Бүген каникулның беренче көне. Башлангыч, 5 нче класс укучылары өчен авыл китапханәсендә "Татар фольклоры" дип аталган чара узды. Чараны китапханә мөдире В.Мустафина оештырды һәм үткәрде.

    Бүген мәктәп эче дәресләрдән соң гөрләп торды. "Уңыш бәйрәме" көзге ярминкә белән үрелеп барды. Ниләр генә юк иде: көзге яфраклардан ясалган роза чәчәгеннән гөбәдиягә кадәр сатуда бар иде. Әти-әниләр дә бик булышкан. Пешкән тәм-томнар, банкалы әйберләр - җаның ни тели, шул бар. Мунча мунчалалары гына да бик күп иде. 6 класс укчылары һәр укучыга 233 сумлык әйбер сатса, 2-3 класс укучылары ассортиментның киң булуы белән алдырды, ярдәмгә әниләрне, әбиләрне чакырып отты. 5 класс укучылары җырлы-биюле уеннарда актив катнашты. Авыл халкы да ярминкәгә күп килде. Бәйрәм күңелле узды.

    Мәктәптә укучыларның сәламәтлеген кайгырту буенча күп эш башкарыла. Бүген медицина хезмәткәрләре укучыларның күрү сәләтләрен ачыкладылар, авырлыкларын, җәйге чорда күпмегә үскән булуларын ачыкладылар. Сәламәт яшәү рәвеше турында мәгълүматлар бирделәр.

    Бүген класс сәгатьләрендә Интернет челтәрендә эшләү кагыйдәләре өйрәнелде. Укучыларга төрле сайтларда эшләү,үзең турында информация таратмау, телефон номерлары бирмәү турында сөйләшенде. Укучылар Интернетта үзләре белгән төрле мошенниклык вакыйгаларын искә төшерделәр.

    Ташкичү төп мәктәбе коллективы 20октябрь көнне Г.Камал исемендәге театрга барды.  Театрда аларны музыкантлар каршы алды. Акрын гна көй агыла. Күңелләр күтәрелә. Спектакль башланганчы ук тамашачының күңелен күтәрү өчен эшләнгән бу. Укытучылар белән бергә бу экскурсиядә өлкән класс укучылары, СМС-дети акциясендә катнашучы укучылар да бар иде. 

   Бүген биология укытучысы Ә.Ә.Вафина "Яр буе зонасы суларын саклау"  елы кысалары астында "Суның тормышта роле" дигән класс сәгате үткәрде. Ул укучыларга су турында кирәкле мәгълүматлар бирде.

   Бүген мәктәп укучылары Арча муниципаль районы башкарма комитеты әйдәп баручы белгече М.К.Нигматуллин белән очраштылар. М.К.Нигматуллин укучыларның дәрестә һәм дәрестән тыш вакытта үз-үзләрен тотуларын, кичке вакытта кире кайтаручы элементларның булуын закон тарафыннан кирәклеген белдерде. Районда, Татарстан Республикасында укучылар белән булган җинаять эшләрен анализлады, булдырмау чараларын күрсәтте.  Ахырыдан М.К.Нигматуллин тәрбягә авыр бирелүче укучылар белән шәхси сөйләшүләр алып барды.

    Бүген мәктәптә иртәнге линейка вакытында укуда, мәктәп тормышында актив катнашкан укучыларны котлау оештырылды. "М.Галәүгә - 130 ел" дип оештырылган кичәдә укучылар да актив катнашты. Мәктәп директоры аларны мактау грамотасы белән бүләкләде. Бигрәк тә сөенгән укучылар - 1 класс укучылары! Чөнки аларның 3 се бүген беренче грамоталарын алды. Л.Сабирова, Д.Ибатуллина, А.Мустафин "Учу.ру" сайтында бирелгән биремнәрне башкарып чыктылар. Беренче уңышларыгыз белән, беренчеләр!

  15 октябрь көнне мәктәп тирәсен чистарту буенча өмә үткәрдек. Кыраулардан соң. чәчәкләр җәйге маткрлыкларын югалтты. Агачлар яфракларын коя. Тирә-юньне чистарту мәсьәләсе килеп басты. Шимбә көнне, үмәк көч белән, мәктәп тирәсе чүтән, иске агачлардан чистартылды.  

    Сентябрь ае (кайбер чыганакларда  ноябрь диелә) - М.Галәүнең туган көне. Аңа быел 130 ел булыр иде. Тукай яшьтәше, драматург, публицист, тарихи роман жанрына нигез салучы М.Галәү Ташкичү авылында туа, үсә, мәдрәсәдә укый. Тормыш аны да суга, кага. Шушы шәхеснең якты истәлеген  искә алырга профессор, филология фәннәре докторы Ф.З.Яхин, филология фәннәре кандидаты , "Г.Тукай" музее директоры Г.Ф.Төхфәтова, филология фәннәре кандидаты, "Ватаным Татарстан" газетасы хәбәрчесе Р.Г.Фатхрахманов, мәгариф бүлеге җитәкчесе З.М.Дәүләтбаев,  "Казан арты" тарих-этнографик музее директор урынбасары Ш.З.Гарипов, Арча, Әтнә районы татар әдәбияты укытучылары катнашты. Искә алу кичәсендә М.Галәүнең тормыш юлы, фаҗигале язмышы искә алынды, анң турында яңа табылган мәгълүматлар белән таныштырылды. Мәктәп укучылары М.Галәүнеү шигырьләрен укыдылар, әсәрләреннән өзекләрне сәхнәләштереп күрсәттеләр.