Бүген - УКЫТУЧЫ көне! Һәрбер бала мәктәпкә бәйрәмчә киенеп килгән. Чөнки бүген мәктәптә озак еллер эшләп лаеклы ялга чыккан укытучылар килде. Педагог-организатор Г.Д.Касимова һәм тәрбия эшләре буенча директор урынбасары Ф.Ф.Хабибуллина өлкәннәр өчен котлау оештырдылар. Ветераннарны мәктәп директоры И.И.Гибадуллинда чын күңеленнән котлады. 

   Бүген мәктәпкә укытучыларның әти-әниләрен, әникиләрен, мәктәптә эшләп чыккан ветераннарны да котладык. Аларга да конөерт программасы тәкъдим иттек. Кичәнең икенче өлеше чәй өстәле артында үтте. Мәктәп чоры, күңелле вакыйгалар, истәлекләр сөйләнде. Яңартылган мәктәптә эшләү өчен шартларның әйбәт булуынв сокланды ветераннар.

   1 октябрь - халыкара өлкәннәр көне. Шул уңайдан мәктәптә өлкәннәр декадасын үткәрү планы төзелде. Ялгыз яшәүчеләргә шефлар билгеләнде, ветеран укытучыларны котлау программасы төзелде. 1 октябрь көнне Ташкичү авылы ветераннарын котлау оештырылды. Яңартылып эшләнгән Культура йортының фойесында җыелды ветераннар. Чәй артында яшьлекне искә төшереп, җырлап-биеп күңел ачтылар ветераннар. Кичәне оештыруда Культура йорты хезмәткәрләре , библиотекарь, мәктәп коллективы хезмәт куйды.

    Мәктәптә хокук бозуларны кисәтү максатыннан, полиция уполномоченные Раил Рахматуллин еш була. Бүген ул кичке чорда урамда йөргән, җәйге чорда тәртип бозган үсмерләр белән очрашты. Тәртип бозуның киләчәктә кая алып барганын аңлатты.

    Бүген өлкән класс укучылары өчен Профсоюз дәресе үткәрелде. Мәктәп профсоюзы рәисе  Г.З.Фазуллина укучыларны профсоюз барлыкка килү тарихы, бүгенге көндә профсоюз оешмасының роле белән таныштырды. Төрле проблемалы ситуациләр тудырып, укучылар аларга җавап бирделәр. Дәрес күтәренке рухта үтте.

     5 класс укучылары өчен математика фәненнән старт диагностикасы үткәрелде.

В Республике Татарстан продолжается акция "Помоги своей школе!" инициированная Президентом Республики Татарстан Р.Н.Миннехановым. Цель акции - узнать ак живет сегодняшняя школа, оказать ей помощь. Посетите школу! Вспомните школьные годы, своих учителей. Поддержите Республиканскую акцию "Помоги своей школе!"

     Татарстан Республикасы президенты Р.Н.Миннеханов инициативасы белән, республикада башлангыч класс укучылары өчен "Мәдәни көндәлек" проекты эшли. Бу проектның төп максаты - укучыларны мәдәниятлы, белемле, кызыксынучан итү. Бүген Татарстан Республикасында шушы көндәлекләрне укучыларга тапшыру тантанасы булып узды. Безнең мәктәптә ул актлар залында узды. Китапханәче- педагогФ.Ф.Хабибуллина, авыл китапханәчесе В.Ф.Мустафина укучыларны "Мәдәни көндәлек" белән таныштырдылар, тутырып бару тәртибен өйрәттеләр. Укучылар бу тантанада туган ил, Казан шәһәре турында белгәннәрен сөйләделәр, үзләре булган музей, истәлекле урыннар турында фикерләре белән уртаклаштылар. Кичәнең икенче өлешендә башлангыч класс укучылары Ташкичү авылында яшәгән мәгърифәтче Ш.Мәрҗани, язучы М.Галәү турында истәлекләр белән таныштылар, мәктәп музеенда булдылар.

   Бүген Арча районында зур бәйрәм. "Без бит - Арча яклары" дип аталган җыентыкны тәкъдим итү кичәсе оештырылды.  Бу җыентык 3 томнан тора: башлангыч, 5-9 класс, өлкәнкласс укучылары өчен шушы төбәктән чыккан атаклы язучылар, шагыйрьләр, драматурглар әсәрләре белән бергә төрле жанрда иҗат сөючеләрнең дә әсәрләре урын алган анда.  Районыбызга бер төркем язучыар кайтты. Алар Арча шәһәрендә эшлекле сөйләшүдән соң район мәктәпләренә таралдылар.  Гәүһәр Хәсәнова Белән Гафур Каюмов Ташкичү төп мәктәбенә кунакка килделәр. Укучылар кунакларга туган як, туган тел турында җырлар башкардылар, "Без бит - Арча яклары" җыентыгына кергән берничә шигырьне сәнгатьле укыдылар. Гәүһәр Хәсәнова әтисе Мөхәммәт Мәһдиев турында истәлекләре , үзенең әдәбиятка килү юллары турында сөйләде. Гафур Каюмов театр артистыннан драматургиягә, режессурага килү серләре белән таныштырды. Яшь вакытта иҗат иткән шыгырьләрен укыды. Кичә тормыш мәгънәсен ачу, өлкәннәргә хөрмәт тәрбияләү, туган якны ярату, туган телне саклау рухында барды. Рәхмәт сезгә, Гәүһәр ханым, Гафур әфәнде! 

   Арча районы язучыларга, сәнгать әһелләренә бай. Арча муниципаль районы башлыгы И.Г.Нуриев  инициативасы, "Таттелеком" җәмгыяте генераль директоры  Л. Н.Шафигуллинның матди ярдәме белән  танылган язучыларның, шагыйрьләрнең, районның каләм тибрәтүчеләре иҗат иткән әсәрләрдән торган 3 томлык хрестоматия дөнья күрде. Мәктәпнең педагог-китапханәчесе Ф.Ф.Хабибуллина шушы дәреслекләрне укучыларга тәкъдим итү чаралары оештырды.