7 март көнне бадминтон буенча 1999 -2001 нче елда туган укучылар арасында район беренчелеге узды. Бу ярышта мәктәп  данын 5 класс укучысы Галаветдинова Ралина, 6 класстан Шайхетдинов Булат, 7 класс укучысы  Габдулхаков Фидаил һәм 8 класс укучысы Галаветдинов Рәмисләр яклады. Кызлар арасында һәм ,гомумән, Галаветдинова Ралина иң яшь бадминтончы дип танылды. Шуңа да карамастан, команда уңышлы чыгыш ясады һәм 2 нче призлы урын яуланды! Котлыйбыз!

  6 март көнне мәктәптә хатын-кыз укытучылар һәм кызларны котлау оештырылды.  Бәйрәмчә бизәлгән залда укучы кызлар өчен "Тамчы-шоу" оештырылды. Аны 8 класс укучысы Данил Зайнуллин алып барды. Кызлар ике командага бүленеп, зирәклектә, тапкырлыкта көч сынашты. Биремнәр арасында кызыклы сораулар, башваткычлар, әсәр тану, сүрәт почмагы буенча портрет тану һәм башка төрле биремнәр бар иде. Биремнәр арасында егетләр үз классы кызларын котладылар, үзләре әзерләгән бүләкләрне тапшырдылар. Кичә күңелле һәм кызыклы үтте.

   Бүген Ташкичү балалар бакчасында "Иң, иң кадерлеләребез!" дип аталган утренник оештырылды. Бәйрәмчә бизәлгән залга балалар, әниләр, әбиләр җыелды.  

   Әниләргә "Иң матур язгы букет" дип аталган өй эше бирелгән. Һәрбер әни эшне матур итеп башкарган.

   Балалар әниләренә җырлар башкардылар, биеп күрсәттеләр. Әниләр үз чиратында үзләренең һөнәрләрен күрсәттеләр. Бәйрәм ахырында һәрбер әнигә һәм әбигә балалар кулы белән ясалган бүләкләр өләшенде.

   Быел мәктәпнең 9 классын 9 укучы тәмамлаячак. Алар белән имтиханнарга әзерлек узган уку елыннан ук башланды: имтиханнар бирү тәртибе, имтиханнарда булаган яңалыклар, бланк тутыру тәртибе өйрәнелде. Укучыларга профильле классларда уку өчен, профиль алды укулары оештырылды. Октябрь аеннан башлап, сынап карау имтиханнары оештырдык. Менә бүген математика фәне буенча район күләмендә сынап карау имтиханнары оештырыла. Уңышлар телибез, 9 класс укучылары!

   5 март көнне Мәмсә башлангыч мәктәбендә А.Алиш әкиятләрен сәхнәләштереп, 8 март көненә карата бик матур бәйрәм кичәсе оештырылды. 1- 4 класс укучылары "Куян кызы", ә 2-3 класс укучылары "Сертотмас үрдәк" әкиятен куйдылар. Укучылар бик матур әкият геройлары костюмнары әзерләгәннәр һәм рольләрне дә бик оста башкардылар.

     Кичәгә килгән әниләр бәйрәмнән бик канәгать калдылар. Укучылар тарафыннан үз куллары белән әзерләнгән бүләкләр һәркемнең күңеленә хуш килде.

    Бөек Җиңүгә 70 ел. Тыл ветераннарының да иң яшенә 80 яшьләп... 

    Бүген мәктәп коллективы, Культура йорты, авыл китапханәсе коллективы, Ташкичү Җирле үзидарәсе Ташкичү һәм Мәмсә авылында яшәүче тыл ветераннарын "1941-1945 нче елларда Бөек Җиңүгә70 ел" юбилей медале тапшыру тантанасына чакырды. Алар барысы 20. Ләкин тантанага шуларның бары тик 3 се генә килә алды. Еллар үзенекен итә: аяклар йорми, авыртулар...

   Сәхнәдә укучылар. Алар үзләренең эчкерсез хатларын укыйлар. Ул хатларда өлкәннәргә булган җылы хисләр, Бөек Җиңүне якынайткан ветераннарга рәхмәт сүзләре. Күпме авырлыклар кичергәннәр ул ветераннар!

   Ташкичү җирле үзидарә башлыгы Ф.Х.Файзуллин үз чыгышында Президентның Указы белән таныштырды, 3 тыл ветеранының күкрәкләренә юбилей медале такты. 

   Тантана чәй өстәле янында дәвам итте.  Яшьлек елларын искә алулар, алар күргән кыенлыклар.... Китапларга да язып бетерерлек түгел!

    Хөрмәтле ветераннар! Яшьлегегез бик авыр елларга туры килгән! Картлыгыгыз рәхәттә үткәнгә шатланасыз сез! Ходай сезгә тагын озын гомер бирсен, сырхауларсыз яшәргә язсын!

  4 март көнне 8 класс укучысы Касимова Илүзә "Татарстан- Яңа гасыр" телеканалында баручы "Без - Тукай оныклары" тапшыруында катнашты. Ул тамашачыларга үзе иҗат иткән шигырьләрен тәкъдим итте. Тапшыру  Г.Тукай музеенда төшерелде һәм март ахырында эфирга чыгачак.  

         Илүзә! Без сиңа иҗади уңышлар теләп калабыз!

       3  март көнне 2 һәм 3 сыйныф укучылары арасында шашка буенча бәйге үткәрелде. Балалар үзләренең көчләрен сынаштылар. 3 сыйныф укучылары арасында 1 урынны Галаветдинова Фирдинә, ә 2 сыйныф укучылары арасында 1 урынны Фаттеров Фәнгиз яулады. Төп җиңү -Галаветдинова Фирдинәдә.

   Мәктәптә эледэн эле төрле акция, конкурслар булып тора. Бүген 3 март көнне иртәнге линейкада рәсми рәвештә "Бөек җиңүнең 70 еллыгына 70 "5" ле", "Бөек Җиңүнең 70 еллыгына - 70 сыерчык оясы" акцияләре игълан ителде. Укучыларга акцияләрнең максаты аңлатылды, актив катнашырга чакырылды. Укучылар акцияләрдә ныклап катнашырга сүз бирделәр.

           В нашей школе 2 марта  было проведено мероприятие, которое было посвящено 155 летию  со дня рождения А. П. Чехова. Мероприятие было в форме литературной гостиной. Учащиеся были разделены на  исследовательские группы и каждая из них предоставила богатую информацию о жизни и творчестве писателя. В конце мероприятия была предложена викторина по рассказам А. П. Чехова.  Учителя и ученики получили  полезную и в то же время интересную информацию о жизни и творчестве писателя.