9 класс укучылары белән имтиханнарга әзерлек дәвам итә. Бүген укучылар математика фәненнән имтихан тоттылар. 18 ноябрь көнне рус теленнән шундый ук имтихан биреп карау көтелә.

    Салкын кыш җитте. Күп кенә кошлар җылы якларга китте. Утрак кошларга кыен вакыт җитте. Традиция буенча, мәктәптә 5 класс укучылары кошларга ярдәмгә килә. Иртән алар кошлар,аларның файдасы турында лекция тыңлады.Менә бүген дәрестән соң алар,бердәм булып, кошларга җимлекләр куйдылар. Кошлар кышкы салкында тук булырлар.

  Сишәмбе - мәктәптә иртәнге линейка көне. Бүген мәктәптә дежур тору торышына анализ ясалды. Коррупция, аның килеп чыгуы турында сөйләшү үткәрелде. Коррупөия турында сөйләшү класс сәгатьләрендә тагын  узачак.

   М.Галәүнең тууына 130 еллыкка багышланган тантана дәвам итә. 2016 нчы елның 11 нче ноябрендә Казан шәһәренең Татарстан Дәүләт муәеенда М.Галәүнең шушы юбилеена багышланган тантана булып узды. Тантанада Рәзил Вәлиев катнашты һәм чыгыш ясады. Беренче булып М.Галәүнең тормышын өйрәнүче Флера Ганиеваның чыгышы беркемне битараф калдырмады. Тантанада мәктәп администрациясе дә катнашты һәм чыгыш ясады.  Тантанада М.Галәүнең оныгы Олег Надирович һәм оныкчыгы Анастасия Олеговна да катнаштылар. Алар архив материаллары, бабалары турында яңа материаллар алып кайтканнар.

     Кичәнең икенче өлеше 12 ноябрь көнне Ташкичү мәктәбендә узды. Кунаклар Галәветдин бабайның кабере янында зиярат кылдылар, төп нигездә булдылар, М.Галәүнең эзе калган мәчеткә керделәр.  Мәктәптә кунакларга М.Галәүне искә алу кичәсе күрсәттеләр, әсәрләренән өзекләр куйдылар. Укучыларны Олег Надирович һәм Ансастасия Олеговна архив материаллвары белән таныштырдылар, истәлек медале тапшырдылар. Кунаклар Ташкичү авылына килүләренә канәгать калдылар. Кичә милли рухта үтте.

    Укучыларның сәламәтлеге - көн кадагындагы мәсьәлә. Безнең мәктәп укучылары Яңа Кенәр участок больницасына карый. Балалар врачы Р.Р.Аксакова укучылар янында еш була, аларның сәламәтлеге турында кайгырта. Бүген дәул укучыларның сәламәтлеген күзәтеп, йогышлы авырулар профилактикасы турында сойләде. Укучыларның сорауларына җавап бирде.   

    Районда, мәктәптә укучыларның кникулларын файдалы үткәрү буенча күп эш башкарылды. Укучылар өчен районда төрле ярышлар, конкурслар узды. Бүген иртәнге линейкада шул укучыларны тәбрикләү оештырылды, киләчәккә планнар корылды. Алда - Бөтенроссия укучылар олимпиадасының муниципаль туры.Барлык көчне шушы бәйгедә катнашырга куярга вакыт җитте.

   9 класс укучылары Дәүләт имтиханнарына әзерләнәләр. Бүген алар өчен математика, татар теле фәннәреннән конкультация оештырылды. график нигезендә консультацияләр каникул буенча барачак. 

   Көзге каникул чорында районда укучылар өчен күп төрле спорт чаралары оештырыла. Бүген йөзү бенча район беренчелеге узды. Мәктәпнең 8 класс укучысы Наил Зәйнуллин,бу ярышның 3 тапкыр призеры булды.

   бүген мәктәптә ата-аналар җыелышы узды. Көн тәртибенә түбәндәге темалар куелды: 1.Беренче чирек нәтиҗәләренә анализ. 2. Авыл китапханәсенә йөрү торышы. 3.Интернет челтәрендә куркынычсызлык кагыйдәләре.

      Ата-аналар алдында  М.З.Гарифжанов, авыл библиотекасы мөдире В.Ф.Мустафина, информатика укытучысы Ф.Г.Фаттеров чыгыш ясадылар. Җыелышның икенче өлеше классларда узды.