды. Кичәнең икенче өлешендә дискотека оештырылды.

     Мәктәптә 9 класс укучыларын дәүләт имтиханнарына әзерләү буенча  планлы эш алып барыла. Математика, рус теле, биология, химия фәннәреннән укучыларга өстәмә эшләр оештырыла. Чөнки бу фәннәрдән укучылар дәүләт имтиханнары бирергә әзерләнә. 3 нче февраль көнне мәктәптә математика фәне буенча ГИА форматында сынап карау имтиханы үткәрелде.

     Башлангыч класслар укытучысы М.М.Камалиева  укучыларга белем бирүнең төрле ысулларын куллану өстендә эшли. 3 февраль көнне ул  укучыларның әти-әниләрен чакырып, укучыларга белем бирү юлларын күрсәтте, укучыларның үзләштерү сәләтләрен, нинди юнәлеш белән эш оештырырга кирәклеккә басым ясады.

     Инглиз теле укытучысы Ә.Ә.Вафина  башлангыч классларда инглиз теленнән ачык дәрес үткәрде. Ул әти-әниләргә, укытучыларга чит тел өйрәтү буенча үзе туплаган тәҗрибә белән уртаклашты. Яңа технологияләр куллануның эффектлы чара булуына басым ясады.

      Мәктәптә Бөек Җиңүнең 70 еллыгын билгеләп үтү кысаларында төрле эшләр оештырыла. Шуларның берсе -  Сталинград шәһәре янында көрәш. Бу истәлекле көнне барлык классларда да билгеләп үттеләр.

    31 нче январь көнне мәктәптә профориентация көне дип игълан ителде. Ул көнне классларда профессияләр турында сөйләшү, үзеңнең киләчәгең турында сөйләшү  оештырылды. 8-9 класс укучылары Олы Әтнә авылында урнашкан “Г.Тукай исемендәге авыл хуҗалыгы техникумы”  вәкилләре  белән очраштылар, техникум тарихы, ул әзерли торган белгечлекләр белән таныштылар.

    Бердәм Дәүләт имтиханнарына әзерлек эшләренә ата-аналар да тартыла. 30 январь көнне 8-9 класс әти-әниләре өчен имтиханнарга әзерлек суенча семинар оештырылды.

“Салют, Җиңү” акциясе кысаларында мәктәптә “Бабама хат” дип аталган акция үткәрелде. 2-8 класс укучылары сугыш кырларында ятып калган, сугыштан кайтып үлгән фронтовикларга, сугыш чорында армый-талмый тылда хезмәт иткән ветераннарга символик хат яздылар. Барлык укучылар да акциядә актив катнаштылар. 28 январь көнне акциянең йомгаклау кичәсе оештырылды. Иң яхшы дип табылган хатлардан өзекләр укылды.

       Бөек Җиңүнең 70 еллыгына багышланган чаралар кысаларында мәктәптә “Освенцим. Без аны хәтерләргә тиеш” исеме астында тәрбия сәгате булып узды. Аны 6 класс җитәкчесе Вафина Әлфия оештырды. Балаларга Освенцим турында презентация, видеофильм күрсәтелде. Тәрбия сәгате ахырында “Бухенвальдский набат” җыры яңгырады.

   Мәктәп укучылары район үзәгендә урнашкан Укучылар сараеның  “Нур” телестудиясе эшчәнлегендә актив катнашалар. 28 январь көнне 7 класс укучысы  Гильмуллина Рәзинә телестудия вәкилләре белән берлектә Яңа Кишет авылында булды, сугыш ветераны белән очрашуда катнашты